হকশেল অমসুং য়াইফ-য়ুম্বাল মন্ত্রালয়

কেন্দ্রগী হকশেল মন্ত্রালয়গী ‘ই.-সঞ্জীবনি’ তেলেমেদিসিন সর্বিসনা তেলি-কন্সলতেসন লাখ ৩ হেন্না পাঙথোকপগী রেকোর্দ থমখ্রে


হৌখিবা নুমিৎ ২০নিদা তেলি-কন্সলতেসন লাখ ১ হেন্না পাঙথোকখি

Posted On: 08 SEP 2020 1:46PM by PIB Imphal

হকশেল মন্ত্রালয়গী তেলি-কন্সলতেসন পীনবা প্লেৎফোর্ম অমা ওইরিবা ‘ই.-সঞ্জীবনি’ তেলি-মেদিসিন সর্বিসনা তেলি-কন্সলতেসন লাখ ৩ হেন্না পাঙথোকখ্রে।

কেন্দ্রগী হকশেল অমসুং য়াইফ য়ুম্বাল মন্ত্রী দাঃ হর্শ বর্ধন্না ওগস্ত ৯, ২০২০দা প্লেৎফোর্ম অসিগী তেলি-কন্সলতেসন লাখ ১.৫ শুবগী হরাওবা পাঙথোক্নবা মীফম অমদা থৌবুরেল ওইখ্রে। নুমিৎ অদুদগী থারগা থা অমগী মনুংদা তেলি-কন্সলতেসন পাঙথোকপগী মশিং অসি শরুক অনি হেনগৎখি। কন্সলতেসন লাখ ১দি হৌখিবা নুমিৎ ২০নি খক্তদা পাঙথোকখি। প্লেৎফোর্ম অসিগী লাখ ১শুবা মশিংদি জুলাই ২৩, ২০২০দা য়ৌখি অমসুং মসিগী মতুং নুমিৎ ২৬নি খক্তদা ওগস্ত ১৮দা মখা তারকপা লাখ ১ পাঙথোকখি।

ফিজিকেল দিস্তেন্সিংগী কাঙলোন ইন্না চত্তুনা সর্বিস অসিনা দাক্তরশিংগা অনাবশিংগা পাউ ফাওনহনখি। হৌজিক শন্দোক্লিবা লায়না অসিগী য়াম্না লৌনগনবা মওং অসি য়েংলদুনা মহৌশাগী ওইবা অনা লায়েংবগী থৌওং অসি খুদোংথিনিংঙাই ওইরে হায়না লৌনরিবা তাল্লক অসিদা মসিগী প্লেৎফোর্ম অসিনা মীয়ামদা তঙাই ফদবা অনা লায়েংবগী খুদোংচাবা ফংহনখি।

ই.-সঞ্জীবনি প্লেৎফোর্ম অসিনা তেলিমেদিসিন সর্বিস মখল অনি পীরিঃ দাক্তরদগী দাক্তরদা (ই.-সঞ্জীবনি) অমসুং অনাবনা দাক্তরদা (ই.-সঞ্জীবনি ও.পি.দি.) তেলি-কন্সলতেসন তৌবা। অহানবগী মখল অসি অয়ুশ্মান ভারত হেল্থ অমসুং ৱেলনেশ সেন্তর (এ.বি.-ঐচ.দবল্যু.সি.শিং) প্রোগ্রামগী মরু ওইবা য়ুম্বী অমনি। মসি নবেম্বর ২০১৯দগী পাঙথোকপা হৌখিবনি। মসিনা দিসেম্বর ২০২২ ফাওবগী মনুংদা “হব অমসুং স্পোক” মোদেলগী মওংদা হেল্থ অমসুং ৱেলনেশ সেন্তর অপুনবা লাখ ১.৫দা তেলি-কন্সলতেসন পাঙথোকহন্নবা পান্দম থম্লি। রাজ্যশিংনা মেদিকেল কোলেজ অমসুং জিলাগী হোস্পিতালসিং মশক খঙদোক্তুনা “হব” শেমগদবনি অমসুং “স্পোক” ওইরিবা এস.ঐচ.সি. অমসুং পি.ঐচ.সি.শিংদা তেলি-কন্সলতেসন সর্বিস পীগদবনি।

