ਭਾਰਤ ਉਹਨਾਂ ਕੁੱਝ ਦੇਸ਼ਾਂ ਵਿੱਚੋਂ ਹੈ , ਜਿਹਨਾਂ ਵਿੱਚ ਕੋਵਿਡ-19 ਲਈਰੋਜ਼ਾਨਾ ਟੈਸਟ ਵੱਡੀ ਗਿਣਤੀ ਵਿੱਚ ਕੀਤੇ ਗਏ ਹਨ । ਰੋਜ਼ਾਨਾ ਟੇਸਟ ਸਮਰੱਥਾ 11.70 ਲੱਖ ਤੋਂ ਪਾਰ ਹੋ ਗਈ ਹੈ ।

ਭਾਰਤ ਨੇ ਹੁਣ ਤੱਕ 5 ਕਰੋੜ ਦੇ ਕਰੀਬ ਕੁੱਲ ਟੈਸਟ ਕੀਤੇ ਨੇ (4,95,51,507) , ਜਿਹਨਾਂ ਵਿੱਚੋਂ ਪਿਛਲੇ 24 ਘੰਟਿਆਂ ਦੌਰਾਨ 7,20,362 ਟੈਸਟ ਕੀਤੇ ਗਏ ਹਨ ।

ਇਸ ਦੇ ਸਿੱਟੇ ਵਜੋਂ ਦੇਸ਼ ਭਰ ਵਿੱਚ ਕੇਵਲ ਪਿਛਲੇ 2 ਹਫ਼ਤਿਆਂ ਦੌਰਾਨ 1,33,33,904 ਟੈਸਟ ਕੀਤੇ ਗਏ ਹਨ ।

ਕੇਂਦਰ ਸਰਕਾਰ ਦੀਆਂ ਨੀਤੀਆਂ ਵਿਸ਼ਵ ਪ੍ਰਪੇਖ ਨੂੰ ਧਿਆਨ ਵਿੱਚ ਰੱਖਦਿਆਂ ਲਾਗੂ ਕੀਤੀਆਂ ਜਾ ਰਹੀਆਂ ਹਨ । ਲੋਕਾਂ ਦੀ ਵੱਡੀ ਗਿਣਤੀ ਲਈ ਟੈਸਟ ਦੀ ਸਹੂਲਤ ਮੁਹੱਈਆ ਕਰਨ ਲਈ ਕਈ ਕਦਮ ਚੁੱਕੇ ਗਏ ਹਨ । ਹਾਲ ਹੀ ਵਿੱਚ ਕੇਂਦਰ ਸਰਕਾਰ ਨੇ ਇੱਕ ਨਵੀਂ ਤੇ ਰਿਵਾਈਜ਼ ਐਡਵਾਇਜ਼ਰੀ ਜਾਰੀ ਕਰਕੇ ਟੈਸਟਿੰਗ ਆਨ ਡਿਮਾਂਡ ਪਹਿਲੀ ਵਾਰ ਮੁਹੱਈਆ ਕੀਤੀ ਹੈ ।

ਸੂਬਿਆਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਨੂੰ ਵੀ ਵੱਡੀ ਗਿਣਤੀ ਵਿੱਚ ਟੈਸਟ ਕਰਨ ਲਈ ਕਾਰਜ ਪ੍ਰਣਾਲੀ ਨੂੰ ਸੁਖਾਲਾ ਬਣਾਉਣ ਲਈ ਕਈ ਤਰ੍ਹਾਂ ਦੀਆਂ ਢਿੱਲਾਂ ਦਿੱਤੀਆਂ ਗਈਆਂ ਹਨ । ਅਗਸਤ ਦੇ ਤੀਜੇ ਹਫ਼ਤੇ ਤੋਂ ਲੈ ਕੇ ਲਗਾਤਾਰ ਰੋਜ਼ਾਨਾ ਟੈਸਟਿੰਗ ਔਸਤ ਵੱਧ ਰਹੀ ਹੈ ਅਤੇ ਇਹ ਸਤੰਬਰ ਦੇ ਪਹਿਲੇ ਹਫ਼ਤੇ ਤੱਕ 7 ਲੱਖ ਤੋਂ 10 ਲੱਖ ਹੋ ਚੁੱਕੀ ਹੈ । ਵੱਡੀ ਗਿਣਤੀ ਵਿੱਚ ਟੈਸਟ ਕਰਨ ਨਾਲ ਕੋਵਿਡ 19 ਦੇ ਮਰੀਜ਼ਾਂ ਦੀ ਜਲਦੀ ਪਛਾਣ ਕੀਤੀ ਜਾ ਸਕਦੀ ਹੈ , ਜਿਸ ਦੇ ਸਿੱਟੇ ਵਜੋਂ ਉਹਨਾਂ ਨੂੰ ਸਮੇਂ ਸਿਰ ਅਸਰਦਾਇਕ ਇਲਾਜ ਮੁਹੱਈਆ ਕੀਤਾ ਜਾ ਸਕਦਾ ਹੈ । ਇਹ ਇਲਾਜ ਭਾਵੇਂ ਨਿਗਰਾਨੀ ਹੇਠ ਘਰਾਂ ਜਾਂ ਏਕਾਂਤਵਾਸ ਜਾਂ ਹਸਪਤਾਲਾਂ ਵਿੱਚ ਹੋਵੇ । ਇਹਨਾਂ ਕਦਮਾਂ ਨਾਲ ਸਿਹਤਯਾਬ ਹੋਣ ਵਾਲੇ ਵਿਅਕਤੀਆਂ ਦੀ ਗਿਣਤੀ ਵੀ ਤੇਜ਼ੀ ਨਾਲ ਵੱਧਦੀ ਹੈ । ਗੰਭੀਰ ਮਾਮਲਿਆਂ ਤੇ ਮੌਤ ਦਰ ਨੂੰ ਘਟਾ ਕੇ ਕਈ ਜਾਨਾਂ ਨੂੰ ਬਚਾਇਆ ਜਾ ਰਿਹਾ ਹੈ ।

ਕੋਵਿਡ—19 ਦੇ ਸਬੰਧ ਵਿੱਚ ਤਕਨੀਕੀ ਮੁੱਦਿਆਂ , ਦਿਸ਼ਾ ਨਿਰਦੇਸ਼ਾਂ ਤੇ ਮਸ਼ਵਰੇ ਲਈ ਵਧੇਰੇ ਅਧਿਕਾਰਤ ਤੇ ਤਾਜ਼ਾ ਜਾਣਕਾਰੀ ਲਈ ਕਿਰਪਾ ਕਰਕੇ ਲਗਾਤਾਰ ਵੈੱਬਸਾਈਟ ਦੇਖਦੇ ਰਹੋ । ਵੈੱਬਸਾਈਟ ਹੈ https://www.mohfw.gov.in/and@Mohfw_india
ਕੋਵਿਡ—19 ਨਾਲ ਸਬੰਧਤ ਤਕਨੀਕੀ ਪੁੱਛਗਿੱਛ ਟੈਕਨੀਕਲ technicalquery.covid19[at]gov[dot]in ਅਤੇ ਹੋਰ ਪੁੱਛਗਿੱਛ ncov2019[at]gov[dot]inand@covidindiaseva

ਕੋਵਿਡ—19 ਬਾਰੇ ਕਿਸੇ ਤਰ੍ਹਾਂ ਦੀ ਜਾਣਕਾਰੀ ਲਈ ਕਿਰਪਾ ਕਰਕੇ ਸਿਹਤ ਤੇ ਪਰਿਵਾਰ ਭਲਾਈ ਮੰਤਰਾਲੇ ਦੇ ਹੈਲਪਲਾਈਨ ਨੰਬਰ — 911123978046 ਜਾਂ 1075 (ਟੋਲ ਫ੍ਰੀ) ।
ਕੋਵਿਡ—19 ਬਾਰੇ ਰਾਜਾਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਦੇ ਹੈਲਪਲਾਈਨ ਨੰਬਰਾਂ ਦੀ ਸੂਚੀ ਇਸ ਵੈੱਬਸਾਈਟ ਤੇ ਉਪਲਬੱਧ ਹੈ । https://www.mohfw.gov.in/pdf.coronavirushelplinenumber.pdf

ਐੱਮ ਵੀ