কম্মর্স অমসুং ইন্দস্ত্রী অমসুং রেলৱেজগী কেন্দ্রগী মন্ত্রী শ্রী পিয়ুশ গোয়লনা অনৌবা মতমগী ৱাখল্লোনশিং অসিনা মালেমগী সপ্লাই চেনশিংদা চাউনা মতেং পাংনবা ভারতনা শেম-শাবদা ঐখোয়দা মতেং পাংলগনি। ঙসিগী সি.আই.আই.গী “লোঞ্চ ওফ ইন্দিয়া’স ফ্যুচর ব্যুজিনেস” থৌরমদা ৱা ঙাংলদুনা মহাক্না হায় অনৌবা মতমগী ওন্ত্রোপ্রিনরশিং অসিনা ভারতকী লন-থুমদা অহোংবা পুরক্লগনি। মহাক্না হায় ভারত্তা অনৌবা মতমগী ললোল-ইতিকশিং প্রমোৎ তৌনবা ৱাখল মান্নবা লৈবাকশিং অমসুং থাজবা য়াবা পার্তনরশিংগা লোয়ননা প্লেৎফোর্ম অমা শেমগৎপা মথৌ তাই। ভারতনা অনৌবা মতমগী ললোল-ইতিকশিং প্রমোৎ তৌনবা অতোপ্পা লৈবাকশিংগী থাজবা য়াবা পার্তনরশিংগা তান্নদুনা প্লেৎফোর্ম অমা শেমগৎপা য়াগনি হায়না মহাক্না মখা তাখি।  

মন্ত্রীনা হায় ভারতকী লন-থুমদা অহোংবা পুরক্কদবা, থবক পুথোক্কদবা অমসুং মীয়ামদা নুংঙাইবা পুন্সি অমা পুরক্কদবা অসি নহাশিংনি। ঐখোয়গী অচৌবা স্তার্ত-অপ ইকোসিস্তেম অমা ভারত্তা লৈ। মসি ঐখোয়গী তৌবা ঙম্বা অদু শক খংনবা অমসুং ঐকৌবগী ওন্ত্রোপ্রিনরশিং অৱাংবা থাক্তা পুখৎনবনি। নহারোলশিংনা পুথোরক্লিবা ৱাখল্লোন খরদি তশেংনা রিভোলুসনরী ওই। হৌজিক মতমগী ললোল-ইতিকশিংদা কোলেজশিংনা ওন্ত্রোপ্রিনরশীপ নত্রগা অতোপ্পা কোর্সশিংদা মীৎয়েং চংগদবনি হায়না মহাক্না ফোঙদোকখি। ঐখোয়না অহেনবা ভোকেস্নেল ত্রেনিংদা অমসুং এসেসমেন্ত প্রোসেসতা নহাশিংগী ৱাখল্লোন্দা করি লৈরি হায়না খংনবা মীৎয়েং চংবা য়াই হায়না মহাক্না মখা তাখি।

গ্লোবল ইনোবেসন ইন্দেক্সতা ভারতনা রেঙ্ক ৫২দগী ৪৮তা কাখৎলকপগী মতাংদা পল্লদুনা শ্রী গোয়লনা হায় “ভারত অসি তশেংনা ইনোবেসন হব অমা ওইহন্নবা ঐখোয় পুন্না হোৎনরসি”। ঐখোয়গী অচৌবা স্তার্তঅপ ইকোসিস্তেম অমা লৈ। ভারত্তা ললোল ইতিক তৌনবা সরকারনা অনৌবা ৱাখল্লোনশিং অসিগা প্রোএক্তিব ওইনা চৎমিন্নবা অমসুং মদু লাইথোকহন্নবা হোৎনবদা ইন্দস্ত্রীগী থৌনা লিংজেলসু পুক্নিং থৌগৎকনি হায়বদা হায়মনবা থোক্লোই। ঐখোয়না মাই পাকপদা শক্তী অমত্তনা থীংবা ঙম্লোই।

