(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• হৌখিবা পুং ২৪দা তেস্ত লাখ ৯ হেন্না তৌদুনা ভারতনা করোর ৩.৯গী ময়াদা তেস্ত তৌরে
• অপুনবা ফগৎলকপা মশীং মিল্লিয়ন ২.৫ হেল্লে, হৌজিক নারিবা অমসুং ফখ্রবা অনিগী খেন্নবা লাখ ১৮ ময়া য়ৌরে
• ঙসি কোবিদ-১৯ অনাবশিংগী মরক্তা রিকোবরী রেৎ অসি চাদা ৭৬.২৪ য়ৌরে
• কেস ফেতেলিতী রেৎ মখা তানা চাদা ১.৮৩দা হন্থরক্লি
• এক্তিব কেস ৭,২৫,৯৯১ লৈদুনা অপুনবা পোজিতিব কেসকী চাদা ২১.৯৩ খক্তমক ওইরি
• কেবিনেৎ সেক্রেতরীনা কোবিদ কেস ফেতেলিতী ৱাংবা রাজ্য/য়ু.তি. ১০গী ফীভম য়েংশিনখ্রে
• মরুওইনা অৱাবা তারকপা মতমদা ভারত মালেমগী খ্বাইদগী থাজবা মরুপনি হায়বা লৈবাক অসিনা উৎলে: শ্রী পিয়ুস গোয়ল

হৌখিবা পুং ২৪দা তেস্ত লাখ ৯ হেন্না তৌদুনা ভারতনা করোর ৩.৯গী ময়াদা তেস্ত তৌরে; ভারতনা মাইলস্তোন অমগা লান্থোক্লে – অপুনবা ফগৎলকপা মশীং মিল্লিয়ন ২.৫ হেল্লে

ভারতকী খুজিন থৌরাং চুম্না চঙশিল্লিবা কোবিদ-১৯গী রেসপোন্স অমসুং মেনেজমেন্ত – “তেস্ত ত্রেক ত্রীত” থৌওং অসি চত্থদুনা ভারতকী অপুনবা তেস্ত মশীং ঙসি করোর ৩.৯গী ময়া য়ৌরে‍। লৈবাক শিনবা থুংনা হৌখিবা পুং ২৪দা তেস্ত ৯,২৪,৯৯৮ তৌখি‍। মসিনা অপুনবা তেস্ত মশীং ৩,৮৫,৭৬,৫১০ য়ৌহল্লে‍। অনা লায়েংশঙদগী অমদি হোম আইসোলেসন্দগী (মাইল্দ অমসুং মোদরেত কেসশিংগী) নাবা ফগৎলক্তুনা থাদোকখিবগী মশিং হেনগৎলকপনা ভারতকী অপুনবা কোবিদ-১৯দগী ফগৎলক্লবা মীশিং ঙসি মিল্লিয়ন ২.৫ হেল্লে‍। মীওং ২৫,২৩,৭৭১ নাবা ফগৎলকখিবা অসি কেন্দ্রনা লমজিংবা খুজিল থৌরাং অসি স্তেত/য়ু.তি. লৈঙাকশিংনা মওং চুম্না চৎনহন্দুনা চত্থরকপা থৌওং অসিনা ঙমহনবনি‍। হৌখিবা পুং ২৪দা কোবিদ নারমবা মীওই ৫৬,০১৩ ফখ্রে‍। ভারতকী কোবিদ নারমবা মীশিংগী মরক্তা ফগৎলকপগী চাং অসি চাদা ৭৬.২৪দা লৈরে‍। ভারত্তা হৌজিক নারিবা মীশিং (এক্তিব মেদিকেল কেয়র মখাদা লৈরিবা মীশিং ৭,২৫,৯৯১)দগী ফগৎখ্রবা মীশিংনা লাখ ১৮গী ময়া (১৭,৯৭,৭৮০) হেল্লে‍। অসুম্না লেপ্তনা মীশিং য়াম্না ফগৎলকপা অসিনা লৈবাকসিগী তশেং তশেংবা কেসলোদ হায়বদি এক্তিব কেস অসি অপুনবা পোজিতিব কেসকী চাদা ২১.৯৩ ওইরি‍। হৌজিক মসি মখা তানা তাথখিদুনা ঙসিদি চাদা ১.৮৩দা লৈরে‍। স্তেত/য়ু.তি. ১০দি ফগৎলকপগী চাং অসি লৈবাক্কী চাংচত্তগী হেন্না চৎলি‍। অপুনবা লেব মশিং লৈঙাক্কী সেক্তরদা লেব ৯৯৩ অমসুং লনাই লেব ৫৫৭ য়াওরগা হৌজিকফাওবদা ১৫৫০ য়ৌরে‍।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1648924

কেবিনেত সেক্রেতরীনা কোবিদ কেস ফেতেলিতী ৱাংবা রাজ্য/ য়ু.তি. ১০ য়েংশিনখ্রে; স্তেতনা কোবিদ ত্রান্সমিশন তৌবদগী মাংজৌননা থিংনবা অমসুং  শিবগী চাং অদু ১%গী মখাদা থম্নবা তকশিনখ্রে

