লৈবাক্কী থাক্তা ঙসি এজুকেসন মন্ত্রালয়না ওনালিন মোদতা ৫৪শুবা ইন্তর্নেসনেল লিতরেসীগী নুমিৎ পাঙথোকখ্রে। শ্রী রমেশ পোখ্রিয়াল 'নিশঙ্ক', কেন্দ্রগী এজুকেসন মন্ত্রীনা থৌরম অদুগী অথোইবা মীথুংলেন ওইখি। রাজ্যগী এজুকেসন মন্ত্রী, শ্রী সঞ্জয় ধোত্রেনা ইকাইখুম্নরবা মীথুংলেন ওইখি। দিরেক্তর জেনরেল, য়ুনেস্কোগী পাউজেলবু য়ুনেস্কোগী মীহুৎনা থৌরম অদুদা পাথোকখি। সেক্রেতরী, দিপার্ত্মেন্ত ওব স্কুল এজুকেসন অমসুং লিতরেসী শ্রীমতি অনিতা করৱাল অমসুং মন্ত্রালয় অসিগী মকোক থোংবা ওফিসিএলশিংসু থৌরম অদুদা শরুক য়াখি।

ইন্তর্নেসনেল লিতরেসী দে সেলেব্রেসন ২০২০ অসিদা 'কোবিদ-১৯ লাংফম অমসুং মসিগী মতুংদা লিতরেসী তীচিং অমসুং লর্নিং' হায়বসিগী মতাংদা প্রোফেসর জে.পি. দুবে, দিপার্ত্মেন্ত ওব এদল্ত, কন্তিন্যুইং এজুকেসন অমসুং এক্সতেন্সন, য়ুনিবর্সিতী ওব দিল্লীনা লৈবাক অসিদা ময়েক চত্তবগী খুদোংচাদবা কোকহন্নবগীদমক তঙাইফদনা তুংদা লৌখৎকদবা খোংথাংশিং খঙদোক্নবগী মতাংদা ৱা ঙাংখি।

থৌরম অদুদা ৱা ঙাংলুনা শ্রী পোখ্রিয়ালনা হায়খি মদুদি লিতরেসী অসি মীওই অমগী লোইবা নাইদনা লৌশিং অমসুং মঙাল তানগদবা পুন্সি খোংচত্তা খ্বাইদগী মরুওইবা অহানবা খোংথাংনি। মন্ত্রীনা হায়খি মদুদি ঙসিগী চাউখৎলবা মালেম অসিদা লৈরিবা মীওইবা খুদিংমক্না ময়েক চৎপা মী অমা ওইনবগী হক লৈ। মসিনা মীওই অমবু হেন্না ইজৎ লৈবা অমসুং মশা মশাবু ইকাইখুম্নজবা মী অমা ওইনবা শেমদোকচনবগী অনৌবা লম্বী অমা পীরি। লিতরেসী হায়বসি মীওই অমবু শেন্মিৎলোন, পোলিতিকেল অমসুং খাউন্নাইগী কান্নবশিং লৌনবা অমসুং ফংহনলিবা চাউখৎলোনবু খোংজেল য়াংহল্লিবা অমসুং লৈবাক অসিগী অমসুং মালেমগী থাক্তা মতেং পাংলিবদুবুনি।

পাকথোক চাউথোক্না য়েংলবদা, লিতরেসী হায়বসি লৈবাক অসিবু চাউখৎনবা, অপুনবা ওইনা নুংশিননবা অমসুং তুং কোইনা চাউখৎপা পুরক্নবগী পান্দম অদু ফংহন্নবা পাম্বৈ অমনি।

