স্তার্ত-অপ ভিলেজ ওন্তর্প্রিনোরশিপ প্রোগ্রাম (এস.ভি.ই.পি.) অসি ২০১৬দগী হৌদুনা সব-স্কিম অমা ওইনা খুঙ্গং চাউখৎ থৌরাংগী মন্ত্রালয়গী দীনদয়াল অন্তিয়োদয় য়োজনা- নেস্নেল রুরেল লাইফলিহুদস মিসন (দি.এ.ৱাই.-এন.আর.এল.এম)না ইমপ্লিমেন্ত তৌখি। খুঙ্গংগী লায়রবশিং লায়রবা কোকহন্নবা মতেং পাংবা, মখোয়না ইন্তর্প্রাইজশিং লিংখৎপদা তেংবাং পীনবা অমসুং ইন্তর্প্রাইজশিংনা ফীভম চদ্রিবা ফাওবা তেংবাংবা পীনবগী পান্দম অমগা লোয়ননা ইন্তর্প্রাইজশিংগী লোকেল কম্ম্যুনিতী কেদরশিং শেম্লি অমরোমদা এস.ভ.ই.পি.না বিজিনেস মেনেজমেন্তদা অমসুং সোফ স্কিলশিংদা শেলগী তেংবাং অমদি ত্রেনিং পীদুনা ইশানা ইশাবু থবক পীজনবগী খুদোংচাবশিংদা মীৎয়েং থম্লি।

এস.ভি.ই.পি.না খুঙ্গংগী স্তার্তঅপশিংগী মরু ওইবা য়ুম্বী অহুমগী মরমদা ফোঙদোকখি মমিং ওইনা পল্লবদা– শেনথুম, ইনক্যুবেসন অমসুং স্কিল ইকোসিস্তেমশিং। এস.ভি.ই.পি.গী মখাদা থবক থৌরমশিং অসি খুঙ্গংগী ইন্তর্প্রাইজশিং ফগৎহন্নবা ওইনা দিজাইন তৌরি, খ্বাইদগী মরু ওইবা লমশিংগী মরক্তা মফম অদুগী ওইবা ওন্তর্প্রিনোরশিংনা খুঙ্গংগী ইন্তর্প্রাইজশিং লিংখৎনবা মতেং পীরিবা কম্ম্যুনিতী রিসোর্স পর্সন্স – ইন্তর্প্রাইজ প্রমোসন (সি.আর.পি.-ই.পি) কয়া শেমগৎপা অসিনি। অতোপ্পা মরু ওইবা লম অমনি এস.ভি.ই.পি. ব্লোকশিংদা কম্ম্যুনিতী রিসোর্স পর্সন্স য়েংশিনবা, এস.ভি.ই.পি.গী লোন এপ্লিকেসন কুপ্না য়েংশিনবা অমসুং মরী লৈনবা ব্লোক অদুদা ইন্তর্প্রাইজকা মরী লৈনবা ই-পাউশিংগী ফংফম ওইনা মথৌ তৌনবা ব্লোক রিসোর্স সেন্তর (বি.আর.সি.) ফগৎহনবনি। বি.আর.সি.শিংনা মপুং ফানা অমদি মরোমদোম চল্লাইজনবা সস্তেনেবল রিভেন্যু মোদেলদা তেংবাং পীবগী থৌদাং লৌরি।

ইমপ্লিমেন্ত তৌবগী হৌরকপা চহিগী মতমদা, এস.ভি.ই.পি.না ইন্সতিত্যুসনগী স্ত্রকচরশিং লিংখৎনবা অমসুং মপাঙ্গল কনখৎনবা খুঙ্গংগী মীয়ামশিং পুনশিনবা, বি.আর.সি.গী মীহুৎশিংনা শেমখিবা সি.আর.পি.-ই.পি. কয়াগীদমক বিজিনেস মেনেজমেন্তগী হীরমশিংগী ত্রেনিং অমসুং কেপাসিতী বিল্দিংদা শেল থাদবা অমসুং মখোয়দা  কান্নগদবা ত্রেনিং ফংহনবা, ওন্তরপ্রিনোরশিংদা মখোয়গী হৌজিক লৈরিবা ইন্তর্প্রাইজশিং লোয়ননা অনৌবা ইন্তর্পরাইজশিং লিংখৎপা অমসুং মতেং পাংবা হেনগৎহনবদা মীৎয়েং থম্লি।

