কেন্দ্রগী মাইক্রো, স্মোল অমসুং মেদিয়ম ইন্তর্প্রাইজেস (এম.এস.এম.ই.) অমসুং রোদ ত্রান্সপোর্ত অমসুং হাইৱে মন্ত্রী শ্রী নিতিন গদকারিনা রাজস্থান্দা লৈবা অলৱর জিল্লাগী ভিৱারিদা শাবা তেক্নোলোজী সেন্তর অমা ঙসি ভিদিও কনফরেন্সগী খুথাংদা শঙ্গাখ্রে। মহাক্না হায়খি, পোৎচৈ শাবগী সেক্তরনা লৈবাক অসিগী জি.দি.পি.দা চাদা ২২দগী ২৪ ফাওবা পীরি অমসুং প্রধান মন্ত্রীনা লাউথোকখিবা 'আত্মনির্ভর ভারত'তা ঐখোয়না অনৌবা তেক্নোলোজী সেন্তর ১৫ অমসু লিংখৎকনি অমসুং হান্না লৈরবা তি.সি. ১৮না স্কিল লৈরবা মীওই কয়া শেমগৎনবগীদমক মপাঙ্গল হাপকৎকনি, মসিগী মথক্তা লৈবাক অসিবু পোৎচৈ শাবদা অরিংবা লৈবাক অমা ওইহনগে হায়রবদি স্কিল লৈরবা মীওই কয়া পুথোকপা মথৌ তাই।

শ্রী গদকারিনা মখা তানা হায়খি মদুদি তি.সি.শিং অসিনা মফমশিং অসিদা কেতালিস্ত অমা ওইনা মথৌ তৌহনবা য়াগনি অমসুং মখোয়না অনৌবা মেচিনশিং লৈবা য়ানবা অমসুং অনৌবা তেক্নোলোজী কয়া লৈদুনা লোকেল ইন্দস্ত্রীশিং অসিদা তঙাইফদবশিং পীনবগীদমক ঐখোয়না তি.সি.শিং অসিদা লোন পীনবা শেম শাদুনা লৈ। হায়রিবা তি.সি.শিং অসিগীদমক এক্সতেন্সন সেন্তরশিং অসিদা থবক শুরি। মহাক্না রাজ্য সরকারদা খুৎ লান্থোকপীনবা অমসুং অতোপ্পা পুথোক পুশিনগী মতেং পীবীদুনা এক্সতেন্সন সেন্তরশিং অসিদা মতেং পাংবীনবা হায়জখি। মফমশিং অসিদা লৈরিবা ইন্দস্ত্রীশিং অমসুং অনৌবা ইন্দস্ত্রীশিংদা তঙাইফদবশিং  এক্সতেন্সন সেন্তরশিং অসিনা পীবা ঙমগনি। হৌজিক লৈরিবা পোলিতেক্নিক, আই.তি.আই., ইঞ্জিনীয়রিং কোলেজশিংগী ইনফ্রাস্ত্রকচরশিং অসি নহাশিংবু স্কিল পীবীনবগীদমক শীজিন্নবা য়াগনি মসিগী মথক্তা ইন্দস্ত্রীশিং অসিগী মতেংসু লৌবা য়াই হায়না মহাক্না হায়খি।

শ্রী প্রতাপ চন্দ্র সরাঙ্গি, এম.এস.এম.ই. অমসুং এনিমেল হজবেন্দরী, দেরিয়িং অমসুং ফিসরিজগী রাজ্যগী মন্ত্রীনা ভিৱান্দি অমসুং রাজস্থানগী মীয়াম্বু তেক্নোলোজী সেন্তর অসিগীদমক হরাউবা ফোংদোকখি অমসুং মসিনা লমদম অসিদা চাউখৎ থৌরাং কয়া পুরক্নবগী মচাক অমা ওইরগনি হায়না থাজবা ফোংদোকখি। মহাক্না হায়খি মদুদি, লৈবাক অসিদা কোবিদ-১৯ লাইচৎনা মরম ওইদুনা হৌজিক শেল-থুমগী সমশ্যা অমা মাইওক্নরি অমসুং হায়রিবা সেন্তরশিং অসিনা পোত্থোক পুথোকপা, থবক ফংদবগী চাং হন্থহনবা অমসুং মীপান তাংদবা লৈবাক অমগী মংলান মংফাওনহনগদবনা মরুওইবা থমগদবনি। মহাক্না লৈবাক অসিদা লৈরিবা নহাশিংনা স্কিল হেনগৎহন্দুনা মশানা মশাবু ইন্দস্ত্রীশিংদা চঙবা ঙম্নবা অমসুং প্রধান মন্ত্রীনা লাউরিবা 'আত্মনির্ভর ভারত'কী খোলাউ অসিদা পাউখুম পীনবা হোৎনগদবনি হায়খি।

শ্রী এ.কে. শর্ম, সেক্রেতরী, এম.এস.এম.ই.না হায়খি মদুদি, লাক্কদৌরিবা তেক্নোলোজী সেন্তরশিং অসিনা এম.এস.এম.ই.গী ইন্দস্ত্রীশিংদা জেনরেল ইঞ্জিনীয়রিং, ওতোমোতিব, ফ্রেগ্রান্স অমসুং ফ্লেবর অমসুং ই.এস.দি.এম. সেক্তর মতেং পাংগনি অমসুং হায়রিবশিং অসিদা সি.এন.সি. মেচিন, ৩দি মেন্যুফেকচরিং/এদিক্তিব মেন্যুফেকচরিং, লেজর/অলত্রাসোনিক মেচিনিং, রোবোতিক্স অমসুং প্রোসেস ওতোমেসন, প্রিসিজন মিজর্মেন্ত/মেত্রোলোজী ইক্বিপমেন্ত, অনৌবা ইলেক্ত্রোনিক্স মেন্যুফেকচরিং ফেসিলিতীশিং, কেলিব্রেসন অমসুং ইলেক্ত্রোনিক সিস্তেম দিজাইন অমসুং মেন্যুফেকচরিংগী তেস্তিং ফেসিলিতীগুম্বা মলতিপল কত্তিং মেন্যুফেকচরিং তেক্নোলোজীশিং হাপকনি। এম.এস.এম.ই. মন্ত্রালয়না দিবেলপমেন্ত কম্মিস্নর (এম.এস.এম.ই.)গী মখাদা তেক্নোলোজী সেন্তর সিস্তেম প্রোগ্রামশিং অনৌবা তি.সি. ১৫দা অমসুং হান্নদগী লৈরবা তি.সি. ১৮ অপগ্রেদ তৌগনি।

শ্রী প্রসাদি লাল মীনা, ইন্দস্ত্রী অমসুং স্তেৎ ইন্তর্প্রাইজেস মন্ত্রী ভারত সরকার, শ্রী মহন্ত বালাকনাথ, পার্লিয়ামেন্তকী মেম্বর অমসুং শ্রী সন্দীপ য়াদব, লেজিস্লেতিব এসেমব্লীগী মেম্বরসু থৌরম অদুদা শরুক য়াখি।

*****