শ্রী রাজীব কুমারনা ভারতকী অনৌনা ইলেক্সন কম্মিস্নর (ই.সি.) ওইনা ঙসি থৌ পুবা হৌখ্রে। শ্রী কুমারনা চীফ ইলেক্সন কম্মিস্নর শ্রী সুনিল অরোরা অমসুং ইলেক্সন কম্মিস্নর শ্রী সুশিল চন্দ্রগা লোয়ননা ইলেক্সন কম্মিসনন্দা চংখি।

ফেব্রুৱারী ১৯, ১৯৬০দা পোকখিবা শ্রী রজীব কুমার অসি ১৯৮৪গী ইন্দিয়ন এদমিনিস্ত্রেতিব সর্ভিস ওফিসরগী বেচনি। ভারত সরকারগী সর্ভিস চহি ৩৬ হেন্না তৌরিঙৈদা শ্রী কুমারনা কেন্দ্রগী তোঙান তোঙানবা মন্ত্রালয়শিং অমসুং মহাক্কী স্তেৎ কেদর বীহার/ঝর্খন্দদা থবক তৌখি।

শ্রী রাজীব কুমারনা ভারতকী অনৌবা ইলেক্সন কম্মিস্নর ওইনা থৌ পুখ্রে

বি.এসসি., এল.এল.বি., পি.জি.দি.এম. অমসুং পব্লিক পোলিসীদা এম.এ.গী একাদেমিক দিগ্রী পায়বগা লোয়ননা শ্রী কুমারনা সোসিএল সেক্তর, এনভাইর্নমেন্ত অমসুং ফোরেস্ত, হ্যুমেন রিসোর্সেস, ফাইনান্স অমসুং বেঙ্কিং সেক্তরদা থবক তৌরকখি।

মহাক্না তেক্নোলোজীগী এপ্লিকেসনশিং শীজিন্নবদা থৱায় য়াওখি অমসুং ত্রান্সপরেন্সী লৈনবা, প্রজাশিংদা সর্ভিস দেলিবরী তৌনবা ইন্তর্মেদিএরীশিং লৈহন্দনবা লৈরিবা পোলিসী রিজাইমদা এমেন্দমেন্তশিং তৌন্নবা হোৎনখি। শ্রী কুমার অসি ফেব্রুৱারী ২০২০দা ভারত সরকারগী ফাইনান্স সেক্রেতরী ওইনা পোত্থাখি। মসিগী মতুংদা মহাকপু এপ্রিল ২০২০দগী পব্লিক ইন্তর্প্রাইজেস সেলেক্সন বোর্দকী চ্যেরমেন ওইনা খনখি অমসুং ওগস্ত ৩১, ২০২০ ফাওবা থৌ পুখি। শ্রী কুমার অসি ২০১৫-১৭ ফাওবা পর্সনেল অমসুং ত্রেনিং বিভাগকী ইস্তাব্লিশমেন্ত ওফিসর ওইরমখি অমসুং মসিগী মমাংদা এক্সপেন্দিচর বিভাগকী জোইন্ত সেক্রেতরী ওইরমখি লোয়ননা স্তেৎ কেদরদা মমাংদা ত্রাইবেল এফিয়র্স মন্ত্রালয়, এনভাইর্নমেন্ত অমসুং ফোরেস্তকী মন্ত্রালয় অমসুং এজুকেসন বিভাগতা থৌ পুরমখি।

শ্রী রাজীব কুমার অসি ভারতকী অরিবা অমসুং লাইশোল ঈশৈদা থৱায় য়াওবগা লোয়ননা য়াম্না থৱায় য়াওবা ত্রেকর অমনি।

*****