নীতি আয়োগ

এ.আই.এম. স্তার্তঅপ ইনোভেতরশিং মপাঙ্গল লৈহন্নবা অতল ইনোভেসন মিসন্না ফ্রেসৱর্ককা খোঙবু ওইখ্রে

Posted On: 07 SEP 2020 2:25PM by PIB Imphal

ভারতকী ইনোভেতরশিং অমসুং ওন্ত্রপ্রিনরশিংদা অচৌবা ঙাক্লৌ পীননবগীদমক, অতল ইনোভেসন মিসন, নীতি আয়োগনা কস্তমর-এঙ্গেজমেন্ত সোফ্তৱেয়র কম্পেনী অমা ওইরিবা ফ্রেসৱর্ক ইঙ্ককা খোঙবু ওইখ্রে‍।

খোঙবু ওইরিবা অসিনা এম.আই.এম.দা লৈরিবা ইন্সতিত্যুৎশিং অমসুং স্তার্তঅপশিংগী মতিং হেনগৎহন্নবা অমদি স্তার্তঅপ ইনোভেতরশিংগী মরক্তা ইনোভেসন অমসুং ওন্ত্রপ্রিনরসিপ মখোঙ শোম্নবা পান্দম থম্লি‍।

খোঙবু অসিগী মখাদা, ফ্রেসৱর্কনা মখোয়গী পোত্থোক সুইতশিংগীদমক এ.আই.এম. অমসুং মসিগী কান্নবা ফংলিবশিংদা ক্রেদিত পীদুনা স্তার্তঅপশিংবু মরী লৈনবা থৌওংশিংদা চঙবা শেনফম য়েংশিনবগা লোয়ননা মথৌ নীংথিনা তৌহন্নবা মপাঙ্গল কনখৎহনগনি‍। কান্নবা ফংলিবশিং পীগদৌরিবা ক্রেদিতশিং অসি ফ্রেসসেল্স – সেল্স সি.আর.এম. সোফ্তৱেয়র, ফ্রেসদেস্ক – কস্তমর সপ্পোর্ত সোফ্তৱেয়র, ফ্রেসচেত – কস্তমর মেসেজিং সোফ্তৱেয়র, ফ্রেস রিলিজ – এজাইল প্রোজেক্ত মেনেজমেন্ত সোফ্তৱেয়র, ফ্রেসকোল্লর – ক্লাউদ তেলিফোনী সোফ্তৱেয়র, ফ্রেসমার্কেতর – মার্কেতিং ওতোমেসন সোফ্তৱেয়র, ফ্রেসতীম – ঐচ.আর. মেনেজমেন্ত সোফ্তৱেয়র, অমসুং ফ্রেসসর্ভিস – আই.তি. সর্ভিস মেনেজমেন্ত সোফ্তৱেয়রগা মরী লৈবনবশিংদনি‍।

স্তেতমেন্ত ওফ ইন্তেন্ত (এস.ও.আই.)গী মতুং ইন্না ফ্রেসৱর্কনা সেল্স অমসুং মার্কেতিংগী মরমদা মথৌ তৌনবা ত্রেনীং, অমসুং কস্তমরশিংদা হেন্না ফবা এক্সপিরিএন্স পীননবা ক্লাউদ তেক্নোলোজী শীজিন্নদুনা কস্তমর সপ্পোর্ত পীবা য়াওনা স্তার্তঅপশিংদা শীজিন্নবগী মওং মপুং ফানা তাকপী তম্বিগনি‍।

স্তার্তঅপশিংদা ফ্রেসৱর্ক্কী খঙ হৈবা লমশিংদা ফ্রেসৱর্ক্কী ফংস্নেল লুচিংবশিংগা ঈ-পাউ ফাওননবা ভর্চুএল অমসুং ফিজিকেল ওফিস মতমদা এক্সেস পীবা অমসুং হেন্না পাক চাউবা মেন্তর নেতৱর্ক য়াওনা মচাক মথুমশিং অমসুং তাকপী তম্বিবগী থৌওং ফংহনগনি‍।

