প্রধানমন্ত্রীগী লোইশঙ

প্রধান মন্ত্রীনা য়ু.এস.-আই.এস.পি.এফ. অমেরিকা-ভারত ২০২০ সবমিত্তা মরুওইবা ৱারোল ফোংদোকখ্রে


ভারত অসি ফোরেন ইনভেস্তমেন্তকীদমক্তা মরুওইবা মফম অমা ওইখৎলক্লি হায়না ফোংদোকখি

হন্দক্কী চহি অসিদা ভারতনা ফোরেন ইনভেস্তমেন্তকী ওইনা দোলর বিলিয়ন ২০গী মথক্তা ফংখ্রে: পি.এম.

জিওগ্রাফিকেল ওইবা লমদা মমল তাংদনা, থাজনীংঙাই ওইবা অমসুং তুং-কোইনা লৈগদবা রাজনীতি পীরি ভারতনা: পি.এম.

ভারতনা নুং-পান শেংনা উবা ঙম্বা অমদি হান্না মাংজৌননা খঙবা ঙম্বা লৈবাক অসিগী চৎনবা তেক্স পীখ্রে; পুকচেল শেংবা তেক্স থিবশিংবু পুক্নীং থৌগৎকনি অমসুং তেংবাং পীগনি: পি.এম.

অনৌবা মেন্যুফেকচরিং য়ুনিৎশিং অসি পুক্নীং থৌগৎপগা লোয়ননা ভারত অসি মালেমগী খ্বাইদগী চাউবা হন্থবা তেক্সকী লৈবাক অমা ওইহল্লগনি: পি.এম.

হন্দক্তা শেমখিবা চাউনা কান্নরগদবা অনৌবা য়াওল অসিনা লল্লোন-ইতিক তৌবা লায়থোকহনখ্রে অমদি কান্নদবদা মতম চংবা হন্থহনখ্রে:পি.এম.

ভারতকী মীয়াম অমসুং লন্নাই সেক্তর অনিমক্তা মপুং ফানা খুদোংচাবা পীরগনি: পি.এম.

Posted On: 03 SEP 2020 9:31PM by PIB Imphal

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা অমেরিকা-ভারত 2020 সবমিত্তা মরুওইবা ৱারোল থমখ্রে,  য়ু.এস.-ইন্দিয়া স্ত্রেতিজিক পার্ত্নর্শিপ ফোরম (য়ু.এস.আই.এস.পি.এফ.) অসি ভারত অমসুং অমেরিকানা খুৎশম্নদুনা থবক তৌমিন্নবা নন-প্রোফিৎকী ওর্গনাইজেন্নি।

ওগস্ত ৩১দগী হৌখিবা নুমিৎ ৫নিগী সবমিৎ অসিগী থীম অসি “অমেরিকা-ভারতকী মমাংদা লৈরিবা অনৌবা শিংনবশিং”নি।

সবমিৎ অসিদা ৱা ঙাংলদুনা শ্রী নরেন্দ্র মোদীনা মালেমগী ওইনা থোক্লিবা লায়চৎ অসিনা মীওই খুদিংমক্তা চৈথেং পীরি  অমদি মসিনা ঐখোয়গী হান্নগী ফীভমদা হঞ্জিলহল্লক্নবগী, ঐখোয়গী মীয়ামগী হকশেলগী সিস্তেমশিং, ঐখোয়গী শেন্মিৎলোনগী চাংয়েং লৌরি।  হৌজিক্কী ওইরিবা ফীভম অসিনা অনৌবা ৱাখল্লোন অমা লৈহন্নবা হায়রি হায়না মহাক্না ফোংদোকখি। অসিগুম্বা চাউখৎপগী লাল্লোং অসি মীওইবদা পান্দম থম্বা ৱাখল্লোনগী ওইবা। মীওইবা খুদিংনা অমগা-অমগা মতেং পাংনবগী ৱাখল্লোন ওইবা। 

