কঞ্জুমর এফেয়ার্স, ফুদ অমসুং পব্লিক দিস্ত্রিবিউসনগী মিনিস্তর রাম বিলাস পাসৱান্না “লৈবাক অমা রেসন কার্দ অমা” পায়খৎনবা হোৎনরিবশিং হন্না য়েংশিনখ্রে অমসুং হৌজিক চৎনরিবা রাজ্য/য়ু.তি ২৪গী নেসনেল পোরতেবিলিতি ক্লস্তরদা লাদাখ অমসুং লক্ষদ্বিপ য়াওহন্নবা তেক্নিকেলগী থৌরাং তৌরে।

অতোপ্পা রাজ্যশিং/য়ু.তিশিংগা লোয়ন্না নেসনেল ক্লস্তরদা য়াওনবা হায়রিবা য়ু.তি অনি অসি মপুংফানা চাংয়েং পাংথোকখ্রে। মসিগা লোয়ন্না, হৌজিক রাজ্য/য়ু.তি ২৬ লৈবাক অমা রেসন কার্দ অমগী মখাদা শম্নরগনি অমসুং ২০২০গী সেপ্তেম্বর ১দগী রাজ্য/য়ু.তি ২৬গী য়ুম হোংগনবা পি.দি.এস বেনিফিসরিশিং মখোয়না অপাম্বা ফেয়র প্রাইজ সোপ অমদগী চেং লৌবা য়ারগনি।

মখাগী রাজ্য/য়ু.তি ২৬ হায়বদি-অন্ধ্র প্রদেস, বিহার, দদ্রা অমসুং নগর হাভেলি অমসুং দমন অমসুং দিউ, গৱা, গুজরাত, হরিয়ানা, হিমাচল প্রদেস, জম্মু অমসুং কাস্মির, ঝারখান্দ, মহারাস্ত্রা, কর্নাতাকা, কেরালা, লাদাখ, লক্ষদ্বিপ, মৈধ্য প্রদেস, মনিপুর, মিজোরম, নাগালেন্দ, ওরিসা, পঞ্জাব, রাজস্থান, সিক্কিম, তেলাঙ্গানা, ত্রিপুরা, য়ু.পি অমসুং উত্তরখান্দগী অপুনবা বেনিফিসরি করোর ৬৫(নফসাগী অপুনবা মীশিংগী চাদা ৮০) হৌজিক লৈবাক অমা রেসন কার্দ অমগী মখাদা চেঙ লৌবা য়ারে। লেমহৌরিবা রাজ্য/য়ু.তিশিং ২০২১গী মার্চ ফাওবগী মনুংদা পুনশিন্নবা পান্দম থম্লি।

 ‘লৈবাক অমা রেসন কার্দ অমা’ থৌরাং অসি নফসাগী মখাদা কোনশিল্লিবা মীওই খুদিংমক, মখোয়না লৈবাক মফম অমদা হেক্ত লৈবা মতমদা চেঙ ফংহন্নবা সরকারনা পায়খৎপা অচৌবা থৌরাং অমনি।  

থৌরাং অসিগী মখাদা, য়াম্না তোইনা য়ুম হোংবা নফসাগী বেনিফিসরিশিংনা লৈবাক অসিগী মখোয়না অপাম্বা মফম অমদা লৈবা ফেয়র প্রাইজ সোপ অমদগী মখোয়গী হৌজিক শীজিন্নরিবা বাইওমেত্রিক/আধারদা য়ুম্ফম ওইবা রেসন কার্দ শীজিন্নদুনা মখোয়গী ফংফম থোকপা চেঙ লৌবা য়ারগনি। ফেয়র প্রাইজ সোপশিংদা বেনিফিসরিশিং মশক খঙদোক্নবা ইলেকত্রোনিক পোইন্ত ওফ সেল খুৎলায় থম্লে।

****