হৌখিবা চহিশিং অসিদা এস.ভি.ই.পি.শিংনা অঙকপা ফংনা খুমাং চাউশিল্লি অমসুং ওগস্ত ২০২০ ফাওবদা রাজ্য ২৩গী ব্লোক ১৫দা ললোন ইতিক্কী মতেং অমসুং কেপিতেল ইনফ্যুজন ফংহনখ্রে। কম্ম্যুনিতী রিসোর্স পর্সন্স – ইন্তর্প্রাইজ প্রমোসন (সি.আর.পি.-ই.পি)গী ত্রেন তৌরবা কেদর ২,০০০রোমদনা খুঙ্গংগী ওন্তরপ্রিনোরশিংদা খুদোংচাবশিং ফংহল্লি অমসুং ওগস্ত ২০২০ ফাওবদা ইন্তর্প্রাইজ ১০০,০০০রোম মখোয়না তেংবাংখ্রে। ওন্তর্প্রোনোরশিপ দিবেলপমেন্ত ইন্সতিত্যুৎ ওফ ইন্দিয়া (ই.দি.আই.আই), আহমেদবাদনা এস.ভি.ই.পি.গী তেক্নিকেল সপ্পোর্ত পার্তনর ওইরি।

এস.ভি.ই.পি.গী সেপ্তেম্বর ২০১৯দা ক্বালিতী কাউন্সিল ওফ ইন্দিয়ানা পাঙথোকপা মিদ-তর্ম রিভ্যু অসিনা উৎলি মদুদি ব্লোকশিংদা লৈরিবা সেম্পল ওন্তর্প্রিনোরশিংগী ৮২%দি এস.সি., এস.তি. অমসুং ও.বি.সি.গী কাংলুপশিংদগীনি হায়না রিপোর্ত তৌরকখি মসিনা এন.আর.এল.এম.গী য়ুম্বী অমা ওইরিবা সোসিএল ইনক্লুসন অদু তাক্লি। ইন্তর্প্রাইজ ৭৫%দি নুপীনা চল্লাইবনি অমসুং ইন্তর্প্রাইজশিং অসিগী থাগী রিভেন্যুগী চাংচৎ অসি লুপা ৩৯,০০০ ওইখি- মেন্যুফেকচরিংগী ওইনা লুপা ৪৭,৮০০, সর্ভিসেসকী ওইনা লুপা ৪১,৭০০ অমসুং ললোন-ইতিক্কী ওইনা লুপা ৩৬,০০০নি। স্তদী অসিনসু উৎলি মদুদি এস.ভি.ই.পি. ইন্তর্প্রাইজশিংগী খুত্থাংদা ওন্তর্প্রিনোরশিংগী অপুনবা হাউসহোল্দ ইনকম অসি ৫৭%রোম ওইখি।

এস.বি.ই.পি.শিংনা তোঙান-তোঙানবা অমদি গ্রুপ ইন্তর্প্রাইজশিং অনিমক ফগৎহল্লি, মরু ওইনা মেন্যুফেকচরিং, ললোন-ইতিক অমসুং সর্ভিস সেক্তরগী ইন্তর্প্রাইজশিং লিংখৎলি অমসুং ফগৎহল্লি। প্রোগ্রাম অসিনা অয়াম্বনা লোকেল দিমান্দ অমসুং ইকো-সিস্তেমদা য়ুম্ফম ওইরগা ওন্তর্প্রনোরশিংনা শেন্দোং লৈনা ললোন-ইতিকশিং তৌনবা কেপাসিতী শেমগৎপদা শেল থাদরি। বিজিনেস প্লান অমসুং শেন্দোং অমসুং মাংবগী একাউন্ত শেম্বশিংগুম্বা তেক্নিকেলগী ওইবা হিরমশিংদা ত্রান্সমিসনগী অমাংবা হন্থহন্নবা স্তেন্দর্দ ই-লর্নিং মোদ্যুলশিং শেম্নবা আই.সি.তি. শীজিন্ননবা এস.ভি.ই.পি.গী মখাদা শেম থাদরি।

