ਰਸਾਇਣ ਤੇ ਖਾਦ ਮੰਤਰਾਲਾ
ਖਾਦ ਵਿਭਾਗ 1 ਸਤੰਬਰ 2020 ਤੋਂ 15 ਸਤੰਬਰ 2020 ਤੱਕ ਸਵੱਛਤਾ ਪਖਵਾੜਾ ਮਨਾ ਰਿਹਾ ਹੈ
ਕੋਵਿਡ—19 ਮਹਾਮਾਰੀ ਦੇ ਫੈਲ੍ਹਣ ਦੇ ਮੱਦੇਨਜ਼ਰ ਇਸ ਸਾਲ ਸਵੱਛਤਾ ਪਖਵਾੜੇ ਦੀ ਮਹੱਤਤਾ ਹੋਰ ਵੱਧ ਗਈ ਹੈ; ਸ਼੍ਰੀ ਗੌੜਾ
प्रविष्टि तिथि:
01 SEP 2020 2:57PM by PIB Chandigarh
ਕੇਂਦਰ ਦੇ ਖਾਦ ਵਿਭਾਗ ਵੱਲੋਂ 1 ਸਤੰਬਰ 2020 ਤੋਂ 15 ਸਤੰਬਰ 2020 ਤੱਕ ਸਵੱਛਤਾ ਪਖਵਾੜਾ ਮਨਾਇਆ ਜਾ ਰਿਹਾ ਹੈ । ਵਿਭਾਗ ਤਹਿਤ ਕਰਵਾਏ ਜਾਣ ਵਾਲੇ ਸਵੱਛਤਾ ਅਭਿਆਨ ਵਿੱਚ ਸਾਰੇ ਜਨਤਕ ਖੇਤਰ ਦੇ ਅਦਾਰੇ ਤੇ ਸੰਸਥਾਵਾਂ ਵੱਡੀ ਗਿਣਤੀ ਵਿੱਚ ਹਿੱਸਾ ਲੈ ਰਹੀਆਂ ਹਨ ।
ਕੇਂਦਰੀ ਰਸਾਇਣ ਅਤੇ ਖਾਦ ਮੰਤਰੀ ਸ਼੍ਰੀ ਡੀ ਵੀ ਸਦਾਨੰਦ ਗੌੜਾ ਨੇ ਇੱਕ ਟਵੀਟ ਵਿੱਚ ਕਿਹਾ ਹੈ ਕਿ ਕੋਵਿਡ—19 ਮਹਾਮਾਰੀ ਦੇ ਫੈਲਾਅ ਦੇ ਮੱਦੇਨਜ਼ਰ ਇਸ ਸਾਲ ਸਵੱਛਤਾ ਪਖਵਾੜੇ ਦੀ ਮਹੱਤਤਾ ਹੋਰ ਵੀ ਜਿ਼ਆਦਾ ਹੈ ।
ਸ਼੍ਰੀ ਗੌੜਾ ਨੇ ਕਿਹਾ ਕਿ ਦੇਸ਼ ਵਿੱਚ ਸਾਫ਼ ਸਫਾਈ ਰੱਖਣ ਦੀ ਕੋਸਿ਼ਸ਼ ਵਜੋਂ ਖਾਦ ਸਨਅਤ, ਡੀਲਰਾਂ ਤੇ ਵਪਾਰੀਆਂ ਵੱਲੋਂ ਕੀਤੇ ਯਤਨਾਂ ਦੇ ਚੰਗੇ ਸਿੱਟੇ ਨਜ਼ਰ ਆਉਣਗੇ ।
ਮੰਤਰੀ ਨੇ ਸਵੱਛਤਾ ਪਖਵਾੜਾ ਨੂੰ ਸਫ਼ਲ ਬਣਾਉਣ ਲਈ ਸ਼ੁੱਭ ਇੱਛਾਵਾਂ ਦਿੱਤੀਆਂ ਤੇ ਵਿਭਾਗ ਦੇ ਸਾਰੇ ਅਧਿਕਾਰੀਆਂ ਅਤੇ ਮੁਲਾਜ਼ਮਾਂ ਦੇ ਯਤਨਾਂ ਦੀ ਪ੍ਰਸ਼ੰਸਾ ਕੀਤੀ ।
ਸਕੱਤਰ (ਖਾਦਾਂ) ਸ਼੍ਰੀ ਛਬਿਲੇਂਦਰਾ ਰਾਉਲ ਨੇ ਅੱਜ ਸਵੱਛਤਾ ਸਹੁੰ ਚੁਕਾਈ । ਵਿਭਾਗ ਦੇ ਸੀਨੀਅਰ ਅਧਿਕਾਰੀਆਂ ਨੇ ਸਹੁੰ ਚੁੱਕੀ ।
ਆਰ ਸੀ ਜੇ / ਆਰ ਕੇ ਐੱਮ
(रिलीज़ आईडी: 1650420)
आगंतुक पटल : 183