ঙসি নই দিল্লীদগী ভিদিও কনফরেন্সকী খুৎথাংদা কমুনিকেসন্স অমসুং ইলেকত্রোনিক্স অমসুং আই.তি অমসুং লো অমসুং জজতিসকী য়ুনিয়ন মিনিস্তর রবি সনকার প্রসাদনা অনৌবা বিহার বিধান মন্দল কম্পাউন্দদা অনৌবা তেলিফোন একচেঞ্জ অমা অমসুং ধনাপুর তেলিফোন একচেঞ্জদা ভারত এয়র ফাইবর সর্বিস হৌদোকখ্রে। থৌরম অদুদা বিহারগী দিপুতি চীফ মিনিস্তর সুসিল কুমার মোদী , বিহার লেজিসলেতিপ কাউন্সিলগী চেয়রমেন অৱাধেস নারাইন সিংহ অমসুং অতোপ্পা শক্নাইরবশিং শরুক য়াখি।

মসিগী অনৌবা তেলিফোন একচেঞ্জ অসিনা বিহার বিধান মন্দলগী অহেনবা দরকার ওইবা লাইনশিং ওপতিকেল ফাইবরদা শমদুনা ফংহনগনি। একচেঞ্জ অসিদা তেলিফোন লাইন ৫১২ অমসুং ব্রোদবেন্দ কন্নেক্সন ১২৮গী খুদোংচাবা লৈগনি। মসিগী একচেঞ্জ অসিনা অনৌবা অমসুং অরিবা বিধান মন্দল অমসুং অনৌবা সেক্রেতরিয়েদ ব্লোক এ, বি অমসুং সিদা খুদোংচাবা ফংহনগনি।

নৌনা থবক হৌরবা ভারত এয়রফাইবর অসিনা খুঙ্গংগী লমশিংদা ইন্তরনেত ফংহনগনি অমসুং ধনাপুর তেলিফোন একচেঞ্জদগী কিলোমিতর ৬ ফাওবগী মনুংদা লৈবা মফমশিং হায়বদি আর.কে পুরম, অনন্দপুর, ধনাপুর কৈথেল অমসুং ধনাপুর কেন্তোমেন্তদা লাইন  ফংহনগনি।

এফ.তি.তি.ঐচগী খুৎথাংদা শম্নবা ঙমদবা খুঙ্গংশিংদা মসিগী ৱায়র তিংদবা তেক্নোলোজি অসিনা লাইনা কন্নেক্সন ফংহনগনি। ভারত এয়রফাইবরনা লাইন্সেন্স য়াওদবা স্পেকত্রমদা থবক তৌরি, শীজিন্নবা লাইবা অমসুং হেন্না ফবা মখলনি।

ভারত এয়রফাইবরনা মসিগী সবস্ক্রিপসন থা অমদা লুপা ৩৪৯দগী হৌগনি অমসুং খুঙ্গংশিং অমসুং মনুং হুঞ্জিনবা মফমশিংদা লাইনা ইন্তরনেত ফংহনবা ঙমগনি।

তেলিকোম মিনিস্তর রবি সনকার প্রসাদনা হায়খি, প্রধান মন্ত্রী নরেন্দ্র মোদীনা শিংনবশিং অত্মানির্ভর ভারতকী খুদোংচাবশিং ওন্থোক্নবা পান্দম থমবগুম ঐগী পান্দমসু ভারতকী খুঙ্গংশিংদা খুদোংচাবশিং ফংহনবনি। কোবিদ-১৯ লাইচৎ মনুংদা দিজিতেল ইজুকেসন, দিজিতেল স্কিল পীবা অমসুং তেলি মেদিসিনগী চন্নফম মরাংকাইনা লৈরি অমসুং ভারতকী খুঙ্গংশিংদা ব্রোদবেন্দ শম্বনা য়াম্না চাউনা মতেং পাংগনি। নুমিৎ ১০০০দা খুঙ্গং লাখ ৬ কোনশিন্নবা পান্দম থমলিবা অদু ভারত এয়রফাইবরনা ঐখোয়দা মতেং পাংগনি।

থৌরম অদুদা তেলিকোম মিনিস্তরনা থা ৬গী মনুংদা বিহারদা অহেনবা এয়রফাইবর এন্তেনা ৫০ থম্লগনি হায়না লাউথোকখি।

বিহারগী দিপুতি চীফ মিনিস্তরনা হায়খি, রাজ্য অসিদা মোবাইল তৱার এ্ন্তেনাশিং থম্নবা অমসুং ও.এফ.সি কেবল ফুম্নবা বিহার সরকারনা হন্দক ‘রাইত ওফ ৱে’ নিয়মশিং চৎনহল্লে। হন্দক অনৌবা বি.এস.এন.এল এফ.তি.তি.ঐচ ব্রোদবেন্দ কন্নেক্সন ফংলে অমসুং মসি য়াম্না য়াংবদা ঐ অপেনবা পোকই।

বি.এস.এন.এলনা ওপ্তিকেল ফাইবর শম্নবা পায়খৎলিবা ভারত নেত প্রোজেক্কী মখাদা জম্মু অমসুং কাস্মির অমসুং লাদাখকী গ্রাম পঞ্চয়াদ ৩০০০ হেনবদা ব্রোদবেন্দ ফংহনখ্রে। হন্দক বি.এস.এন.এলনা লুপা করোর ১২২৪ চঙনা চেন্নাইদগী অন্দমান অমসুং নিকোর ইথৎশিং ফাওবা সমুদ্র মনুংদা পুবা ওপ্তিকেল ফাইবর কেবল থবক হৌখ্রে।  

বি.এস.এন.এলনা লক্সদ্বিব ইথৎশিং ফাওবা সমুদ্র মনুংদা ও.এফ.সি পুনবা থৌরাং তৌরে। ভারত সরকারনা লুপা করোর ১৪,০০০ রোমগী ফোর জি স্পেকত্রম বি.এস.এন.এলদা পীরে। লৈবাক শীনবা থুংনা ফোর জি থবক হৌনবা বি.এস.এন.এলনা অকনবা থবক পায়খৎলি অমসুং মসিনা ভারত সরকারগী মেক ইন ইন্দিয়াগী থবক ফগৎহনবদা মতেং পাংগনি।

*****