মখা তাবা লাল্লোংগী মতাংদা হায়রদুনা প্রধান মন্ত্রীনা লৈবাক অসিগী থবক তৌবগী মঙমশিং অদ পাকথোক-চাউথোকহনবা, লায়রবশিংবু শোইহন-ঙামহন্দবা অমসুং ঐখোয়গী নাগরিকশিংগী তুংগী পুন্সি অসি কন্নবদা য়ুম্ফম ওই হায়না হায়খি। কোবিদকী মায়োক্তা লান্থেংনরিবা অসিগীদমক্তা খুদোংচাবশিং হেনগৎহন্নবা অমসুং নাগরিকশিংনা মীৎকুপ-নাহুম শিংবা হেনগৎহন্নবগী ৱাফম খঙহন্নবগী মায়কৈদা লৌখৎখিবা তোঙান-তোঙানবা খোংথাংশিংগী মতাংদা পল্লদুনা প্রধান মন্ত্রীনা  থুনা লৌখৎখিবা খোংথাংশিং অসিনা মীওই বিলিয়ন ১.৩ অসি তেক-কাইহন্দনবা তৌবদা অমদি অকক্নবা পাম্বৈশিং লৈবা লৈবাক পুম্নমক্কী ওইনা মীওই মিলিয়ন্দা শিবগী চাং অসি খ্বাইদগী তানা লৈরি হায়না ফোংদোকখি।

ভারতকী লল্লোন-ইতিক তৌবা কাংলুপশিং, মরুওইনা পিক্না লল্লোন-ইতিক তৌবশিংনা হান্না নিংথিনা মথৌ তৌবা অসিদা মহাক্না নুংঙাইবা ফোংদোকখি। চাউরাক্না শিনোদগী হৌদুনা মালেম পুম্বগী ওইনা অনিশুবা খ্বাইদগী চাউবা পি.পি.ই. কীত শাবা লৈবাক ওইহল্লে হায়না মহাক্না হায়খি। 

মখল-মখা কয়াদা ফগৎহনখিবা অসি পল্লদুনা প্রধান মন্ত্রীনা মসিগী লায়চৎ অসিদা ভারতকী মীওই বিলিয়ন ১.৩গী অনিংবশিং অমদি অথোইবা অনিংবশিং অসি ফংহনবদা মায় পাক্ত্রি হায়না মহাক্না হায়খি।

হন্দক্তা চৎখিবা খোংচত্তগী চাউনা কান্নগদবশিংদা ফগৎহন্দুনা লল্লোন-ইতিক তৌবদা লাইতোকহল্লে অমদি কান্নদবদা মতম চংবা

শ্রী নরেন্দ্র মোদীনা মালেমগী খ্বাইদগী চাউবা হাউসিং প্রোগ্রাম অসি নিংথিনা থবক পাংথোক্লি অমসুং রিন্যুএবল ইনর্জীগী ইনফ্রাস্ত্রকচর অসি হেন্না পাকথোক-চাউথোকহল্লগনি হায়না ফোংদোকখি।  প্রধান মন্ত্রীনা রেল, লম্বি অমসুং নুংশিত্তা শম্নহন্নবগী লম্বি অসি হেন্না মপাঙ্গল কনখৎহনবগী মতাংদসু পনখি। ভারতনা নেস্নেল দিজিতেল হেল্থ মিশন শেম্নবগীদমক্তা অখন্নবা দিজিতেল মোদেল অমা শেম্লি হায়না মহাক্না হায়খি।

ঐখোয়না মীওই কোতিদা বেঙ্কিং, শেন্দোন, দিজিতেল পেমেন্ত অমসুং ইন্সুরেন্স ফংহন্নবগীদমক্তা খ্বাইদগী ফবা ফিন-তেক (ফাইনান্সিএল তেক্নোলোজী) অসি শিজিন্নগনি হায়না মহাক্না হায়খি। মসিগী থৌরাংশিং অসিদা মালেমগী থাক্কী তেক্নোলোজী অমসুং মালেমগী থাক্কী খ্বাইদগী অফবা থবক-চত্থবগী মওংশিং শিজিন্নগনি।