কোবিদ লায়চৎতা লৌখৎপা খোঙথাং

অসিনা কোরোনাভাইসকী লায়চৎ (চোভিদ-১৯) অসি লান্থেংনরিঙৈদা দি.এ.ৱাই.-এন.আর.এল.এম.গী নুপী এস.ঐচ.জি.শিংনা ফ্রন্তলাইনগী থৌপুরিবশিং ওইনা চোংথোরকখি অমসুং খুঙ্গংগী মীয়ামশিং অমসুং খ্বাইদগী হেন্না নাগনবা মীশিংনা লৈরিবা মফম খুদিংমক্তা খুদক্তা তেংবাং ফংহনখি। হায়রিবা এস.ঐচ.জি. নুপীশিং অসিনা ওইরিবা ফীভম অসিদা থৌদাংশিং লৌখি অমসুং লৈবাক অসি শিনবা থুংনা মাস্কশিং, প্রোতেক্তিব গীয়র কিৎশিং, সেনিতাইজরশিং অমসুং হেন্দ ৱাশগুম্বা অফবা পোৎলম কয়া পুথোকপগী অচৌবা থৌদাং লৌখি। পোৎলমশিং তোঙান তোঙানবা স্তেকহোল্দরশিংদা মফম অদুগী এদমিনিস্ত্রেসননা প্রোক্যুর তৌদুনা য়েন্থোকখি। মথৌ তারিবশিং অসি ফংহন্নবা হায়রিবা এস.ঐচ.জি..গী খুঙ্গংগী নুপী ওন্তর্প্রিনোরশিংনা মখোয় মশাগী খুদম অমা ওইদুনা অহেনবা ইনকম তানখি।

ওগস্ত ১৪, ২০২০ ফাওবদা, ফেস মাস্কশিং, প্রোতেক্তিব কিৎশিং অমসুং সেনিতাইজিংগী পোৎলমশিং শাবদা এস.ঐচ.জি. মেম্ব ৩১৮,৪১৩রোম য়াওখি। রাজ্য ২৯গী নুঈ এস.ঐচ.জি. মেম্বরশিংনা ফেস মাস্ক কোতি ২৩.০৭রোম, হেন্দ ৱাশ লিতর লাখ ১.০২ অমসুং সেনিতাইজর লিতর লাখ ৪.৭৯গী মথক্তা পুথোক্তুনা বিজিনেস তর্নওভর লুপা কোতি ৯০৩ ফংবা ঙমখি।অমরোমদা লৈবাক অসিগী অয়াম্বা ললোন-ইতিকশিং লোকদাউননা মরম ওইরগা লেপখ্রবসু হায়রিবা নুপীশিং অসিনা অমমমনা লুপা ২৯,০০০ রোমগী অহেনবা ইনকম তানবা ঙমখি।

ফেস মাস্কশিং অসি এস.ঐচ.জি. নুপীশিংনা কোবিদ-১৯ লোকদাউনগী মতমগী মনুংদা এস.ঐচ.জি মেম্বর লাখ ২.৯৬ য়াওদুনা খ্বাইদগী মাই পাক্না পুথোকপা পোৎলমনি, নুমিৎ ১৫০দা চাউরাক্না বিজিনেস ভোল্যুম লুপা কোতি ৩৫৭ ওইহন্দুনা ফেস মাস্ক কোতি ২৩.৩৭ পুথোকখ্রে অমসুং সরকারগী প্রোক্যুর্মেন্তগী খুত্থাংদা মীয়ামদা সপ্লাই তৌখ্রে।

এস.ঐচ.জি.গী নুপী খরনা মীয়ামগী ওইবা চাকশঙ হাংদুনা খ্বাইদগী খুদোংথিনীংঙাই ওইবা মেম্বর কোতি ৫.৭২গী মথক্তা অথোংবা চান্ন-থক্নবা ফংহনখি।

রাজ্য খরদগী নুপী ওন্তর্প্রিনোরশিংনা লৌখৎখিবা খোঙথাংশিংগী মতাংদা মখাদা থম্লি:

