চীঞ্জাক প্রোসেস তৌনবা য়ুনিত অসি শঙ্গাবগা লোয়ননা লৌমী ৫০০০দা কান্নবা পীরগনি অমদি মসিনা লুপা করোর ৫০.৩৩গী শেনফম থাদরক্নবগী পুক্নিং চিংশিল্লবা য়াই হায়না কেন্দ্রগী ফুদ প্রোসেসিং ইন্দস্ত্রীজ মন্ত্রী শ্রীমতি হরসিম্রত কৌর বাদলনা ফোঙদোকখ্রে‍। উত্তর প্রদেশকী বরাবঙ্কিদা লৈবা ফুদ প্রোসেসিং য়ুনিত অদু ঙসি ভিদিও কন্ফরেন্সিংগী খুত্থাঙদা শঙ্গারদুনা শ্রীমতি বাদলনা হায়খিবদা চীঞ্জাক প্রোসেস তৌবগী সেক্তর অসি য়াম্না চাউখৎলক্লি অমদি ভারত লৈঙাক্না মকোক থোংবা সেক্তর অমা ওইনা শকখঙখ্রে‍। লৌউ-শিংউগী রো মেতররিএল বেজকী খেন্নবা ফীভম অমসুং য়ু.পি.গী লৌউ-শিংউগী অইং-অশাগী ফীভম অসিনা স্তেত অসিদা মশক মচু থোকপা ফুদ প্রোসেসিং ইন্দস্ত্রী শেমগৎনবা মথৌ তাবা ফম্বাক পীরি‍। এফ.পি.আই.গী রাজ্য মন্ত্রী শ্রী রামেস্বর তেলি, এম.ও.এফ.পি.আই. সেক্রতরী শ্রীমতি পুস্পা সুব্রমনিয়ম অমসুং এম./এস. ওর্গানিক ইন্দিয়াগী প্রমোতরশিংসু ভর্চুএল ওইনা শঙ্গাবগী থৌরমদুদা শরুক য়াখি‍।

শ্রীমতি বাদলনা য়ুনিত অদুগী প্রমোতরশিংদা অনৌবা চাংয়েং তৌনবা অমদি চীঞ্জাক প্রোসেস তৌবগী সেক্তরগী ওর্গানিক শরুক্তা অনৌবা পোত্থোকশিং পুথোকপদা মখা তানা শেল থাদনবা পুক্নিং চিংশিনখি‍। মহাক্না চাউরাক্না লৈবাক ৩০দা চা মনাগী পোত্থোক মখল কয়া থাদোক্নবগীদমক য়ু.পি.দা মেনুপেকচরিং প্লান্ত অমা লিংখৎপগীদমক্তা তৌবিমল খঙবা উৎখি‍। প্রমোতরশিং অসিনা মথৌ তাবা মালেমগী সর্তিফিকেসন পুম্নমক ফংলে, ভারতকী ওর্গানিক পোত্থোকশিংবু মালেমদা মমীং চৎহন্নবা মখোয়গী মিসন অসিনা মারতকী মঙলান ওইরিবা আত্মনিরভর ভারত অমসুং মেক ইন ইন্দিয়া খোল্লাউবু হেন্না ইনোৎ হাপ্লগনি হায়না মহাক্না মখা তাখি‍। চীঞ্জাক প্রোসেস তৌবগী সেক্তর অসিদা ভেল্যু-এদেদ পোৎলমশিং মপান্দা থাদোকপগী চাউরবা মতিং লৈ অমদি মসিনা ফোরেন এক্সচেঞ্জ ফংবা ঙমবতা নত্তনা ইরমদমগী কৈথেলদসু থবক পীবা ঙমগনি‍। ২০১৯-২০গী এফ.দি.আই. দেতানা ২০১৮-১৯দগী চাদা ৪৪গী চাংদা চাউনা হেনগৎলে হায়পা উৎলি হায়না মহাক্না পাউদমখি‍। চীঞ্জাক প্রোসেস তৌবগী সেক্তর অসি চাউরাক্না চাদা ৮.৪১গী এ.এ.জি.আর. য়ৌনা চাউখৎলে হায়নসু মহাক্না পাউদমখি‍।

এম./এস. ওর্গানিক ইন্দিয়া প্রাইভেত লিমিতেদ হায়না মিংথোনবা য়ুনিত অসিনা মীওই ১০০দা হকথেংননা অমদি মীওই ২৫০দা নাকোইননা থবক পীবা ঙমগনি হায়না পানরি‍। এম./এস. ওর্গানিক ইন্দিয়া প্রাইভেত লিমিতিদ অসি লুপা করোর ৫৫.১৩ চঙনা লিংখৎপনি‍। মন্ত্রালয়না গ্রান্ত ইন এদ ওইনা লুপা করোর ৪.৮০ পীখ্রে‍। নোংমদা এম.তি. ৩গী প্রোসেসিং কেপাসিতী শেমগৎলে অমদি য়ুনিত অসিনা লুপা করোর ৩৫০গী ওইগদবা লৌউ-শিংউগী পোত্থোকশিং প্রোসেস তৌগনি‍। য়ুনিত অসিদা পুথোক্লিবা পোত্থোকশিংদি, তুলসি গ্রীন তি, চম্প্রা অথুমবগী গ্রীন তি, চম্প্রা শিংগী গ্রীন তি, কফোইগী গ্রীন তি, স্বীত রোজ, তুল্সি মসালানি‍। য়ুনিত অসি উত্তর প্রদেশকী বরাবঙ্কিদা লৈবা য়ু.পি.এস.আই.দি.সি. ইন্দস্ত্রিএল এরিয়াগী এগ্রো পার্ক ফেজ-২দা স্কোয়র মিতর ১২,৯০৩/ একর ৩.১৮ পাক চাউবা মফমদা লিংখৎপনি‍।

