ନିର୍ବାଚନ ଆୟୋଗ
ନୂତନ ନିର୍ବାଚନ କମିଶନର ଭାବେ ଶ୍ରୀ ରାଜୀବ କୁମାରଙ୍କ ଦାୟିତ୍ୱ ଗ୍ରହଣ
प्रविष्टि तिथि:
01 SEP 2020 12:40PM by PIB Bhubaneshwar
ଶ୍ରୀ ରାଜୀବ କୁମାର ଆଜି ଭାରତର ନୂତନ ନିର୍ବାଚନ କମିଶନର (ଇସି) ଭାବେ ଦାୟିତ୍ୱ ଗ୍ରହଣ କରିଛନ୍ତି । ଶ୍ରୀ କୁମାର ମୁଖ୍ୟ ନିର୍ବାଚନ କମିଶନର ଶ୍ରୀ ସୁନୀଲ ଆରୋରା ଏବଂ ନିର୍ବାଚନ କମିଶନର ଶ୍ରୀ ସୁଶୀଲ ଚନ୍ଦ୍ରାଙ୍କ ସହ ଭାରତର ନିର୍ବାଚନ ଆୟୋଗରେ ଯୋଗ ଦେଇଛନ୍ତି ।
19 ଫେବୃଆରୀ 1960ରେ ଜନ୍ମଗ୍ରହଣ କରିଥିବା ଶ୍ରୀ ରାଜୀବ କୁମାର, ହେଉଛନ୍ତି 1984 ବ୍ୟାଚ୍ ଭାରତୀୟ ପ୍ରଶାସନିକ ସେବା ଅଧିକାରୀ । 36 ବର୍ଷରୁ ଅଧିକ ସମୟ ଧରି ଭାରତ ସରକାରଙ୍କ ସେବାରେ ଶ୍ରୀ କୁମାର, କେନ୍ଦ୍ର ସରକାରଙ୍କ ବିଭିନ୍ନ ମନ୍ତ୍ରଣାଳୟ ତଥା ନଜି ରାଜ୍ୟ କ୍ୟାଡରରେ ବିହାର ଓ ଝାଡଖଣ୍ଡର ବିଭିନ୍ନ ବିଭାଗରେ କାର୍ଯ୍ୟ କରିଛନ୍ତି ।
ବି.ଏସସି, ଏଲ୍ଏଲ୍.ବି, ପିଜିଡିଏମ୍ ଏବଂ ପବ୍ଲିକ୍ ପଲିସିରେ ଏମ୍ଏ ଆଦି ଶିକ୍ଷାଗତ ଯୋଗ୍ୟତା ହାସଲ କରିଥିବା ଶ୍ରୀ କୁମାରଙ୍କର ସାମାଜିକ କ୍ଷେତ୍ର, ଜଙ୍ଗଲ ଓ ପରିବେଶ, ମାନବ ସମ୍ବଳ, ଅର୍ଥ ଏବଂ ବ୍ୟାଙ୍କିଙ୍ଗ୍ କ୍ଷେତ୍ରରେ ବ୍ୟାପକ କାର୍ଯ୍ୟ ଦକ୍ଷତା ଓ ଅଭିଜ୍ଞତା ରହିଛି ।
ଟେକ୍ନୋଲୋଜିର ପ୍ରୟୋଗ ଏବଂ ବ୍ୟବହାର, ନୀତି ବ୍ୟବସ୍ଥାରେ ବିସ୍ତୃତ ସଂଶୋଧନ ଓ ସେବା ଯୋଗାଣରେ ଅଧିକ ସ୍ୱଚ୍ଛତା ଆଣିବା, ନାଗରିକମାନଙ୍କୁ ସିଧାସଳଖ ସେବା ଯୋଗାଇବା, ବିଭିନ୍ନ କ୍ଷେତ୍ରରୁ ମଧ୍ୟସ୍ଥିମାନଙ୍କୁ ହଟାଇବା ଦିଗରେ ତାଙ୍କର ପ୍ରବଳ ପ୍ରତିବଦ୍ଧତା ରହିଛି। ଶ୍ରୀ କୁମାର 2020 ଫେବୃଆରୀରେ ଭାରତ ସରକାରଙ୍କ ଅର୍ଥ ସଚିବ ଭାବରେ ଅବସର ନେଇଥିଲେ । ଏହାପରେ ସେ ଏପ୍ରିଲ୍ 2020ରୁ ଅଗଷ୍ଟ 31 ତାରିଖ 2020 ପଦବୀ ଛାଡିବା ପର୍ଯ୍ୟନ୍ତ ସାଧାରଣ ଉଦ୍ୟୋଗ ସିଲେକ୍ଟ ବୋର୍ଡର ଅଧ୍ୟକ୍ଷ ଭାବରେ ନିଯୁକ୍ତ ହୋଇଥିଲେ ।
ଶ୍ରୀ କୁମାର ମଧ୍ୟ 2015-17 ପର୍ଯ୍ୟନ୍ତ କାର୍ମୀକ ଏବଂ ପ୍ରଶିକ୍ଷଣ ବିଭାଗର ପ୍ରତିଷ୍ଠାତା (ଏଷ୍ଟାବ୍ଲିସମେଂଟ ଅଧିକାରୀ) ଏବଂ ପୂର୍ବରୁ ବ୍ୟୟ ବିଭାଗର ଯୁଗ୍ମ ସଚିବ, ସେହିପରି ତା’ ପୂର୍ବରୁ ଆଦିବାସୀ ବ୍ୟାପାର ମନ୍ତ୍ରଣାଳୟ, ଜଙ୍ଗଲ ଏବଂ ପରିବେଶ ମନ୍ତ୍ରଣାଳୟ ଓ ରାଜ୍ୟ କ୍ୟାଡରରେ ଶିକ୍ଷା ବିଭାଗରେ ମଧ୍ୟ କାର୍ଯ୍ୟ କରିଛନ୍ତି ।
ଭାରତୀୟ ଶାସ୍ତ୍ରୀୟ ତଥା ଭକ୍ତି ସଙ୍ଗୀତ ପ୍ରତି ଆଗ୍ରହ ଥିବା ଶ୍ରୀ ରାଜୀବ କୁମାର ମଧ୍ୟ ଜଣେ ଆଗ୍ରହୀ ଟ୍ରେକର ।
******
(रिलीज़ आईडी: 1650470)
आगंतुक पटल : 236
इस विज्ञप्ति को इन भाषाओं में पढ़ें:
Punjabi
,
English
,
Urdu
,
Marathi
,
हिन्दी
,
Assamese
,
Bengali
,
Manipuri
,
Tamil
,
Telugu
,
Kannada
,
Malayalam