শ্রীমতি শর্দা দেবি: বিহার

বোধগয়া ব্লোক্তগী অতিয়া পঞ্চায়ৎকী খাজাৱতি খুঙ্গংদগী ওন্তর্প্রনোর অমা ওইরিবা শ্রী দিলীপ কুমারনা ২০১৮দা মহাক্কী রেদীমেদ ফীরোমগী (অঙাংশিংগী ফীরোম, পাইজমা অসিনচিংবা) অসিগী বিজিনেস হৌদোকখি। মহাক্কী লোয়নবী শ্রীমি শর্দা দেবিনা এক্তা সি.এল.এফ.কী মখাদা অনান্দ ভলেজ ওর্গনাইজেসনগী রাম এস.ঐচ.জি.গী মেম্বর অমা ওইরিবা অসিনা নুমিৎ ৩০গী মনুংদা মাস্ক ১৮,৫৬৫ শাবগী রেকোর্দ থম্বগী পাউ লাকখি। বোধগয়াগী বি.আর.সি. (এস.ভি.ই.পি.)দগী লুপা ৫০,০০০গী ওইগদবা শেন্থংগী তেংবাং ফংদুনা মহাক্না অখন্নবা ফী তুনবা মেছিন সেৎ (এন্সিলরী য়ুনিৎশিংগা লোয়ননা) লৈখিবনা পুথোকপা ঙমহনখি। দিলীপনা অতোপ্পা লুপা ৬০,০০০গী লোন অমগা ফংখি অমসুং মখোয়গী বিজিনেস অসিগী অপুনবা শেনফম অসি লুপা লাক ১.২৮ ওইখি।সিলরী য়ুনিৎশিংগা লোয়ননা) লৈবা ঙক্কর কোতি ৫.৭২গ

মহাক্কী মাস্কশিং অসি দিস্ত্রিক্ত এদমিনিস্ত্রেসন অমসুং তোঙান তোঙানবা সরারগী বিভাগশিংদা মমল ৱাংনা য়োনখি। নুমিৎ ৩০নি খক্তা লুপা লাখ ৩.৭১ য়োনবা ঙমখি মসিগী মনুংদা মহাক্না বিজিনেস অসিগী শেলেপ ওইনা লুপা লাখ ১.৬৮ খাক্তুনা থমখি। মহাক্না বোধগয়াগী বি.আর.সি.তিমবু মহাকপু তেংবাংদুনা খুদোংথিবা থোক্লবসু তুংলমচৎতা কান্নবা ফংহনগদবা অদুগুম্বা বিজিনেস অমগীদমক মহাকপু মতেং পাংখিবগীদমক মহাক্না তৌবীমল খঙবা উৎখি। এফ.ৱাই, ২০১৯-২০গী বিজিনেস তর্নওভর অসি লুপা লাখ ৬.৫০ ওইখি অমসুং এফ.ৱাই. ২০১৮-১৯গী শেন্দোং অসি লুপা লাখ ১.৮০ ওইখি।

শ্রীমতি ভাগ্যাশ্রি লোনধে: মহারাস্ত্র

মে ২০১৬দা বারশি এস.ভি.ই.পি. বি.আর.সি.দগী সি.ই.এফ. ওইনা লুপা ৪৫,০০০গী লোন অমা ভাগ্যাশ্রীনা ফংখি অমসুং মফম অদুদা ফংবা ওর্গানিক ওইবা মচাক মথুমশিং শীজিনদুনা পোৎ পুথোকপদা চংবা শেল হন্থহল্লি অমসুং অমরোমদা কস্তমরশিংদা মফম অদুগী মহাও পীনবা তৌখি। মহাক্না ২০১৯-২০গী মহালক্ষ্মী সরসতা শরুক য়াখি মদুদা মহাক্না নুমিৎ ১০নি খক্তদা লুপা লাখ ৫গী রিভেন্যু তানখি অমসুং শেন্দোং লুপা লাখ ১.৫০ ফংখি।