শ্রী মোদীনা লায়চৎ অসিনা মালেম পু্ম্বদা মালেমগী থাক্কী সপ্লাইগী পরিং অসি শেমগৎপগী ৱারেপ অসিনা শুপ্নতগী অচংবা মমলদা য়ুম্ফম ওইরোইদবনি হায়না ফোংদোকখি। মখোয়শিং অদু থাজবদসু য়ুম্ফম ওইগদবনি। কম্পনীশিং অসি হৌজিক জিওগ্রাফিকেলগী মফমশিংদা ফংবা ঙমহনবগা লোয়ন-লোয়ননা থাজনীংঙাই ওইবা অমসুং চৎন-কাংলোন নাইবা অসি তুং কোইনা লৈহন্নবসু খন্নরি। ভারত অসি অথোইবা কয়া লৈবা মফম্নি। মসিদা য়েংলদুনা ভারতনা ফোরেন ইনভেস্তকীদমক্তা চুনবা মফমশিংগী মরক্তগী অমা ওইরক্লি হায়না মহাক্না হায়খি।

অমেরিকা ওইরো, য়ুরোপ ওইরো, ওস্ত্রেলিয়া ওইরো নত্ত্রগা গল্ফ ওইরো মালেম পুম্বনা থাজরি হায়না মহাক্না হায়খি। হন্দক্কী চহি অসিদা বিলিয়ন দোলর ২০গী ফোরেন ইনভেস্তমেন্ত ফ্লো ফংখি। গুগল, এমাজোন অমসুং মুবাদালা ইনভেস্তমেন্তশিংনা ভারতকী ওইবা অশাংবা মতমগী স্কীমশিং লাউথোকখ্রে। 

প্রধান মন্ত্রীনা ভারতনা পুথোকপা নুং-পান ফাউনা শেংনা উবা অমসুং হান্ননা খঙদোকপা য়াবা তেক্স সিস্তেমগী মতাংদা পনখি অমসুং মসিনা মতৌ করম্না পুকচেল শেংবা তেস্ক থিবশিংবু শৌগৎপগে হায়বদু পনখি। ভারতকী জি.এস.তি. অসি পুনশিন্নরবা অমদি মপুং ফাবা নাকোইনবা তেক্স সিস্তেম্নি হায়না মহাক্না ফোংদোকখি।

শ্রী মোদীনা মপুং ওইবা ফাইনান্সিএল সিস্তেমগী ওইনা খুদোংথিবা হন্থহনবা ইনসোলভেন্সি অমসুং বেঙ্করপসি কোদকী মতাংদা পনখি।  মহাক্না থবক তৌরিবা মীশিংগী পোৎলুম হন্থহনবা পাক-চাউরবা লেবরগী অনৌবা য়াওলগী মতাংদসু পল্লদুনা মতৌ করম্না মসিনা থৌমীশিংদা খুন্নাইগী ওইবা শোই-ঙামদবা অদু ফংহনবগে হায়বদু খঙহনখি।  প্রধান মন্ত্রীনা চাউখৎপা অসি হেন্না কোংজেল য়াংশিলহনবদা ইনভেস্তমেন্তকী মরুওইবদা খন্নখি অমসুং ভারতনা মসি দিমান্দ তৌবদা অমদি সপ্লাই তৌবদা নাকল অনিমক অসি করম্না য়েংশিল্লিবগে হায়বদু ফোংদোকখি। 

মহাক্না ভারত অসি মালেমদা খ্বাইদগী তেক্স হন্থনা থিবা লৈবাকশিংগী মনুংদা অমা ওইহন্দুনা অমদি মেন্যুফেকচরিং য়ুনিৎশিং পুক্নীং থৌগত্তুনা মখা তাবা ইন্সেন্তিবশিংগা কোন্নবা ওইহনখ্রে।

প্রধান মন্ত্রীনা তঙাই ফদবা মওংগী ই-প্লেৎফোর্মদা য়ুম্ফম ওইবা ‘ফেসলেস এসেসমেন্ত’কী মতাংদা পনখি অমসুং মসি তেক্স থিরিবশিংগী চার্তরগা লোয়ন-লোয়ননা নাগরিকশিংদা মতেং পাংবদসু তুং কোইনা মতেং পাংগনি হায়না ফোংদোকখি। বোন্দ মার্কেত্তা চৎন-কাংলোন নাইনা শেমদোকখিবশিং অদুদগী ইনভেস্তরশিংগীদমক্তা য়ৌহনবা অদু শোইদনা ফগৎহল্লগনি।  