ৱর্কসোপ, ত্রেনিং মোদ্যুলশিং অমসুং অতৈ মরী লৈনবা হীরমশিং য়াওনা তোঙান তোঙানবা ৱেবিনারশিং এ.আই.এম.গা লোয়ননা পাঙথোক্কনি‍।

থৌরমদুদা ৱা ঙাঙলদুনা, এ.আই.এম. মিসন দাইরেক্তর শ্রী আর. রমনন্না হায়খিবদা, “মসি ঐখোয়গী ইনক্যুবেতরশিংগীদমক্তা অমদি মখোয়গী ইনোভেসনগী খোঙচত্তা স্তার্তঅপ ইকোসিস্তেম হেন্না মপাঙ্গল কনখৎহন্নবা য়াম্না ফরবা তাঞ্জা অমনি‍। ফ্রেসৱর্কপু হীরমসিদা পুশিল্লকপদা ঐখোয়দা নুংঙাইবা ফাওই‍। মসি ঐখোয়গী বেনিফিসিয়রিশিংগীদমক্তা অনৌবা মওংগী অমদি কান্নরবা খোঙচৎ অমা ওইরগনি‍। ঐখোয়গী মরুওইবা পান্দমদি লৈবাক শিনবা থুংনা স্তার্তঅপকী তাইবংপানসিদা হেন্না ফবা অমদি তুং কোইগদবা ফীভম অমা পুরকপনি‍।”

ফ্রেসৱর্ক্কী দাইরেক্তর ওফ তেক্নোলোজী পার্ত্নরসিপ রজিব রমননসু ৱাফম অদুদা য়ানিংবা ফোঙদোকখি‍। “শীংনবনা থল্লবা মতমসিদফাওবা ভারত্তনা ওন্ত্রপ্রিনরগী থৌরাং নীংথিনা হিংদুনা লৈরি‍। এস.এম.ই./এম.এস.এম.ই. অমসুং স্তার্তঅপশিংগীদমক্তা পাক চাউরবা তাঞ্জাশিং লৈরি; মখোয়না পুন্সি চুপ্পগী ওইনা কস্তমর ফংননবা অফবা এক্সপিরিএন্স পীবা ঙম্ননবা ঐখোয়না অচুম্বা খুৎলায়শিং অমসুং লমজিং লমতাক্কা লোয়ননা মখোয়গী থৌওংবু শৌগৎনবা ৱাখল থম্লি‍।“

ভর্চুএল থৌরম অদু এ.আই.এম., নীতি আয়োগ, অমসুং ফ্রেসৱর্ক্কী থৌমীশিংনা শরুক য়াখি; এ.আই.এম. ইনক্যুবেতরশিং, স্তার্তঅপশিং, এ.আই.এম.না ঙাক্লৌ পীবা মহৈতম্ফমশঙশিং, মেন্তরশিং, অমসুং এ.সি.আই.সি.না খনগৎলবা এপ্লিকান্তশিংসু শরুক য়াখি‍।

ফ্রেসৱর্ক অসি ক্লাউদ-বেজ এস.এ.এ.এস. (সোফ্তৱেয়র এস এ সর্ভিস) কম্পেনী অমনি – মসিনা পাক চাউবা মখল খুদিংমক্কী লল্লোন ইতিকশিংদা অনৌবা মওংগী ওইবা কস্তমর এঙ্গেজমেন্ত সোফ্তৱেয়র পীদুনা কাঙবুশিংসিদা মখোয়গী কস্তমরশিংবু ফংহনবা, নকশিন্না অমদি পুন্সি চুপ্পগী ওইনা থম্বা লায়হল্লি‍। ফ্রেসৱর্ক এস.এ.এ.এস. পোত্থোকশিংনা কস্তমরশিংগী ৩৬০গী মীৎয়েং ফংহল্লি; মখোয়শিং অসি খুদক্তা শীজিন্নবা য়ারবা, শীজিন্নবদা লায়বা অমদি শেন থাদখিবদু থুনা হঞ্জিলহনবা ঙম্বা পোৎলমশিংনি‍।

*****



(Release ID: 1652234) Visitor Counter : 5