রেলৱেজতা ইনোবেসন তৌবগী মতাংদা পল্লদুনা শ্রী গোয়লনা হায় হৌখিবা চহি তরুক অসিদা ঐখোয়গী ইন্দিয়ন কোচ শারিবা ফেক্তরীশিং অসিনা অরীবা কোচশিং শাবা লেপ্পখক্তা নত্তনা ঐখোয়না হৌজিক অফবা এল.ঐচ.বি. কোচশিং শারে। মসিগী ফল ওইনা হৌখিবা থা ১৭ অসিদা রেলৱে এক্সিদেন্তনা মরম ওইরগা রেলৱে পেসেঞ্জর অমফাওবা শিদ্রে।  

শ্রী গোয়লনা হায়খি ৱাখল্লোন লৈবা তশেংবা স্তার্তঅপ ওন্তর্প্রিনোরদি প্রধান মন্ত্রীনি। অতেনবা ৱারী অমা লিরদুনা শ্রী গোয়লনা হায়খি মদুদি রেলৱেজ ত্রেকশিং শম্বাল খাগৎপগী মথৌ তাবগী মতাংদা খন্নবা মতমদা শ্রী নরেন্দ্র মোদীনা রেলৱেজ ত্রেকশিংগা লোয়ননা সোলর প্রোজেক্তশিং বিদিং তৌবনা শেল-চংদবা পাৱর, লনাই ইনবেসমেন্ত, ত্রেক ফগৎহনবা অমসুং রেলৱেজ অসি ইকো-ফ্রেনলিসু ওইহনবা ঙমগনি হায়না পাউতাক পীরকখি।

শ্রী গোয়লনা মকোক থোংবা বিজিনেসকী লুচিংবশিংনা মখোয়গী মশাগী ইমুং মনুং নত্রগা ললোন-ইতিক খক নত্তনা অনৌবা মতমগী অমসুং নহা ওইরিবা ওন্তর্প্রিনোরশিংদসু লমজিং লমতাক্নবা হায়জখি। মহাক্না হায়খি “ঐহাক্না মখোয়দা মসিগীদমক মতম কায়থোক্নবা হায়জরি। মসিনা নহা কয়াবু শোইদনা থৌনা আপকনি”।

মন্ত্রীনা হায়খিআত্মানির্ভার ভারত অসি অহৌবা অমা খক ওইদুনা ভারতনা মশাগী তৌবা ঙম্বা অদু খঙজদুনা মালেমগী ওইবা শেন্মীৎলোনদা মপাঙ্গল লৈবা অমদি থাজবা য়াবা পার্তনর অমা ওইনা মালেমগী সপ্লাই চেনদা য়াওবা ঙমহনগনি। মহাক্না হায়খি ভারত অসি অনৌবা ললোন-ইতিক্তা হৌদোকবগী মপাঙ্গল চাউনা লৈ। মহাক্না হায়কি “পান্দম অদুদি ভারত্তা অমুক হন্না গ্রোথ লৈহন্নবনি। ঐখোয় পুম্নমক্না পান্দম অসি ফংনবা পুন্না হোৎনগদবনি। প্রধান মন্ত্রীনা হায়খি, “ঐখোয়গী সমস্যা মিলিয়ন কয়া লৈ অদুবু মতম অসি মক্তদা ঐখোয়গী আশা বিলিয়ন কয়া লৈ”। ঐখোয়গী ইন্দস্ত্রীনা লৌশিং লৈবা ভারতকী ওন্তর্প্রিনোরগী তৌবা ঙম্বশিং অদু খঙহনখি অমসুং য়েলহৌঙৈগী ললোন ইতিকশিং অদু অনৌবা মতমগী ললোন-ইতিকশিংদা ওন্থোকপা ঙমহল্লি। ভারতনা তুংলমচৎ ফগৎহন্নবা তৌবা ঙম্বা কয়া অমসুং পাঙ্গল অদু লৈ। ঐখোয়না লায়চৎ অসি মীওই অমত্তনা থাজদবা মওংদা য়াম্না থুনা কোকহনবা ঙমগনি।”

*****