মহাক্না ভারত অসি এফ.দি.আই. ২০১৯দা চাদা ২০ হেনগৎলিবা অসিসু মালেমগী এফ.দি.আই.দা চাদা ১ হন্থখিবা মতমদনি অমসুং মসি ঐখোয়গী এফ.দি.আই.গী সিস্তেমগী মায় পাকপা অসি উৎপগে হায়না ফোংদোকখি।

শ্রী মোদীনা মথক্তা পনখ্রিবা খোংথাংশিং অসি মঙাল নাইবা অমদি হেন্না খুঞ্জাউ-লৈচাউবা তুংগী পুন্সি অমা শোইদনা ওইহগননি হায়না হায়খি। মসি অকনবা মালেমগী শেন্মিৎলোন ওইহনবদসু তেংবাং ওইগনি।

আত্মনির্ভর ভারত অমা ওইহন্নবগীদমক্তা ভারতকী মীওই বিলিয়ন ১.৩না য়ানা লৌরবা মিশন অসিগী মতাংদা পল্লদুনা প্রধান মন্ত্রীনা ‘আত্মনির্ভর ভারত’কী মফম ওইবা (লোকেল) অসি মালেমগী থাক্তা (গ্লোবেল)গা পুনশিন্নহল্লি অমসুং মসিদগী গ্লোবেল ফোর্স মল্তীপ্লায়রগী মওংদা ভারতকী মপাঙ্গল ওইনা তৌহল্লি।

মসিগী পান্দম অসি ভারতকী মওং অসি মথক-মখা ওন্তোক্তুনা নিংথিনা মথৌ পাংথোক্ত্রবা কৈথেলশিং অসি লৈহনবগী মহুত্তা গ্লোবেল ভেল্যু চেনশিংগী মরক্তা নিংথিনা মথৌ পাংথোকপা ঙম্বা সমেন্যুফেকচরিং হব ওইনা ওন্থোক্কনি হায়না মহাক্না হায়খি। 

ঐখোয়গী মাংগী লম্বি অসি খুদোংচাবশিংনা থল্লে হায়না প্রধানমন্ত্রীনা হায়খি।  মরুওইনা লন্নাই অমসুং পব্লিক সেক্তরশিংদা। মহাক্না কোয়না, মাইনিং, দিফেন্স, স্পেস অমসুং ন্যুক্লিয়র ইনর্জীনচিংবা লমশিং হাংদোক্নবগী মতাংদসু পনখি। 

মহাক্না লৌউ-শিংউদা ফগৎহনবগী লোয়ন-লোয়ননা মোবাইল অমসুং ইলেক্ত্রোনিক্স, মেদিকেল দিভাইসশিং, ফার্মা সেক্তরশিংগী ওইনা হৌদোকখিবা প্রদক্সনগা মরি লৈননা পুক্নীং থৌগৎহনবগী স্কীমশিংগী মতাংদসু পনখি।

প্রধান মন্ত্রীনা মসিগী সবমিৎ অসি ভারত্তা শিংনবশিং থেংননবগীদমক্তা মহৈশিং ফংহনবদা থাজবা থম্বা অসিগুম্বা সরকার ওইনা লৈরি, মসিনা ইজ ওফ লিভিং (অরাইবা পুন্সি মহিং) অসি অদুক্কী মতিক ইজ ওফ দুইং বিজিনেস (অরাইবা লল্লোন-ইতিক) তৌবদা মরু ওইনা লৌই হায়না ফোংদোকখি। 

মহাক্না ভারত অসি মী মশিংগী চাদা ৬৫ অসি অনিংবা কয়ানা থল্লবা অমদি মশানা মায় পাকপা কয়া পাংথোক্নবগী ৱারেপ লৌরবা চহি ৩৫দগী তাবা এইনা নহা ওইরিবা লৈবাক অমগী মওংদা শিংথাদুনা হায়খি। মহাক্না ভারত অসি তুং কোইবা রাজনীতি লৈবা অমদি চৎন-কাংলোন নাইবা অমদি দেমোক্রেসী অমসুং খেৎনবশিংগীদমক্তা ৱাশক্লবা লৈবাক অমনি হায়না মহাক্না ফোংদোকখি।

***



(Release ID: 1651197) Visitor Counter : 139