কেমিকেলস অমসুং ফর্তিলাইজরস মিনিস্ত্রিগী মখাদা লৈবা পি.এস.য়ু অমা ওইরিবা ফর্তিলাইজরস এন্দ কেমিকেলস ত্রাভানকোর লিমিতেদ(এফ এ সি তি)না মসিগী পোৎথোকশিং পুথোকপ-পুশিন তৌনবা অনোবা অমসুং কান্নবা পাম্বৈ অমা ওইনা কোস্তেল সিপ্পিং শীজিন্নবা হৌরে। মসিনা লৈবাক অসিগী নোংপোক থংবা অমসুং নোংচুপ থংবা সমুদ্র মপানগী লমদমশিংদা লৌমীশিংদা য়াংনা অমসুং মতম চানা হার ফংহনবা ঙম্লগনি।

থৌরাং অসিদা এফ.এ.সি.তিনা কোচিন পোর্ত ত্রস্ততগী মতেং ফংলি। কোস্তেল সিপ্পিংগী খুৎথাংদা পুখিবা হারশিং মখা তানা রেলনা দরকার ওইবা মফমশিং য়ৌহনগনি।

কোস্তেল সিপ্পিংগী মখাদা হার পুবগী সবসিদি পীনবা সরকারগী থৌশিলগী মখাদা অখন্নবা মফমশিংদা হার বেগশিং য়ৌহন্নবা এফ.এ.সি.তিনা কোস্তেল সিপ্পিংগী থবক পায়খৎলকপনি। কোস্তেল সিপ্পিংগী মখাদা ২০২০গী জুলাই ৩০দা অহানবা ওইনা এম্মোনিয়ম সলফেদকী কন্তেনর ২০ কোচিদগী নোংচুপ বঙ্গালগী হালদিয়া ফাওবা পুখিবনি।

কম্পেনি অসিনা হায়রিবা মফম অসিদা এম্মোনিয়ম সলফেদ এম.তি ৫৬০গী অতোপ্পা কন্তেনর ২০ থাখ্রে।

২০২০গী সেপ্তেম্বর ২দা য়ুদয়োগামন্দলদা লৈবা এফ.এ.সি.তি প্লান্তদা হার বেগশিং কন্তেনরশিংদা হাপ্পা লোইশিনখ্রে অমসুং ২০২০গী সেপ্তেম্বর ৪দগী জহাজ লমথানবা থৌরাং তৌখ্রে।

মসিগী পোৎথোক অসি নোংচুপ বঙ্গালদা কেমিকেলস অমসুং ফর্তিলাইজরস মিনিস্ত্রিগী মখাদা লৈবা পি.এস.য়ু অমা ওইরিবা ঐচ.আই.এল(ইন্দিয়া) লিমিতেদনা য়োল্লি।

ঈশিং লম্বীদা হার পুথোক-পুশিন তৌবা অসিনা রেল অমসুং লম্বীদা হার পুবদা থেংনরিবা খুদোংচাদবশিং কোকহনবা ঙম্মি হায়না থাজরি।

*****