অতোপ্পা লৈবাকশিংগা চাংদম্নবদা কোবিদনা শিবগী চাং খ্বাইদগী নেম্বা লৈবাকশিংগী মনুংদা ভারত য়াওরি। হৌজিক মালেমগী ওইনা শিবগী চাদা চাদা ৩.৩ ওইরিবা অসিদা ভারতকী শিবগী চাং চাদা ১.৭৬ ওইরি। ভারতকী মীশিং মিল্লিয়ন অমদা শিবগী চাং অসি মালেমগদা খ্বাইদগী নেম্বা ওইরি। মালেমগী ওইনা মীওই মিল্লিয়ন অমদা মীওই ১১০ শিবদা ,ভারতকী ওইনা মীওই মিল্লিয়ন অমদা ৪৮ শিরি। ব্রাজিলদা মীওই ১২ অমসুং য়ু.কেদা মীওই ১৩ শিরি।

কোবিদ লায়েংনবগী থৌশিলগী শরুক অমা ওইনা, কোবিদকা মরী লৈন্না শিবগী চাং হন্থহন্নবা কেন্দ্র সরকারনা অকনবা মিৎয়েং চঙলি। কেন্দ্র সরকার অমসুং রাজ্যশিং/য়ু.তিশিংনা পুন্না অকনবা থবকশিং পায়খৎপদগী লৈবাক শীনবা থুংনা হকশেলগী খুদোংচাবশিং ফংবা হেনগৎলে। অনাবশিং লায়েংনবগী চৎন-কাংলোনশিং কেন্দ্র সরকারনা পীরে।

অরুবা অনাবশিং লায়েংলিবা আই.সি.য়ু দোক্তরশিং ত্রেনিং পীনবা এ.আই.আই.এম.এস নিউ দিল্লিদা ই-আই.সি.য়ু অমা থবক হৌরে। চয়োল অমগী মনুংদা অনিরক, লৈবাকপোকপা অমসুং ইরাইদা, সরকারগী হোস্পিতালশিংদা লৈরিবা আই.সি.য়ুগী দোক্তরশিংগা ভিদিও কনফরেন্স পাংথোক্তুনা লায়েংনগী মতাংদা পাউতাক পীনরি। হায়রিবা সেনসন অসি ২০২০গী জুলাই ৮দগী হৌখিবনি।

হৌজিক ফাওবদা তেলি-সেসন ১৭ পাংথোকখ্রে অমসুং ইন্সতিতুসন ২০৪ শরুক য়াখ্রে।

অরুবা অনাবশিং লায়েংলিবা আই.সি.য়ুগী দোক্তরশিং মখা তানা ত্রেনিং পীনবা হেল্থ মিনিস্ত্রিগা লোয়ন্না এ.আই.আই.এম.এস নিউ দিল্লিনা এফ.এ.ক্বিউশিং পুথোক্লে। হায়রিবা এফ.এ.ক্বিউশিং অদু মিনিস্ত্রিগী ৱেবসাইত্তা থাগৎলে। মখাগী লিঙ্ক অসিদা য়েংবা য়াগনি:

https://www.mohfw.gov.in/pdf/AIIMSeICUsFAQs01SEP.pdf

এফ.এ.ক্বিউশিং অসি আই.সি.য়ুশিংদা লৈরিবা অরুবা অনাবশিং লায়েংবা থেংনখিবা লৌশিং ময়াম অদুগী খোমজিনবা অমনি। লায়েংলিবা দোক্তরশিংগী ওইনা অনৌবা অমা ওইবনা, মখোয়না অনৌবা ৱাফম কয়া থেংনৈ অমসুং এফ.এ.ক্বিউশিং অসিনা মখোয়গী লৌশিং হেনগৎহনগনি।

এ.আই.আই.এম.এস ই-আই.সি.য়ুনা পুথোকপা কোবিদ-১৯গী এফ.এ.ক্বিউশিং

• ১. করিগীদমক ঐখোয়না হকশেলগী মীওইশিংদা ঐচ.সি.ক্বিউ পীজগদৌরিবনো?

হকশেলগী মীওইশিংদা প্রোফাইলেক্সিস ওইনা হায়দ্রোজিক্লোরোকুইন(ঐচ সি ক্বিউ) পীজনবা পাউতাক পীরে। মসি কোবিদ-১৯দগী ঙাকথোক্নবা পি.পি.ই শীজিন্নবা অমসুং অতোপ্পা থবকশিংগা লোয়ন্না শীজিন্নবা য়াগনি।

• ২. কোবিদ অনাবশিং ইভরমেকতিন শীজিন্নবা য়াগদ্রা ?

