ভারতকী তেস্ত, ত্রেক, ত্রীৎকী থৌওং অসিনা অপাম্বা মহৈ উৎলি। নোঙমগী মনুংদা অনাবা ৭০,০০০ হেন্না দিসচার্জ তৌদুনা ভারতকী নাবা ফবগী চাং অসিনা রেকোর্দ ওইবা থৌওং পাঙথোকখ্রে। হৌখিবা পুং ২৪দা খ্বাইদগী ৱাংবা ওইনা মীওই ৭০,০৭২ নাবা ফখি। অসিগুম্বা মওংদা কোবিদ-১৯গী মশিং য়াম্লবা অনাবশিং নাবা ফদুনা হোস্পিতাল অমসুং হোম আইসোলেসন্দগী দিসচার্জ তৌরকপা অসিদগী নাবা ফবগী চাং অসি হৌজিক ৭৭.২৩% য়ৌরে। মসিনা মী লৈতবগী চাংদসু তাথহল্লকই অমসুং খ্বাইদগী নেম্বা অনৌবা মশিং ওইনা ঙসি ১.৭৩%দা লৈরে।

তেস্ত তৌদুনা ঙন্না লাইওং খঙদোকপা অসিনা কেস মশিংদি হেনগৎহল্লি অদুবু মখা তাবা য়েংশিনবা অমসুং মতম চানা কন্তেক্ত ত্রেসিং তৌবা অমসুং অনাবশিংবু নীংথিনা লায়েংবা অসিনা নাবা ফবগী চাংদসু হেনগৎহল্লে। নাবা ফবগী চাং হেনগৎলকপা অমসুং মী লৈতবগী চাং হন্থরকপা অসিনা ভারতকী থাক খায়বা থৌরাং অসি মাই পাক্লে হায়বা তাক্লি।

ভারত্তা এক্তিব কেস্কী মশিং (৮৪৬,৩৯৫)দগী নাবা ফবগী মশিংনা লাখ ২২.৬ হেন্না হেল্লি। এক্তিব কেসন অপুনবা কেস্কী শরুক ২১.০৪% খক্তা ওইরে।

ঙসি অপুনবা নাবা ফবগী মশিং অসি লাখ ৩১ (৩১,০৭,২২৩) হেনখ্রে । রাজ্য মঙানা অপুনবা নাবা ফবগী ৬০%গী শরুক্তা তেংবাংলি। মহারাস্ত্রানা খ্বাইদগী ৱাংবা শরুক ২১% পীদুনা অমসুং মখা তাবা ওইনা তমিল নাদু (১২.৬৩%), আন্ধ্রা পরদেশ (১১.৯১%), করনাতকা (৮.৮২%) অমসুং উত্তর প্রদেশ (৬.১৪%)না তুং ইন্দুনা চৎলি।

অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদ্ভাইজরীশিংগী ঈ-পাউশিংগীদমক https://www.mohfw.gov.in/ দা অমসুং @MoHFW_INDIA দা চাং নাইনা চঙবীয়ু।

কোবিদ-১৯গা মরী লৈনবা তেক্নিকেল ক্বেরীসিংগীদমক technicalquery.covid১৯[at]gov[dot]in দা থাবীয়ু অমসুং অতোপ্পশিংগী ওইনা ncov২০১৯[at]gov[dot]in and @CovidIndiaSevaদা থাবীয়ু।

কোবিদ-১৯গী ক্বেরীশিংগী ওইনা হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +৯১-১১-২৩৯৭৮০৪৬ নত্ত্রগা ১০৭৫ (তোল-ফ্রী) দা কোল তৌবীয়ু

রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf তা ফংবীগনি।

******