ଦେଶର କୋଭିଡ-19 ପରିଚାଳନାରେ ଅଧିକ ରୋଗୀ ସୁସ୍ଥ ହେବା ଏକ ଉଲ୍ଲେଖନୀୟ ସଫଳତା । ଅଧିକରୁ ଅଧିକ ରୋଗୀ ହସ୍ପିଟାଲ ଓ ଘରୋଇ ଏକାନ୍ତବାସରୁ ମୁକ୍ତ ହେଉଛନ୍ତି । ଜାତୀୟ ଚିକିତ୍ସା ମାନକ ନିୟମାବଳୀ ଯୋଗୁଁ ଆଜି ଏହି ସଫଳତା ମିଳିପାରିଛି । ଦେଶର ସ୍ୱାସ୍ଥ୍ୟ ଭିତ୍ତିଭୂମିର ସଂପ୍ରସାରଣ ଓ ନିୟମିତ ଘରୋଇ ଏକାନ୍ତବାସର ନିରୀକ୍ଷଣ ଯୋଗୁଁ ଏହା ସମ୍ଭବପର ହୋଇପାରିଛି ।

ଦେଶରେ ଆଜିସୁଦ୍ଧା 26 ଲକ୍ଷରୁ ଉର୍ଦ୍ଧ୍ଵ କରୋନା ସଂକ୍ରମିତ ସୁସ୍ଥ ହୋଇଛନ୍ତି । ସରକାରଙ୍କ ବ୍ୟାପକ ପରୀକ୍ଷା, ଚିହ୍ନଟିକରଣ ଓ ଦକ୍ଷ ଉପଚାର ଯୋଗୁଁ ଆଜି 26,48,998 ସଂକ୍ରମିତ ସୁସ୍ଥ ହେବା ସମ୍ଭବପର ହୋଇପାରିଛି ।

କେବଳ ଗତ 24 ଘଣ୍ଟା ମଧ୍ୟରେ 65,050 ରୋଗୀ ଆରୋଗ୍ୟ ଲାଭ କରିଛନ୍ତି । ଯେଉଁ ରାଜ୍ୟଗୁଡିକରେ ମୃତ୍ୟୁହାର ବୃଦ୍ଧି ପାଉଛି, କେନ୍ଦ୍ର ସରକାର ସେମାନଙ୍କ ସହ ନିରନ୍ତର ବିଚାର ବିମର୍ଶ ଜାରି ରଖିଛନ୍ତି । ନୂଆଦିଲ୍ଲୀସ୍ଥିତ ଏମ୍ସର ବିଶେଷଜ୍ଞମାନେ ଦେଶରେ ବିଭିନ୍ନ ସ୍ଥାନରେ ଆଇସିୟୁ ଦାୟିତ୍ଵରେ ଥିବା ଡାକ୍ତରମାନଙ୍କୁ ସପ୍ତାହର ପ୍ରତି ଗୁରୁବାର ଓ ଶୁକ୍ରବାର ଦିନ ଟେଲି ପରାମର୍ଶ ଦେଉଛନ୍ତି । ଏହାଫଳରେ ବିଭିନ୍ନ ରାଜ୍ୟ ଓ କେନ୍ଦ୍ରଶାଷିତ ଅଞ୍ଚଳରେ ଚିକିତ୍ସକମାନେ ବିଶେଷାଜ୍ଞମାନଙ୍କ ପରାମର୍ଶ ପାଇପାରୁଛନ୍ତି । ଉନ୍ନତ ଆମ୍ବୁଲାନ୍ସ ସେବା ଯୋଗୁଁ ରୋଗୀ ଠିକ ସମୟରେ ହସ୍ପିଟାଲ ପହଞ୍ଚିପାରୁଥିବା ବେଳେ ସମଯୋଚିତ ଦକ୍ଷ ଚିକିତ୍ସା ଯୋଗୁଁ ସୁସ୍ଥତା ହାର ବୃଦ୍ଧି ପାଇ ଆଜି ଏହି ସଂଖ୍ୟା 76.47 ପ୍ରତିଶତରେ ପହଞ୍ଚିପାରିଛି । ଏଥିସହିତ ମାମଲା ମୃତ୍ୟୁହାର (ସିଏଫଆର) ମଧ୍ୟ ବିଶ୍ଵର ଅନ୍ୟାନ୍ୟ ଦେଶ ତୁଳନାରେ ସର୍ବନିମ୍ନ ରହିଛି । ଏହା ନିୟମିତ ଭାବେ ହ୍ରାସ ପାଇ ବର୍ତ୍ତମାନ 1.81 ପ୍ରତିଶତରେ ରହିଛି ।

ଦେଶରେ ସୁସ୍ଥତା ହାରର ରେଖା ନିୟମିତ ଉର୍ଦ୍ଧ୍ଵମୁଖି ହେଉଥିବା ବେଳେ ମୃତ୍ୟୁହାର ମଧ୍ୟ ସେହି ଅନୁସାରେ ହ୍ରାସ ପାଉଛି । ସକ୍ରିୟ ସଂକ୍ରମିତଙ୍କ ସଂଖ୍ୟା (7,52,424) ରହିଥିବା ବେଳେ ଏହା ମୋଟ ସଂକ୍ରମିତ ରୋଗୀଙ୍କ ତୁଳନାରେ ମାତ୍ର 21.72 ପ୍ରତିଶତ ରହିଥିବା ଜଣାଯାଇଛି । ସେମାନେ ସକ୍ରିୟ ଚିମିତ୍ସାଧୀନ ଅଛନ୍ତି । ନୀରବଚ୍ଛିନ୍ନ ଭାବେ ଆରୋଗ୍ୟ ହାର ବୃଦ୍ଧି ପାଉଥିବାରୁ ସୁସ୍ଥ ରୋଗୀଙ୍କ ସଂଖ୍ୟା ସକ୍ରିୟ ରୋଗୀଙ୍କ ତୁଳନାରେ 19 ଲକ୍ଷରୁ ଅଧିକରେ ପହଞ୍ଚିଛି । 

ନିର୍ଦ୍ଦେଶାବଳୀ ଓ ପରାମର୍ଶ ପାଇଁ ଭିଜିଟ୍‌ କରନ୍ତୁ: https://www.mohfw.gov.in/ and @MoHFW_INDIA ।

କୋଭିଡ୍‌ ସଂକ୍ରାନ୍ତ ବୈଷୟିକ ପ୍ରଶ୍ନ ପଠାଇବା ପାଇଁ covid19[at]gov[dot]in ଏବଂ ଅନ୍ୟାନ୍ୟ ପ୍ରଶ୍ନ ncov2019[at]gov[dot]in and @CovidIndiaSeva ।

କୋଭିଡ-19 ସଂକ୍ରାନ୍ତ କୌଣସି ପ୍ରଶ୍ନ ମଧ୍ୟ ସ୍ୱାସ୍ଥ୍ୟ ଓ ପରିବାର ମନ୍ତ୍ରଣାଳୟର ହେଲ୍‌ପଲାଇନ ନଂ – +91-11-23978046 କିମ୍ବା 1075 (ନିଃଶୁଳ୍କ)କୁ ପଚରା ଯାଇପାରିବ ।

ରାଜ୍ୟଗୁଡିକର ହେଲ୍‌ପଲାଇନ ନଂ: https://www.mohfw.gov.in/pdf/ coronvavirushelplinenumber.pdfରେ ଉପଲବ୍ଧ ।

*********