হকশেল মন্ত্রীনা অনিশুবা কন্সলতেসন সর্বিস ‘ই.-সঞ্জীবনি’  অসি কোবিদ-১৯গী লায়চৎ অসি য়েংলদুনা অনাবশিংনা দাক্তরশিংগা ৱারী শান্নবা য়াহন্নবা চহিসিগী এপ্রিল ১৩দা হৌদোকখিবনি। মসিগী সেবা অসিনা কোবিদ শন্দোকপা থিংবদা তেংবাংবতা নত্তনা কোবিদকা মরী লৈনদা হেল্থলেয়র পীবদসু অচৌবা মতেং পাংলি।

হৌজিক ফাওবদা ই.-সঞ্জীবনি অসি রাজ্য ২৩দা থবক পাঙথোক্লি অমসুং অতোপ্পা রাজ্যশিংদা থবক হৌনবা কন্না হোৎনরি। তমিল নাদু মথন্তনা ই.-সঞ্জীবনি এপ্তগী কন্সলতেসন ৯৭,২০৪ পাঙথোকখি। উত্তর প্রদেশনা পুন্না কন্সলতেসন ৬৫,১৭৩ পাঙথোক্তুনা অনিশুবা মফমদা লৈরি।

হিমাচল প্রদেশনা ৱারী শাবগী থৌওং ৩০,৮৬৯ লৈদুনা খ্বাইদগী য়াম্বা এ.বি.-ঐচ.দবল্যু.সি.গী তেলি-কন্সলতেসন পাঙথোকখি। রাজ্য অসিনা অপুনবা তেলি-কন্সলতেসন ৩১,৬৮৯ লৈদুনা অহুমশুবা থাক্তা লৈরি। আন্ধ্র প্রদেশ অমসুং কেরলানা মথংশিৎনা তেলি-কন্সলতেসন ৩০,১৮৯ অমসুং ২৮,১৭৩ পাঙথোকখি।

রাজ্য/য়ু.তি.শিংগী মীয়াম্না ই.-সঞ্জীবনিদা শরুক য়াবা অসি য়েংলদুনা লেদী হারদিঞ্জ মেদিকেল কোলেজ অমসুং এসোসিএতেদ হোস্পিতালশিং, এ.আই.আই.এম.এস. রিশিকেশনচিংবা তর্সিএরী লেবেলদা লৈবা ইন্সতিত্যুসনশিংসু ই.-সঞ্জীবনিগী মনুং চনলক্লি। মসিগী প্রিমিয়র ইন্সতিত্যুসনশিং অসিনা ই.-সঞ্জীবনি ও.পি.দি.গীদমক্তা অখন্ননা খঙ-হৈরবা ও.পি.দি. লিংখৎলে অমসুং অনাবশিংনা ই.-সঞ্জীবনি ও.পি.দি.গী খুত্থাংদা মসিগী কান্নবা লৌবসু হৌনরে। ওগস্ত ২৬, ২০২০দগী হৌদুনা ভারত সরকারগী সেন্তর গবর্নমেন্ত হেল্থ স্কিম (সি.জি.ঐচ.এস.)না দিল্লীদা লৈবা মখোয়গী বেনিফিশরীশিংগী ওইনা ই.-সঞ্জীবনি ও.পি.দি.গী খুত্থাংদা অফবা মখলগী হেল্থ সর্বিস পীবা হৌখ্রে। সি.জি.ঐচ.এস.না ই.-সঞ্জীবনি ও.পি.দি.দা অফবা অমসুং হৈরবা ও.পি.দি. মরি হৌদোকখ্রে। মখোয়শিং অদুদি ই.এন.তি., মেদিসিন, ওপথাল্মোলোজী অমসুং ওর্থোপেদিক্সনি।

****



(Release ID: 1652374) Visitor Counter : 110