২০২০গী সেপ্তেম্বর ৪দা ১৫সুবা ফাইনান্স কমিসন্না মসিগী ইকোনোমিক এদভাইজরি কাউন্সিল অমসুং অতোপ্পা খন্নবা মীওইশিংগা ওনলাইন্দা মীফম অমা পাংথোকখ্রে। ১৫সুবা ফাইনান্স কমিসনগী চেয়রমেন এন.কে সিংহনা চেয়র লৌদুনা পাংথোকখিবা মীফম অদুদা কমিসনগী মেম্বর খুদিংমক অমসুং কমিসনগী সেনিয়র ওফিসিএলশিং শরুক য়াখি। এদভাইজরি কাউন্সিল অমসুং অখন্নবা মীওইশিংগী কাংলুপতা দোক্তর অর্বিন্দ বিরমনি, দোক্তর ইন্দিরা রাজারমন, দোক্তর দি.কে শ্রীভাস্তবা, দোক্তর এম গোবিন্দা রাও, দোক্তর সুদিপতো মুন্দল, দোক্তর ওমকার গোশ্বামি, দোক্তর কৃষ্ণমুর্থি সু্ব্রামনিয়ান, দোক্তর প্রনোব সেন অমসুং দোক্তর সনকার অচার্য়া শরুক য়াখি অমসুং মখোয়গী ওইবা ৱাফমশিং ফোঙদোকখি। মখোয়গী ৱাখল্লোনশিং লৌশিন্নবা অতোপ্পা শক্নাইরবশিংগী মীফম অমা হয়েং কমিসন্না পাংথোক্কনি।

মীফম অদুদা জি.দি.পি হেনগৎহনবা, কেন্দ্র অমসুং রাজ্যশিংগী তেক্সশিং হেনগৎপা, জি.এস.তি কুপখৎপা অমসুং সরকারগী শেন-থুমগী ফিবমগী মতাংদা মীফম অদুদা কুপ্না খন্নখি। হকশেলগী লমদা সরকারগী শেন থাদবা, শেন থাদবা অমুক হিঙ্গৎহনবা, ফাইান্সকী থবকশিংদা অমুক হন্না শেল্লেপ পীবা, দিফেন্সকী থবকশিং মপাঙ্গল কনখৎহন্নবা হোৎনবা, জি.এস.তি খোমজিনবগী হৌজিক ওইরিবা ফিবমশিং অমসুং মসিগী মরী লৈনবা তেক্নোলোজিশিং ফগৎহন্নবগী মতাংদসু মীফম অদুদা খন্নখি।

ফাইনান্স কমিসন অসি মমাংদ অমুক্তা ওইখিদ্রিবা মওংদা তম্বা ঙমদবা ফিবমশিং মায়োক্নরে হায়বা এদভাইজরি কাউন্সিলনা খঙলে অমসুং রাজ্যশিংগী তেক্স য়েন্থোকপগী থবকশিং, এক্সপেন্দিচরগী শেনফম পীবা অমসুং সরকারগী শেন-থুমগী ফিবমগী মতাংদা থবক পায়খৎকনি। চহি ৫গী ওইনা হায়বদি ২০২১-২২দগী ২০২৫-২৬ ফাওবা হান্নগা মানদবা মওংদা থবক পাংথোক্নবা কমিসন্না ৱারেপ লৌনবা কাউন্সিলগী মেম্বরশিংনা ফোঙদোকখি। রেভিনিউগী ফিবম অসি ফগৎলকপা য়াবা মরম্না বেজ ইয়র হায়বদি ২০২০-২১ অমসুং অহানবা চহি ২০২১-২২ অসি তোখাইবা মিৎয়েং অমা য়েংনবা মখোয়না পাউতাক পীখি।

চৎলিবা চহি অসিদা জি.দি.পি হেনগৎহন্নবগী মতাংদা তোঙান-তোঙানবা মিৎয়েংশিং ফোঙদোক্নখি অমসুং লাক্লিবা চহিশিংদা জি.দি.পি হেনগৎলকপা য়ারি। জি.দি.পিগা মরী লৈনবা কেন্দ্র সরকারগী শেন্দোল অসি তপ্না তপ্না হেনগৎলকপা য়ারি, মসি লাক্লিবা চহিশিংদা হন্থহন্নবা থবক পায়খৎকদবনি হায়না এদভাইজরি কাউন্সিলনা মখোয়গী ওইবা ৱাফম ফোঙদোকখি।

চেয়রমেন্না হায়খি ফোঙদোক্নরিবা ৱাফমশিং অসি মরুওইবা ঙাক্তনি অমসুং পাউতাকশিং কমিসন্না লৌশিনগনি। মালেমগী ওইনা অমসুং লৈবাক্কী ওইরিবা ফিবমশিং ১৫সুবা ফাইনান্স কমিসন অমসুং মসিগী ইকোনোমিক এদভাইজরি কাউন্সিলনা কুপ্না য়েংশিল্লি।

*****