কেন্দ্রগী হকশেল মন্ত্রালয়না কোবিদ লাইচৎকী ফিবম মীকুপ নাহুমশিংনা য়েংশিল্লি অমসুং মরী লৈনবা রাজ্য/য়ু.তি.শিংগা তোইনা পাউ ফাউনদুনা কোবিদ কেস ৱাংবা অমসুং এক্তিব কেস মশীং য়াম্না লৈবা অমসুং শিবগী চাং ৱাংবা জিল্লাশিংনা খুদোংথীবা অসিবু লাকশিন্নবা হোৎনবদা লৌখৎলিবশিং লমজিং লমতাক্নবা হোৎনরি।

হীরম অসিগী মতাংদা, কেন্দ্রগী হকশেল সেক্রেতরীনা ভিদিও কনফরেন্সকী থোংদা রাজ্য ৫গী অমসুং য়ু.তি. ১গী হকশেলগী সেক্রেতরীগা মখোয়গী মখাদা লৈবা জিলা ৩৫দা লাকশিন্নবা অমসুং কোবিদ মেনেজমেন্তকী মতাংদা য়েংশিন মীফম অমা কৌখি।

হায়রিবা জিলা ৩৫ অসিদা নোংচুপ বেঙ্গালগী ওইনা কোলকতা, হাউরা, নোর্থ ২৪ পর্গানাস অমসুং ২৪ সাউথ পর্গানা, মহারাস্ত্রদা পুনে, নাগপুর, থানে, মুম্বাই সবঅর্বান, কোলাপুর, সঙ্গলি, নাশিক, অহেমদবাদ, রাইগাদ, জলগাও, সোলাপুর, সতারা, পলঘর, ঔরাঙ্গাবাদ, ধুলে অমসুং নান্দেদ য়াওরি; গুজরাৎকী সুরত; পুদুচেরীগী পোন্দিচেরী; ঝার্খন্দগী নোংপোক সিংভুম; দিল্লীগী জিলা ১১মক য়াওরি।

রাজ্যগী হকশেলগী সেক্রেতরীশিং অসিগী মথক্তা ফিবম শোক্লবা জিলাশিং অসিগী দিস্ত্রিক্ত কল্লেক্তর, ম্যুনিসিপাল কম্মিসনর অমসুং অতোপ্পা ফংসনরীশিং দিজিতেল মীফম অদুদা শরুক য়াখি।

শরুক য়ারিবশিং অদুদা ৱা ঙাংলদুনা, কেন্দ্রগী সেক্রেতরীনা লান্নগনবা লাইনা অসিবু কোমোর্বিদ অমসুং অহল ওইরবা মীওইশিংদা মীৎয়েং থমদুনা এক্তিব কেস থিদোক্তুনা; ফিবম শোক্লবা মফমশিংদা লৌখৎলিবা লাকশিন্নবগী খোংথাংশিং হন্না য়েংশিন্দুনা অমসুং মপাঙ্গল কনখৎহন্দুনা; অমসুং তেস্ত তৌবগী চাং ৱাংখৎহন্দুনা পোজিতিব ওইবগী চাং চাদা ৫গী মখাদা লৈহন্দুনা শন্দোকপগী চেন নম্থবা, লাকশিনবা অমসুং থুগাইনবা হোৎনবগী তঙাইফদবা লৈরিবসিগী মতাংদা পনখি।

রাজ্যগী হকশেলগী সেক্রেতরীশিংনা হায়রিবা জিলাশিং অসিদা হৌজিক ওইরিবা কোবিদ-১৯গী ফিবমগী মতাংদা কুপ্না নৈনদুনা পুখৎখি। মখোয়না লাকশিন্নবগী লৌখৎলিবা খোংথাং, কন্তেক্ত ত্রেসিং, সর্বিলেন্স এক্তিবিতীশিং, ফেসিলিতীগী ওইনা কেস শিবগী চাং, চয়োল খুদিংগী ওইনা লাকপা অনৌবা কেস অমসুং শিবগী মওং, অসিনচিংবশিংগী মতাংদা পনখি। মখোয়না মথং থাগী পোরম অমসুং তৌগদবশিং খন্নখি। জিলাহসিং অসিদা আর.তি.-পি.সি.আর. অমসুং রেপিদ এন্তিজেন তেস্ত য়েন্থোকপা, তেস্তিং লেব শীজিন্নবা, হোস্পিতালাইজেসনগী ফিবম, অমসুং ওক্সিজেন য়াওবা ফমুং, আই.সি.য়ু. বেদ, অমসুং ভেন্তিলেতর অসিনচিংবশিংগী মতাংদা কুপ্না কেন্দ্রদা লানখৎখি।

রাজ্য/য়ু.তি.শিং অসিদা মখাগী হীরমশিং অসিদা খোংথাং লৌখৎনবা পাউতাক পীখিঃ

১. অকনবা কন্তেন্মেন্তকী থৌরাংশিং লৌখৎপা, সোসিএল দিস্তেন্সিংগী খোংথাংশিং, অকনবা মওংদা পেরিমিতর কন্ত্রোল তৌবা, অমসুং য়ুম-য়ুমদা কেস থিদোক্তুনা শন্দোকপগী চাং হন্থহনবা।

২. জিলাশিংদা তেস্ত তৌবগী চাং ৱাংখৎহন্দুনা ঙন্না খঙদোকপা, আর.তি.-পি.সি.আর. তেস্তিং ফেসিলিতী ওপ্সনেল ওইনা শীজিন্নবা য়াহনবা।

৩. হোম আইসোলেসন কেস মতীক চানা য়েংশিনবা অমসুং করিগুম্বা লাইনা অদুনা হেঞ্জিল্লক্লবদি হোস্পিতালদা পুখৎপা।

৪. হিদাক লাংথক্কী থাবা তঙাইফদবা অনাবশিং মরুওইনা অতোপ্পা লাইনা লৈবা অমসুং অহল ওইরবা মীওইশিংবু হোস্পিতালদা থিন্থদনা পুখৎপা

৫. হোস্পিতালশিংদা হেলথ কেয়র ৱার্করশিংবু লাইনা অসি লানশিল্লক্তনবা লাকশিন্নবগী খোংথাং মতীক চানা ইলহনবা

৬. দিস্ত্রিক্ত কল্লেক্তরশিং অমসুং অতোপ্পা ফংসনরীশিংনা জিলাগী থাক্তা লৌখৎকদবা খোংথাংশিং লাইচৎ অসিবু চপ চানা লাকশিন্নবগীদমক মখা তানা পায়খৎনবা শেম্বা অমসুং অপদেৎ তৌবা।

*****