হকশেল অমসুং য়াইফ-য়ুম্বাল মন্ত্রালয়
ভারতকী অপুনবা অনাবা ফগৎলকপা মশিং লাখ ২৬ হেল্লে
অনাবা ফগৎলকপগী চাং হেনগৎলকপা অসিদগী শিবগী চাং হন্থরক্লে
Posted On:
29 AUG 2020 4:10PM by PIB Imphal
ভারতনা কোবিদ-১৯ কেসশিং ফজনা লায়েংবদগী অনাবা ফগৎলকপা চাং হেনগৎলক্লে। অনাবা মশিং য়াম্না ফগৎলক্লে অমসুং হোস্পিতালশিংদগী দিসচার্জ তৌরে অমসুং ফিবম খর ফবা অনাবশিং য়ুমদা নাইতোম লৈরে। লৈবাক শীনবা থুংনা হোস্পিতালশিংদা “নেসনেল স্তেন্দার্দ ত্রিৎমেন্ত গ্রোতোগোল” ঙাক্না চৎপা অমসুং য়ুমদা লৈরিবা পোজিতিপ কেসশিং চাংনাইনা য়েংশিনবদগী অনাবা মশিং য়াম্না ফগৎলকপনি।
ঙসি ফাওবদা কোবিদ-১৯ অনাবা ফগৎলকপা মশিং লাখ ২৬ হেল্লে। তেস্ত তৌবা, খোঙ্গুল লিবা অমসুং লায়েংবগী অকনবা থবকশিং পায়খৎপা অমসুং য়ুমদা নাইতোম লৈরিবশিং ফজনা য়েংশিনবদগী অনাবা মীওই ২,৬৪৮,৯৯৮ ফগৎলকপা ঙম্বনি।
হৌখিবা পুং ২৪দা মীওই ৮৫,০৫০ অনাবা ফগৎলকখি। শিবগী চাং ৱাংবা রাজ্যশিংগা কেন্দ্রগা চাংনাইনা পাউ ফাওনরি। আই.সি.য়ুশিংদা হৈশিংবা দোক্তরশিং থম্নবা মিৎয়েং চঙলে। লৈবাকপোকপা অমসুং শগোলশেল নুমিৎ খুদিংগী এ.আই.আই.এম.এস নিউ দিল্লিনা মসিগী তেলি-কন্সলতেসনগী খুৎথাংদা রাজ্যশিং/য়ু.তিশিংগী দোক্তরশিংদা লায়েংবগী মতাংদা অহেনবা লৌশিং পীরি। এম্বুলেন্সকী থবক ফগৎহনবা, নন-ইভেসিপ ওক্সিজেন, স্তেরোইদশিং অমসুং এন্তি-কোগুলেন্তশিং শীজিন্নবদগী অনাবা ফগৎলকপগী চাং হৌজিক চাদা ৭৬.৪৭ য়ৌরে। মালেমগী ওইনা চাংদম্নবদা কেস ফেতালিতি রেত(সি এফ আর) অসি য়াম্না হন্থরে। মসি লেপ্তনা হন্থরক্লি অমসুং হৌজিক চাদা ১.৮১দা লৈরে।
ভারতকী অনাবা ফগৎলকপগী চাং হেনগৎলক্লি অমসুং শিবগী চাং হন্থরক্লি।
লৈবাক অসিগী অপুনবা এক্তিব কেস মশিং অসি ৭৫২,৪২৪নি অমসুং মসি অপুনবা পোজিতিপ কেসকী চাদা ২১.৭২ খক্তনি। মখোয়না মেদিকেলগী চেকশিন-থৌরাং মখাদা লৈরি। লেপ্তনা অনাবা ফগৎলকপদগী, অনাবা ফগৎলকপা মশিং অমসুং কোবিদ-১৯ কেসশিংগী মরক্তা লৈরিবা খেন্নবা অদু লাখ ১৯ রোম য়ৌরে।
কোবিদ-১৯গা মরী লৈনবা তেক্নিকেল ওইবা ৱাফমশিং, চৎন-কাংলোনশিং অমসুং চেকশিনৱাশিংগী অচুম্বা অমসুং অনৌবা পাউগীদমক চাংনাইনা https://www.mohfw.gov.in অমসুং @MoHFW_INDIA দা চংবীয়ু ।
কোবিদ-১৯গা মরী লৈনবা তেক্নিকেল ওইবা ৱাহংশিংগীদমক technicalquery.covid19[at]gov[dot]in দা ইমেল থাবা য়াই অমসুং অতোপ্পা ৱাহংশিংগী ওইনা ncov2019[at]gov[dot]in অমসুং ত্বুইতশিংগী ওইনা @CovidIndiaSeva শীজিন্নবা য়াগনি ।
কোবিদ-১৯গী মতাংদা ৱাহং অমা হেক্ত হংনিংবা লৈরবদি হেল্থ অমসুং ফেমিলি ৱেলফিয়ার মিনিস্ত্রিগী হেল্পলাইন নম্বর : +৯১-১১-২৩৯৭৮০৪৬ নৎত্রগা ১০৭৫(তোল ফ্রি)দা কোল তৌবীয়ু । কোবিদ-১৯গী মতাংদা রাজ্যশিং/য়ুতিশিংগী হেল্পলাইন নম্বরশিং https://www.mohfw.gov.in/pdf/coronvavirushelplinenumber.pdf দা ফংগনি ।
*****
(Release ID: 1649525)
Visitor Counter : 218