মন্ত্রীনা মখা তানা ইন্তর্নেসনেল লিতরেসীগী নুমিৎ অসি মালেম অসিদা লৈরিবা লৈবাক পুম্নমক্না ময়েক চত্তবা মীওই অমত্তা লৈহন্দবা ৱাশক অদু হেন্না চেৎশিলহন্নবা থৌরম অমনি। মসি লিতরেসী, লৈবাক অমসুং মালেমগী থাক্তা লৈবা এক্সপরিএন্সশিং য়েন্থোকপা অমসুং তমশিনবা, স্তেকহোল্দরশিংগী মরক্তা মতেং পাংনবা, অমসুং লিতরেসীগী মরুওইবশিংগী মরমদা মীয়ামদা ভাপ তাহন্নবগী মীকুপ অমনি।

মন্ত্রীনা পাউদমখি মদুদি চহী অসিগী ইন্তর্নেসনেল লিতরেসীগী নুমিৎ ২০২০ অসিনা 'কোবিদে-১৯ লাংফম অমসুং মসিগী ৱাংমদা' মরুওইনা এজুকেতরগী থৌদাং অমসুং লমজিং লমতাক্কী মওং মতৌ হোংবদা মীৎয়েং থম্লি। থিম অসিনা লিতরেসীবু পুন্সি চুপ্পগী ওইনা চৎমিন্ননবগী মাইকৈদা য়েংলি, অমসুং মরম অসিনা, মসিনা নহা অমসুং অহলশিংদা মীৎয়েং থম্লি। আই.এল.দি., ২০২০ অসিনা নহা অমসুং অহলগী লিতরেসী প্রোগ্রামশিংদা লাইচৎ অসিবু অমসুং মসিগী ৱাংমদা করম্না থেংনগদগে হায়বগী লমজিং লমতাক্তা অমসুং অনৌবা তাকপীবগী মওং পুথোকপদা খুদোংচাবা অমা পীরগনি।

এজুকেসন মন্ত্রালয়না চহী খরসিদা লৈবাক অসিদগী ইলিতরেসী মুত্থৎনবা থবক কয়া লৌখৎলক্লি, অমসুং অহলশিংবু লাইরিক তাকপীবগী হীরমদা চাউখৎলক্লি, অদুবু ভারত্তা হৌজিক্তি ২০৩০ ফাওবগী মমাংদা চাদা ১০০ লাইরিক লাইশু হৈহন্নবগী পান্দম ফংনবা হোৎনবদা লাইরিক ময়েক চত্ত্রিবা মীওই কয়া অদুমক লৈরি।

শ্রী পোখ্রিয়ালনা রাজ্য সরকার, সিবিল সোসাইতী ওর্গনাইজেসন, কোরপোরেৎ বোদী, ইন্তেলিজেন্সিয়া অমসুং ঐহাক্কী নুংশিরবা ইরৈচাশিং অমসুং স্তেকহোল্দর খুদিংমক্না খুৎশম্নদুনা ভারতপু মপুং ফানা লাইরিক ময়েক চৎলবা লৈবাক অমা ওইহন্দুনা সাকশর ভারত-আত্মনির্ভর ভারত অমা ওইহন্নবা হোৎনমিন্ননবা পুক্নিং চিংশিনখি।

শরুক য়ারিবশিংদা ৱা ঙাংলদুনা শ্রী ধোত্রেনা হায়খি মদুদি লৈবাক অসিগী মপা ওইরিবা মহাত্মা গান্ধীনা নোংমা হায়খি, "লাইরিক ময়েক চত্তবা হায়বসি পাপ অমসুং ইকাইনিংঙাইনি অমসুং মসি মুত্থৎনবা হোৎনগদবনি"। মহাক্না মখা তানা হায়খি মদুদি ময়েক চৎপনা মীওই অমগী পুন্সিদা নত্তনা খুন্নাই, মরুওইনা নুপীগী কাংলুপ অমসুং খুন্নাই অসিদা শোত্থরবা কাংলুপকী মীওইশিংগী পুন্সি মহিং শেমদোকপা, শক্তি পীবা ঙমগনি। মহাক্না মখা তারদুনা হায়খি মদুদি, ঐখোয়না পাম্লিবা লৈবাক অসিগী পান্দম অদু ফংনবা হোৎনবদা মীপুম খুদিংমক লাইরিক ময়েক চৎনবগীদমক হৌনবী মতুং ইন্না এজুকেসনগী মাইকৈদা পুশিল্লক্কদবনি।

