সোসিয়েল জস্তিস অমসুং ইম্পৱার্মেন্ত মন্ত্রালয়
লোল ১৩দা ২৪x৭ তোল-ফ্রি মেন্তেল হেল্থ রিহেবিলিতেসন হেল্পলাইন কিরন(১৮০০-৫৯৯-০০১৯)হৌদোক্লে
Posted On:
08 SEP 2020 1:36PM by PIB Imphal
কোবিদ-১৯ লাইচৎ লাকপদগী ৱাখলগী লায়নাগী থৌদোকশিং হেনগৎলক্লিবা অসি য়েংলগা অমসুং ৱাখলগী লায়না নারবা মীওইশিং মতেং পাংনবা লোল ১৩দা সোসিএল জজতিস্ত অমসুং ইমপ্বারমেন্ত মিনিস্ত্রিগী দি.ই.পি.দব্লিউ.দিনা ২৪x৭ তোল-ফ্রি মেন্তেল হেল্থ রিহেবিলিতেসন হেল্পলাইন কিরন(১৮০০-৫৯৯-০০১৯)হৌদোক্লে। পোস্তর, ব্রোচুর, রিছোর্স বুকগা লোয়ন্না ৱেবকাস্তকী খুৎথাংদা ঙরাং হেল্পলাইন অসি সোসিএল জজতিস্ত অমসুং ইমপ্বারমেন্তগী য়ুনিয়ন মিনিস্তর থাৱারচান্দ গেহলোৎনা হৌদোকখি ।
ভারতকী মফম অমদগী হেক্তা মোবাইল নৎত্রগা তেলিকোম নেতৱার্ক অমগী লেন্দ লাইনদগী তোল-ফ্রি নম্বর ১৮০০-৫৯৯-০১৯দা দাইএল তৌবা য়াগনি। তরাম্না ওকপগী পাউজেল মতুংদা, লোল খন্নবা অচুম্বা বত্তম নমগদবনি; লোল খল্লবা মতুংদা, রাজ্য/য়ু.তি খনগনি, তুংদা খল্লিবা রাজ্য অদুগী হেল্পলাইন সেন্তরদা অদোম শম্নগনি,ৱাখল লায়নাগী অখঙ-অহৈনা মতেং পাংগনি নৎত্রগা মপানগী মতেং(ক্লিনিকেল সাইকোলোজিস্ত/রিহেবিলিতেসন সাইকোলোজিস্ত/সাইকিয়াত্রিস্ত)লৌনবা খঙহল্লক্কনি।
বি.এস.এন.এলগী তেক্নিকেলগী মতেংগা লোয়ন্না মসিগী ফ্রি হেল্পলাইন অসি নোংমগী মনুংদা পুং ২৪, চয়োল অমগী মনুংদা নুমিৎ ৭ মথৌ পাংথোক্লি। মসিগী হেল্পলাইন অসিদা নেসনেল ইন্সতিতুৎ ৮ য়াওনা ইন্সতিতুৎ ২৫ শরুক য়ারি। মসি ক্লিনিকেল/ রিহেবিলিতেসন সাইকোলোজিস্ত ৬৬০ অমসুং সাইকিয়াত্রিস্ত ৬৬৮না শৌগৎলি। হেল্পলাইন অসিগী লোল ১৩ অদুদি: হিন্দি, অসম্মিজ, তামিল, মরাথি, ওরিয়া, তেলুগু, মলায়ালম, গুজরাতি, পঞ্জাবী, কন্নারা, বঙ্গালি, উর্দু অমসুং ইংলিসনি।
ৱাখলগী লায়না অসিনা কনাগুম্বা অমগী পুক্নিংগী ইহুল অমসুং খুন্নাইগী নুংঙাই-য়াইফবদা শোকহল্লি। মতেং লৌনবা হোৎনবা অসি অফবা খোঙথাং অমনি, মসিনা হকশেল, নুংঙাই-য়াইফবা অমসুং হরাওবা হেনগৎহল্লি। ঙন্না লায়না খঙদোক্নবা, ফার্স্ত-এদ পীনবা, সাইকোলোজিগী মতেং পীনবা, ৱাখল লাংতক্নবা ফহন্নবা, ৱাখল নুংঙাইনা লৈনবা, অফবা লমচৎ-শাজৎ শেমগৎনবা পান্দমদা হেল্পলাইন অসিনা মেন্তেল হেল্থ রিহেবিলিতেসনগী থবকশিংগী খুদোংচাবশিং পীরি। মসিনা লাংতক্নবা, পুক্নিং ৱাবা, পাখৎপা, মী তিন্নবা য়াদ্রবা, অৱাবা থৌদোক থোকখ্রবা মতুংদা পাখৎপা, ময়াই কাবা পোৎলমশিং লান্না শীজিন্নবা, মশা মরোমদোম শিজনিংবা ফাওবা, লাইচৎনা মরম ওইদুনা ৱাখল ৱাহনবা মীওইশিং লায়েংনবা পান্দম থম্লি। হেল্পলাইন অসিনা লনাই মীওইশিং, ইমুং-মনুংশিং, এন.জি.ওশিং, পেরেন্ত এসোসিএসনশিং, প্রোফেসনেল এসোসিএসনশিং, রিহেবিলিতেসন ইন্সিতিতুৎশিং, হোস্পিতালশিং নৎত্রগা লৈবাক শীনবা থুংনা লৈরিবা মতেং দরকার ওইবা মীওই অমদা হেক্তা লোল ১৩দা অহানবা তাঙ্কক্কী পাউতাক পীরি।
মসিগী হেল্পলাইন অসিনা লাংতক্নবা, ওবেসিপ কম্পলসিপ দিসওর্দর(ও সি দি); মশা মরোমদোম শিজবা; ৱাখল ৱাবা; পাখৎপা, মী তিন্নবা য়াদবা; ময়াই কাবা পোৎলমশিং লান্না শীজিন্নবগা মরী লৈনবা ৱাখলগী লায়নাশিংগীদমক কৎথোক্লবা হেল্পলাইন অমনি। লাইচৎ অসিনা থোকহনবা ৱাখলগী ওইবা লায়নাশিং থেংনবা মীওইশিং মসিগী হেল্পলাইন অসিনা মতেং পাংগনি।
হেল্পলাইন অসি নেসনেল ইন্সতিতুৎ ফোর ইমপ্বারমেন্ত ওফ পর্সন্স ৱিথ মল্তিপল দিসএবিলিতি, চেন্নাই অমসুং নেসনেল ইন্সতিতুৎ ওফ মেন্তেল হেল্থ রিহেবিলিতেসন,সেহোরগা পুন্না চৎমিন্নরি। ইন্দিয়ান এসোসিএসন ওফ ক্লিনিকেল সাইকোলোজিস্ত, ইন্দিয়ান সাইকিয়াত্রিস্ত এসোসিএসন অমসুং ইন্দিয়ান সাইকিয়াত্রিক সোসিএল ৱার্কস এসোসিএসন্না শীনফম অসিগী লমদা মতেং পাংলি।
*****
(Release ID: 1652380)
Visitor Counter : 231