প্রধান মন্ত্রী শ্রী নরেন্দ্র মোদীনা নেস্নেল এজুকেসন পোলিসীগী গভর্নরশিংগী মীফমদা হৌদোক ৱারোল পীখ্রে। মীফম অদুদা ভারতকী রাস্ত্রপতিনা অথোইবা মীথুংলেন ওইখি অমসুং তোঙান-তোঙানবা রাজ্য, য়ু.তি. অমসুং রাজ্য খুদিংমক্কী ভাইস চান্সেলরশিংনা শরুক য়াখি।

থৌরম অদুদা ৱা ঙাংলদুনা প্রধান মন্ত্রীনা হায়খি, এজুকেসন পোলিসী অমসুং এজুকেসন সিস্তেম অসি লৈবাক অসিগী মংলান মংফাউনবা হোৎনবদা য়াম্বা মরুওইবা উপাইশিংনি।

প্রধান মন্ত্রীনা হায়খি মদুদি, এজুকেসনগী থৌদাং অসি কেন্দ্র, রাজ্য অমসুং লোকেলগী থাক্তা লৈবা সরকারনা পুগদবা ওইরবসু, পোলিসী শেম্বা মতমদদি মখোয়গী ইথিল অসি নেম্না লৈগদবনি। মহাক্না হায়খি মদুদি এজুকেসন পোলিসীগী চুশিন্নবা অমসুং মরুওইবগী চাং অসি অহেনবা ওজাশিং, মপা-মমা অমসুং মহৈরোইশিংনা মসিগা মরী লৈননা চৎমিন্নরবা মতমদতা হেনগৎকনি। মহাক্না মখা তানা, অনৌবা এজুকেসন পোলিসী অসি লৈবাক অসিগী শহর অমসুং খুঙ্গংশিংদা লৈবা অমসুং এজুকেসন সেক্তরদা লৈরিবা মীওই মিল্লিয়ন কয়ানা পীরকপা ফীদবেকশিং লৌখৎলবা মতুংদা দ্রাফ তৌবনি। মহাক্না হায়খি মদুদি হৌজিক্তি ওজা অমসুং এজুকেসনিস্তশিং য়াওনা মীপুম খুদিংমক্না পোলিসী অসিগী অশোইবশিং য়াজরে।

প্রধান মন্ত্রীনা হায়খি, পোলিসী অসি হৌজিক্তি মীপুম খুদিংমক্না য়ানরে অমসুং শেমদোকপগী মওং অসি মমাংগী এজুকেসন পোলিসীদগী হৌদুনা পুরক্লমগদবনি হায়না ফাউনরি। মহাক্না পোলিসী অসিগী মতাংদা দিবেৎ কয়া তৌনরি অমসুং হায়রিবসিমক এন.ই.পি. অসিনা এজুকেসন সিস্তেমদখক্তদা শেমদোক্কদবা নত্তনা ২১শুবা চহী চা অসিগী খুন্নাই অমসুং শেন্মিৎলোনগী মাইকৈদা অহোংবা অমা পুরক্কদবনা য়াম্নমক তঙাইফদবা পোৎশক অমা ওইরি। মহাক্না হায়খি, পোলিসী অসিনা ভারতপু মরোমদোম লেপচবা নত্ত্রগা আত্মনির্ভর ওইহন্নবা পান্দম থম্লি।

প্রধান মন্ত্রীনা হায়খি, পোলিসী অসিনা খোংজেল য়াংনা অহোংবা পুরক্লিবা মতম অসিদা নহাশিংবু তুংগীদমক শেম শানবা পান্দম থম্লি। পোলিসী অসিনা লৈবাক অসিগী নহাশিংবু লৌশিং অমসুং তুংদা তঙাইফদবা স্কিলশিং শেম শাদুনা থম্নবা পান্দম থম্লি হায়না মহাক্না মখা তাখি।

মহাক্না মখা তানা, অনৌবা এজুকেসন পোলিসী অসিনা স্তদীদতা নত্তনা লর্নিংদা মিৎয়েং থম্লি অমসুং করিক্যুলমগী ৱাংমদা য়েংদুনা ক্রিতিকেল থিংকিংদা মিৎয়েং থম্লি হায়খি। মহাক্না হায়খি মদুদি প্রোসেস খক্তদা নত্তনা পেসন, প্রেক্তিকেলিতী, অমসুং পার্ফোরমেন্সতা মিৎয়েং থম্লি। মহাক্না হায়খি মদুদি, অনৌবা পোলিসী অসিনা লর্নিং আউৎকম অমসুং ওজাশিংবু ত্রেনিং পীবদা অমসুং মহৈরোইশিংবু হেন্না মপাঙ্গল পীনবগীদমক মিৎয়েং থম্লি।

অনৌবা পোলিসী অসিনা ভারতপু নোলেজ ইকোনোমী অমা ২১শুবা চহী চা অসিদা ওইহন্নবা পান্দম থম্লি হায়না মহাক্না হায়খি। মখা তানা, অনৌবা পোলিসী অসিনা ব্রেন দ্রেনগী সমস্যা কোকহন্নবগীদমক মকোক থংবা ইন্তর্নেস্নেল য়ুনিবর্সিতী কয়া চঙলক্নবসু হোৎনরি হায়খি।

প্রধান মন্ত্রীনা হায়খি মদুদি অনৌবা পোলিসী অসি করম্না থবক্তা ওন্থোক্কদগে হায়বগী কন্না খন্নরি। মহাক্না মখা তানা হায়খি মদুদি, থোক্লকপা খুদোংচাদবা খুদিংমক থিংহৌনবগীদমক স্তেকহোল্দর খুদিংমক্কী ৱাফমশিং থোং লাওনা হাংদোক্তুনা তারি। মহাক্না হায়খি মদুদি, এজুকেসন পোলিসী অসি সরকারগী এজুকেসন পোলিসী নত্তে, মসি লৈবাক অসিগী এজুকেস পোলিসীনি।

মহাক্না হায়খি মদুদি হায়র এজুকেসন- একাদেমিক, তেক্নিকেল, ভোকেসনেল অসিনচিংবশিংগী হীরম খুদিংমক কোমদগী চিংখৎনবা হোৎনগনি।

প্রধান মন্ত্রীনা এন.ই.পি.-২০২০ অসিবু মসিনা পাম্লিবদুমক অমসুং ওইহন্নীংলিবদু ফংনবা মওংদা থবক ওইনা ওন্থোক্নবগীদমক পুক্নীং চিংশিল্লক্লি।

*****