শ্রী ধোত্রেনা লাইরিক তম্বা হায়বসি লোইবা নাইবা থবক অমা ওইনা উরোইদবনি হায়খি। ঐখোয়গী লৈবাক অসিদা লৈরিবা মীওইশিং অসি চহী ৩৫গী মখাদা লৈবনা হেন্না নম্বনা হায়রিবসি লৈবাক অসিদদি হেন্না চুনবা ওইরগনি। হায়রিবা নহাশিং অসিনা, এজুকেসনগী মঙাল মতীক চানা ফংদনা থবক্তা খোঙদারকপা মতমদা দিমোগ্রাফিক দিবিদেন্দ অসিগী চপ চাবা খুদোংচাবা লৌবদা অৱাবা মাইয়োক্নরি। ঐখোয়না নহাশিং অসি করম্না মহৈগী লমদা অমসুং পুন্সি চুপ্পগী লাইরিক তম্বগী হীরমদা পুশিল্লকপা ঙমগদগে হায়বগী মতাংদা খনবগী মতম য়ৌরে।

শ্রী ধোত্রেনা স্তেকহোল্দরশিংদা ভারতপু ময়েক চৎপা অমসুং তুং কোইনা চাউখত্তুনা লৈবা লৈবাক অমা ওইনবগী পান্দমদা হোৎনমিন্ননবা পুক্নিং চিংশিনখি। মহাক্না শরুক য়ারিবা ওর্গনাইজেসন খুদিংমক্না তোতেল লিতরেসী ফংনবগীদমক হোৎনরিবসিদা মাই পাকপা ওইরসনু হায়না য়াইফ-পাউজেল পীখি।

হৌরকফম

ইন্তর্নেসনেল লিতরেসী দে (আই.এল.দি.) অসি মালেম পুম্বদা চহী খুদিংগী সেপ্তেম্বর ৮দা পাঙথোকই। আই.এল.দি.বু পালন তৌবা অসি সেপ্তেম্বর ১৯৬৫তা তেহরান্দা ইলিতরেৎ মুত্থৎনবগীদমক ৱার্ল্দ কনফরেন্স ওব মিনিস্তর্স ওব এজুকেসনগী মীফমগী মতুং তারকপা ওইনা পাঙথোকপা হৌখিবনি। কনফরেন্স অদু হৌদোকখিবা সেপ্তেম্বর ৮বু, ইন্তর্নেসনেল লিতরেসী দে হায়না লাউথোক্তুনা মালেম পুম্বদা পালন তৌনবা লেপ্নখি। পেরিস্তা নবেম্বর ১৯৬০দা পাঙথোকখিবা য়ুনেস্কোগী ১৪শুবা জেনরেল কনফরেন্সকী সেসন্দা সেপ্তেম্বর ৮বু ইন্তর্নেসনেল লিতরেসী দে হায়না হৌনবী মতুং ইন্না লাউথোকখি। মদুদগী হৌদুনা য়ুনেস্কোনা ইন্তর্নেসনেল পব্লিক ওপিনিয়ন অমসুং মখোয়গী ইন্তরেস্তপু মাংজিল থাদুনা য়ূনেস্কোগী মরুওইবা থবক থৌরম ওইরিবা  লিতরেসীগী থবক্তা মতেং পাংনবা, মখোয়গী পান্দম অমসুং পন্থুং ফংনবা অমসুং ইলিতরেসী মুত্থৎনবা হোৎনবদা মালেমগী লৈবাক পুম্বনা লেপমিন্নদুনা নেসনেল কম্মিৎমেন্ত পীনবগীদমক ইন্তর্নেসনেল লিতরেসী দে পালন তৌবা হৌখি।

*****