মহাক্কী বিজিনেস অসি চল্লাইনবা হেন্না খঙনিং-হৈনিংবা অসিনা ভাগ্যাশ্রীবু য়শ্বন্ত রাও মহারাস্ত্র ওপন য়ুনিভর্সিতীদগী ক্লাস ১০ লোয়শিনহনখি অমসুং মসি মআক্না য়ু.এম.ই.দি.- দি.এ.ৱাই-এন.আর.এল.এম.দগী খঙলকপা অদু ওইথোকপা ঙমহনখিবনি। মআক্না এন.আর.এল.এম.দগী ক্রিশি সখি, বিজিনেস দিবেলপমেন্ত ত্রেনিং অসিনচিংবা মখল কয়াগী ত্রেনিংশিং ফংখি অমদি সোরঘম প্রোসেসিং, ফোস্তেক ত্রেনিংশিং অসি ক্রিশি বিজ্ঞ কেন্দ্র সোলাপুরদগী ফংখি। ভাগ্যাশ্রীনা ওন্তর্প্রিনোর অমা ওইনা করম্না বিজিনেস অমা তৌগদগে হায়বগী মতাংদা তমখি অমসুং মহাক্কি ইন্তর্প্রাইজ জিজাৱৌ গ্রহা উদয়োগ অসিনা নুপী শিন্মী কয়া থবক পীরি অমসুং মখোয়না অনৌবা প্রদক্তশিং পুথোক্নবা, মেছিন হেন্না লৈনবা, মখোয়গী বিজিনেস চাউথোক্নবা অনৌবা কৈথেলশিং খঙদোক্নবা থৌরাং তৌরি।

শ্রীমতি পুনম: উত্তর প্রদেশ

য়াম্না ৱানা হৌজরকপী শ্রীমতি পুনমনা মহাক্কী শেনথুমগী অৱাবশিং কোকহন্নবা অমসুং খুন্নাইগী পলশিং লান্থোক্তুনা উত্তর প্রদেশকী নাজিববাদ ব্লোক্কী “খ্বাইদগী ফবা সি.আর.পি.-ই.পি.”গী মিংথোন ফংনবা  কন্না হোৎনখি। মহাক্না অহানবদা এস.ঐচ.জি. মেম্বর অমা ওইনা হৌখি অমসুং মহাক্না মরোমদোম লেপচনবা অমসুং অতোপ্পদা তেংবাংনবা এস.ভি.ই.পি.গী মখাদা সি.আর.পি.-ই.পি. য়াওনবা অপাম্বনা মহাকপু ইনোৎ হাপখি। মহাক্না বি.এদ. লোয়শিল্লবা মতুংদা লনাইগী স্কুলগী ওজা অমদা লুহোংখি। মহাক লুহোংলবা মতুংদা য়ুমগী থবক খক তৌদুনা লৈখি, অদুবু মহাক্না থোরক্তুনা এস.ঐচ.জি. য়াওখি মসিনা মরোমদোম লেপচনবা খুদোংচাবা ফংহনখি। এস.ঐচ.জি. অদুগী সমুহ সখিনা পুনমবু এস.ভি.ই.পি. প্রোগ্রামগী মতাংদা খঙহনখি অমসুং মহাক্না ওন্তর্প্রিনোর অমা ওইহন্নবা অপাম্বা অদুনা পুক্নিং চিংশিনখি। মহাক্কী একজামশিং লান্থোক্লবা মতুংদা মহাক্না নুমিৎ ৫৪গী সি.আর.পি.-ই.পি. ত্রেনিং কন্না চত্থখি, মসিদা মহাক্না ইন্তর্প্রাইজ খুমাং চাউশিন্নবা কুপ্না খঙবা ঙমখি অমসুং মসিনা হিংনবগী পাম্বৈশিং ফগৎহনবদা লৌরিবা থৌদাংগী মতাংদা খঙবা ঙমখি।