চীঞ্জাক প্রোসেস তৌবগী লমদা উত্তর প্রদেশকী মতিং ফোঙদোক্লদুনা, কেন্দ্র মন্ত্রীনা হায়খিবদা লৌউ-শিংউগী রো মেতররিএল বেজকী খেন্নবা ফীভম অমসুং য়ু.পি.গী লৌউ-শিংউগী অইং-অশাগী ফীভম অসিনা স্তেত অসিদা মশক মচু থোকপা ফুদ প্রোসেসিং ইন্দস্ত্রী শেমগৎনবা মথৌ তাবা ফম্বাক পীরি‍। চীঞ্জাক প্রোসেস তৌবগী সেক্তর অসিনা স্তেত অদুগী শেন্মিৎলোনগী মরুওইবা সেক্তর অনি – লৌউ-শিংউ অমসি ইন্দস্ত্রী, অনি শমজিন্নবা মরুওইবা সেক্তর ওইবা ঙমগনি হায়না মহাক্না হায়খি‍। সেক্তর অসিনা লৌরোক মতুংদা মাঙবা, য়োন্ফম মরাঙ কায়না লৈতবা অমদি লৌমীশিংদা লাকপা শেনফম নেমবনচিংবা লৌউ-শিংউগী মরুওইবা শীংনবশিং কোকহনবা ঙমগনি অমদি খুঙ্গঙগী মীওইশিংদা থবক পীবগী খুদোংচাবসু ফংহনবা ঙমগনি হায়না মহাক্না মখা তাখি‍।

এম.ও.এফ.পি.আই.গী থৌরাংশিংগী মতাংদা ঙাঙলদুনা, কেন্দ্র মন্ত্রীনা পাউদমখিবদা লল্লোন ইতিক তৌবদা লায়থোকহনবগী ফীভম ফগৎহন্নবগীদমক এম.ও.এফ.পি.আই.না আই.তি. খুৎলায়শিং শীজিন্নদুনা থৌরাং মখল কয়া পায়খৎলি‍। স্কিমশিংগী ঈ-পাউ পুম্নমক, সেক্তর অসিগী মরুওইবা রিপোর্তশিং, শেন থাদবগা মরী লৈনবা ঈ-পাউশিং অমদি ওনলাইনদা মরী লৈনবা স্কিমশিংগী মখাদা এপ্লাই তৌবা য়াগদবা ওপসনশিং এম.ও.এফ.পি.আই.গী ৱেবসাইততা ফংহল্লে‍। মহাক্না মীপুম খুদিংমক্তা মন্ত্রালয়গা “ক্লিক” অমসুং “কন্নেক্ত” তৌননবা ৱাফম থমখি অমদি মখোয়গী এপ্লিকেসনশিং লৌথুপ লৌকোয় লৈতনা অমদি অকক্নবা মতমগী মনুংদা প্রোসেস তৌগনি হায়না থাজবা পীখি‍।

শঙ্গাবগী থৌরমদুদা ৱা ঙাঙলদুনা, শ্রী রামেস্বর তেলিনা য়ুনিত অদুগী প্রমোতরশিংবু লৌমীশিংদা কান্নবা পীগদবা অমদি মফমদুগী মীয়ামদা থবক পীগদবা চীঞ্জাক প্রোসেস তৌবগী য়ুনিত অদু লিংখৎপগীদমক্তা হরাউ তয়াম্বা ফোঙদোকখি‍। প্রোজেক্ত অসিনা অকোয়বগী মফমশিংদা চাওখৎপা পুরকপদা মরুওইবা থৌদাং লৌগনি হায়না মহাক্না ফোঙদোকখি‍। লৌউ-শিংউ চাওখৎনবা, ভেল্যু এদিসন অমসুং মপান্দা থাদোকপগী থৌওং য়োকখৎনবগীদমক অচৌবা চীঞ্জাক প্রোসেস তৌবগী সেক্তর মথৌ তাই হায়না মহাক্না মখা তাখি‍।

উত্তর প্রদেশতা লৈবা এম.ও.এফ.পি.আই.না শৌগৎপা প্রোজেক্তশিং

প্রোজেক্ত ৬০দা লনাই থাদরকপা শেনফম – লুপা করোর ৮৫৪.৪৩

অপুনবা প্রোসেসিং কেপাসিতী (লোইশিল্লকপদা): চহীদা এম.তি. লাখ ১২.৬২৮

প্রোসেস তৌরবা লৌউ-শিংউগী পোত্থোকশিংগী অপুনবা মমল (থাজবা): লুপা করোর ৩,১৫৭

২০১৪দগী হৌনা, মন্ত্রালয়না লুপা করোর ১১০৯.৩০গী অপুনবা প্রোজেক্ত শেন্ফম, লুপা করোর ২৯৩.৪০গী গ্রান্ত-ইন-এদ অমসুং লুপা করোর ৮১৫.৯০গী লনাই থাদরকপা শেনফমগগী ওইগদবা প্রোজেক্ত ৫১ উত্তর প্রদেশতা অয়াবা পীখ্রে‍।

এম.ও.এফ.পি.আই.না অয়াবা পীরবা স্তেতশিংগী অপুনবা প্রোজেক্তশিং

বি.এফ.এল.- বেকৱার্দ এন্দ ফোর্ৱার্দ লিঙ্কেজ

এফ.তি.এল.-ফুদ তেস্তিং লেবোরেতরীজ

ও.জি.-ওপরেসন গ্রীন্স

****