ইভরমেকতিন্না সার্সস কোভ ২ মচা পোকপা থিংবা ঙম্বগী শক্তি লৈবা থেংনরে, অদুবু থৱায় পানবশিংদা মচা পোকপা থিংনবা মহৌশাদা শীজিন্নরবা দোজ অসিদগী হেন্না শীজিন্নবা দরকার ওই। মসি হৌজিকমক লৈবাক্কী চৎন-কাংলোনশিংদা য়াওদ্রি অদুবু ঐচ.সি.ক্বিউ চাবা য়াদবা অনাবশিংদা শীজিন্নবা য়াগনি।

• ৩. ঐখোয় মখা তানা এন্তিগোঙ্গুলেসন পোস্ত দিসচার্জ শীজিন্নগদরা ?

পোস্ত-কোবদি থ্রোম্বোতিক কমপ্লিকেসনশিংদা থেংথবা লৈতে হায়বা ঐখোয়না খঙলে। প্রোথ্রোম্বোতিককী ফিবম অসিগা ভাইরেমিক অমসুং ইনফ্লামেতোরি ফেজশিং য়াওরি, অনাবা অমা হেক দিসচার্জ তৌখিবগা, থ্রোম্বোতিককী খুদোংথিবা হন্থরকই। অতোপ্পা মরমশিং হায়বদি দি.ভি.তি, প্রোস্থেতিক ভেল্ব অসিনচিংবা নৎত্রবদি কোবিদ অনাবশিং দিসচার্জ তৌবা মতমদা ঐখোয়না এন্তি-গোঙ্গুলেসন শীজিন্ননবা হায়দে।

• ৪. কোবিদ-১৯দা খঙহৌদনা শিবা

হোস্পিতালশিংদা খঙহৌদনা শিবগী পাউ লৈরে। ওইবা য়াবা মরমশিংগী মনুংদা খুদক্তা থম্মোয়গী অনাবা লাকপা/এ.সি.এস, সাইলেন্ত হাইপোসিয়া নৎত্রগা পুলমোনারি থ্রোম্বোইম্বোলিজমনা ওইবা য়াই। খুদোংথিনিংঙাই ওইবা অনাবশিং অরুবা কোবিদ ওইরকপা য়াই নৎত্রগা মমাংদা অতৈ অনাবা লৈবশিং মখোয়গী ফিবম চেকশিন্না শেন্নগদবনি। মখোয়না শেন্নদনা থম্লোইদবনি। ঈ কা হেন্না থোকপগী খুদোংথিনিংঙাই ওইদবা অনাবশিং এন্তিগোঙ্গুলেন্তশিং শীজিন্নগদবনি।

• ৬. মিথাইল প্রেদনিসোলোন ভর্সেস দেজামেথাসোন

য়াইমরপ ওইবা অমসুং অরুবা কোবিদ-১৯ অনাবশিংদা হৌজিক কোর্তিকোস্তেরোইদশিং শীজিন্নরি। দেজামেথাসোনসু শীজিন্নরি। ফংবগী মতুংইন্না  আই.ভি দেজামেথাসোন নৎত্রগা মিথাইল প্রেদনিসোলোন শীজিন্নবা য়াই।

• ৭. তোসিলিজুমাবকী থৌদাং করিনো ?

লাইচৎ অসিদা তোসিলিজুমাব শীজিন্নবা দি.সি.জি.আইনা অয়াবা পীরে। মসি চাংয়েং ওইনা পাংথোকপা লায়েং অমনি অমসুং মসিগী অকক্নবা থৌদাং অমা লৈ অমসুং সাইতোকিন সিন্দ্রোম লৈবা অনাবশিং খক্তদা শীজিন্নবা য়াগনি।

• ৭. প্লাজমা থেরাপিগী থৌদাং করিনো ?

হাই নিউত্রেলাইজিং তাইতরশিংগা লোয়ন্না এ.বি.ও চানবা দোনরশিংগী লৌবা প্লাজমা কোবিদ-১৯ অনাবশিংদা ঙল্লিঙৈ মতমদা পীবা য়াগনি। অদুবু মসি চাংয়েং ওইনা লৈরিবা লায়েং মখল অমনি হায়না খনগদবনি অমসুং চেকশিন্না শীজিন্নগদবনি।

• ৮. ফাবিপিরাবিরগী থৌদাং

ফিবম ফরিবা নৎত্রগা লাইওং উৎতবা কোবিদ অনাবশিংদা বিপিরাবির শীজিন্নবদা অনাবগী ফিবম হেঞ্জিল্লকপা ঙাকথোকপা ঙম্লে হায়রি। বিপিরাবির শীজিন্নবদগী কান্নবা ফংবগী খুদম অসি য়াম্না শোল্লি অমসুং হৌজিক হিদাক অসি লৈবাক্কী ওইনা চৎনরিবা লায়েং-কাংলোনশিংদা শীজিন্নদ্রি।

• ৯. লং ফাইব্রোসিস ঙাকথোক্নবা এন্তিফাইব্রোতিক্কী থৌদাং

কোবিদকা মরী লৈনবা ফাইব্রোসিস ঙাকথোক্নবা পিরফেনিদোনগুম্বা এন্তিফাইব্রোতিক এজেন্তশিং শীজিন্নবদা কান্নবগী খুদম অমদা লৈতে অমসুং মরম অদুনা শীজিন্নরোইদবনি।

• ১০. কোবিদ-১৯ অনাবশিং ৱাখল নুংঙাইতবা কমদৌনা ঙাকথোক্কনি ?