পুনমনা হায়: “ঐহাক লাইরিক তম্লবা মতুংদা করিগুম্বা অমত্তা তৌআ ঙমখিদে। অদুবু এস.ভি.ই.পি.না মরম ওইরগা ঐহাক ইরোমদোম লেপ্পা ঙমজরে অমসুং ঐহাক্কী হিংনবা শেন তানজবগা লোয়ননা অতোপ্পশিংবু অনৌবা ব্যুজিনেস হৌদোক্নবা মতেং পাংলি। মসিনা ঐহাকপু অপেনবা পোকহনখি”। মহাক্না ব্যুজিনেস প্লানশিং, থাগী কন্সল্তেসনশিং, ক্রেদিৎ অমসুং মার্কেৎ লিঙ্কেজগা লোয়ননা চাউরাক্না ইন্তর্প্রাইস ৪০ মতেং পাংলি। মহাক্কী পুক্নিং চংবা অমসুং তম্নিংবগী ইখৌ লাংবনা মহাক্কী মংলানশিং মংফাওনহনবা অমসুং ব্লোকতা প্রোগ্রাম অসি মাই পাক্না ইমপ্লিমেন্ত তৌবদা মতেং পাংখি।

এস.ভি.ই.পি.দা কৈথেলনা অচৌবা থৌদাং অমা লৌরি: হরিয়ানা

ভারতকী খুঙ্গংশিংদা চয়োলগী ছুতিদা নত্রগা থাগী ওইনা চয়োল অমদা অমুরক নত্রগা অনিরক হাংবা লোকেল মার্কেৎ/হাত/বাজার অসিনা লৌউ-শিংউগী পোত্থোকশিং, হৱাই-চেংৱাই, মনা মশিং, উহৈ-ৱাহৈ, হিদাক কান্নরবা পাম্বীশিং, পোলত্রীগী পোত্থোকশিংগুম্বা পোৎলম কয়া, গ্রোসরীশিং, কেনবা পোৎলম, ফীরোল, কোল-লিক, খোংউপ, মরু মরাংগুম্বা  নোংমগী চংদ্রবা য়াদবা পোৎলমশিং ললোল ইতিক তৌদুনা শেন্মীৎলোনগী মরুওইবা প্লেৎফোর্ম অমা ওইনা মথৌ তৌরি।  খুঙ্গংগী হাত অসি অয়াম্বনা য়েলহৌঙৈগী, ফ্লেক্সিবল অমসুং মল্তি লেয়র্দ স্ত্রকচর ওই অমসুং মসিনা তোঙান তোঙানবা মওংদা শেম্মীৎলোনগী থবক থৌরমদা কান্নবা পীরি। তোঙান তোঙানবা হরাউ কুমহৈ পাংথোকপা খক্তা নত্তনা হরিয়ানাগী স্তেৎ মিসন্না লোকেল ওন্তপ্রিনোরশিংগী পোত্থোকশিং কৈথেলদা ফংহন্নবা পিঞ্জোর অমসুং ঘারাউন্দাগী এস.ভি.ই.পি. ব্লোকশিংদা লোকল হাতশিং শারি। লোকেল পঞ্চায়ৎকা লোয়ননা জিলা অমসুং ব্লোক য়ুনিৎশিংনা মসিগী কৈথেলশিং অসি লিংখৎপদা তোঙান তোঙানবা দিপার্তমেন্তশিংগা লোয়ননা পুন্না চৎমিন্নবা অচৌবা থৌদাং অমা লৌরি।

মসিগী লোকেল মার্কেৎশিং লিংখৎপা অসিনা এস.ভি.ই.পি. ওন্তপ্রিনোরশিংনা দিমান্দগী মতুংনা পুথোকপা, মখোয়গী ইন্তরপ্রাইস এদভর্তাইজ তৌবা অমসুং শেলতানবগী খুদোংচাবশিং হেনগৎহনবদা পুক্নিং থৌগৎলি। ব্লোক অনিমক্তা মসিগী কৈথেলশিং অসি হেন্দিক্রাফশিং, য়ুমদা শাজবা পিকলশিং, মাসালা পাউদরশিং, জুৎকী পোত্থোকশিং অমসুং শাম্তুগী পোত্থোকশিংগুম্বা অনৌবা পোত্থোকশিং ফংহনবদা য়াম্না কান্নৈ। চাউরাক্না ইন্তরপ্রাইস ২০০দগী এস.ভি.ই.পি. ওন্তপ্রিনোরশিংনা হরিয়ানাগী ব্লোক ২দা শাবা খুঙ্গংগী কৈথেল ৮দা মখোয়গী পোত্থোকশিং য়োন্দুনা লুপা লাখ ৬.৩১গী রেভিন্যু পুথোকখ্রে। 

*****