নাইতোম লৈবা, লায়নাগী মরমদা পাখৎপা, খুন্নাইগী নোক্নবা অমসুং অতৈ মরম কয়ানা কোবি অনাবশিং ৱাখল নুংঙাইতবা তোইনা থেংনৈ। ত্রেন তৌরবা সাইকোলোজিস্ত/সাইকিয়াত্রিস্ত অমনা অসিগুম্বা অনাবশিং লায়েংবা অমসুং পাউতাক পীবা দরকার ওই।

• ১১. রিপোর্তশিং কোবিদ নেগেতিপ ওইরবা অদুবু য়াম্না চিংননিংঙাই ওইবা অনাবদা ঐখোয়না রেমদেসিবির/তি.সি.জেৎ পীজগদরা ?

রেমদেসিবির/তি.সি.জেৎ অসি দি.সি.জি.আইনা অয়াবা পীরবা হৌজিক থেংনরিবা লাইচৎ অসিগী য়েংলগা চাংয়েং ওইনা থাবা হিদাকশিংনি। মরম অদুনা হিদাকশিং অসি চিংনবা কেসশিংদা শীজিন্নরোইদবনি।  হায়রিবা হিদাকশিং অসি কোবিদ-১৯ তশেংনা অনাবশিংদা পীজগদবনি।

• ১২. ঐখোয়না মিথাইল ব্লু শীজিন্নবা য়াগদরা ?

য়াদে, কোবিদ লায়েংবদা মিথাইল ব্লুগী থৌদাং অমতা লৈতে।

• ১৩. ঐখোয়না কয়া য়াম্না কুইনা রেমদেসিবির পীজগনি ?

হৌজিক রেমদেসিবির নোংমদা অমা খক চাদুনা নুমিৎ ৫ চাগদবনি।

• ১৪. অতৈ অনাবা লৈবা লাইওং উৎতবা অনাবশিংদা ঐখোয়না রেমদেসিবির/তি.সি.জেৎ শীজিন্নবা য়াগদরা ?

অতৈ অনাবা লৈবা লাইওং উৎতবা অনাবশিংদা রেমদেসিবির/তি.সি.জেৎ শীজিন্নবদা কান্নবগী প্রমান অমতা লৈতে।

• ১৫. ৱার্দশিংদা লৈরিবা কোবিদ-১৯ অনাবশিং মরী-মতাশিং উনবা য়াহনগদরা ?

মখোয়দা লায়না লৌনরকপা য়াবা অমসুং মদুনা লৈকাইদা শন্দোকখিবা য়াবনা মরী-মতাশিংনা কোবিদ-১৯ অনাবশিং উনবগী অয়াবা পীরোইদবনি।

• ১৬. কোবিদ-১৯ পোজিতিপ ওইরবা অঙাংশিং মমা-মপাগা লৈমিন্নবা য়াগদরা ?

থেংনগদবা খুদোংথিবশিং শন্দোক্না তাক্লবা মতুংদা অমসুং মদু মশানা য়ারবা মতুংদা মমা-মপাশিংনা মখোয়গী মচাশিংগা লৈমিন্নবা য়াগনি।

• ১৭. দিসচার্জ তৌরবা মতুংদা ঐখোয়না মখা তানা স্তেরোইদশিং শীজিন্নগদরা?

শীজিন্নরোই, করিগুম্বা অতোপ্পা লায়নাশিং অমতা লৈত্রবদি দিসচার্জ তৌবা মতমদা স্তেরোইদশিংগী শীজিন্নফম অমতা লৈতে।

• ১৮. ঐখোয়না কমদৌনা ভেন্তিলেসন্দা লৈরিবা অনাবা অমদা চাক পীজগনি?

মখোয়গী ফিবমগী মতুংইন্না ভেন্তিলেতর শীজিন্নরিবা অনাবা অমা চাক পীজনবা তি.পি.এন নৎত্রগা রাইলস তু্ব দরকার ওইগনি।

• ১৯. ঐখোয়না করম্বা মতমদা এন.আই.ভিদগী ইনভেসিপ ভেন্তিলেসন্দা হোংগনি?

করিগুম্বা অনাবা অমা শ্বর হোনবদা ৱারবদি নৎত্রগা এন.আই.ভি শীজিন্নবদা জি.সি.এস ফিবম চাদ্রবদি, মখোয়না ইনভেসিপ ভেন্তিলেসন শীজিন্ননবা খন্নগদবনি।

• ২০. করম্বা মতমদা ঐখোয়না ত্রাকিওস্তোমি শীজিন্ননবা খন্নগনি?

মতম কুইনা ভেন্তিলেসন্দা লৈরক্লবা অনাবশিং ত্রাকিওস্তোমি শীজিন্ননবা খন্নগনি।

*****