কেবিনেত সেক্রেতরীনা ঙসি রাজ্য মাপল অমসুং য়ু.তি. অমগী চীফ সেক্রেতরীশিং অমসুং হেল্থ সেক্রেতরীশিংগা লোইননা ভীদিও কনফরেন্স (ভি.সি.) পাংথোকখ্রে। ভি.সি.দা শরুক য়ারিবা রাজ্যশিং/য়ু.তি. অদুদি মহারাস্ত্র, তামিল নাদু, কর্নাতকা, তেলঙ্গানা, গুজরাত, ৱেস্ত বেঙ্গাল, উত্তর প্রদেশ, পঞ্জাব, অন্ধ্র প্রদেশ অমসুং জম্মু অমসুং কশ্মীরনি। হায়রিবা রাজ্যশিং/য়ু.তি.দা কোবিদ-১৯গী হৌজিক ওইরিবা ফিভমগী মতাংদা মচা খায়না প্রেজেন্তেশন অমা উৎখি। জিলাশিংদা কেস ফেতেলিতী অদু ১%গী মখাদা হন্থহন্নবা মাংজৌননা খোংথাংশিং লৌখৎনবা রাজ্যশিং/য়ু.তি.দা পাউতাক পীরকখ্রে, হায়রিবশিং অসিগীদমক্তা মখোয়না মরু ওইবা মিৎয়েং থমগদনি

অকুপ্পা ৱারোলগীদমক: https://pib.gov.in/PressReleseDetail.aspx?PRID=1648979

মরুওইনা অৱাবা তারকপা মতমদা ভারত মালেমগী খ্বাইদগী থাজবা মরুপনি হায়বা লৈবাক অসিনা উৎলে: শ্রী পিয়ুস গোয়ল

কমর্স অমসুং ইন্দস্ত্রিগী মিনিস্তর শ্রী পিয়ুস গোয়ালনা ঙসি হায়খি মদুদি সি অহুম হায়বদি কোওপরেসন, কোল্লাবোরেসন অমসুং কমিতমেন্তনা ভারত অমসুং অসিয়ান লৈবাকশিংগী মরক্তা মরুপ-মপাং ওইবগী অচেৎপা মরী লমজিংগনি। ভর্চুএল ওইনা পাংথোকপা অসিয়ান-ইন্দিয়া বিজিনেস কাউন্সিলগী মীফমদা শ্রী গোয়ালনা হায়খি কোবিদ-১৯ লাইচৎনা মরুওইনা অৱাবা তারকপা মতমদা ভারত মালেমগী খ্বাইদগী থাজবা মরুপনি হায়বা উৎনবগী খুদোংচাবা অমা ফংলে। অসিয়ান লৈবাকশিং অসি ভারতকী মরুওইবা মরুপশিংনি অমসুং চাউখৎ-থৌরাংগী মরুপশিংনি। শ্রী গোয়ালনা হায়খি লাইচৎ অসি হৌরকপা মতমদা, কোবিদ-১৯ থেংনবদা দরকার ওইবশিং ফংনবা ভারতনা মালেমগী লৈবাকশিংদা মতেং লৌখি, অদুবু কান্নবা কয়া ফংখিদে, লৈবাক খুদিংমক মখোয় মশাগী ওক্নবা পৈশিন্দুনা থম্নখি। অদুবু ভারতনা হিদাক-লাংথকশিং পীখি অমসুং মালেমগী ফার্মাসি ওইনা থবক তৌখি। ঐখোয়না মালেমগী লৈবাক ১৫০দা হিদাক-লাংথকশিং পীখি। মরুওইনা লায়রবা লৈবাকশিংদা হিদাক-লাংথকশিং ফংহনখি। মসিনা ভারত অসি অৱাবা খঙবা, চানরবা মরুপ অমনি অমসুং অশেংবা মরুপ অমনি হায়বা উৎলে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1648949

ঙাকশেল মন্ত্রী শ্রী রাজনাথ সিংহনা এন.সি.সি. ত্রেনিং মোবাইল এপ লোঞ্চ তৌখ্রে

ঙাকশেল মন্ত্রী শ্রী রাজনাথ সিংহনা ঙসি মফম অসিদা দাইরেক্তোরেৎ জেনেরেল নেস্নেল কেদেৎ কোর্পস (দি.জি.এন.সি.সি.)গী ত্রেনিং মোবাইল এপ লোঞ্চ তৌখ্রে। এপ অসিনা এন.সি.সি. কেদেৎশিংগী লৈবাক শিনবা থুংনা ওনলাইনগী ত্রেনিং পীবদা তেংবাংগনি। ঙাকশেল মন্ত্রীনা এন.সি.সি.গী কেদেৎশিংদা ৱা ঙাংখিবদা মহাক্না এপ অসিনা মখোয়না দিজিতেলগী খুত্থাংদা অনৌবা তম্বদা য়াম্না তেংবাংগনি অমসুং কোবিদ-১৯না মরম ওইদুনা শোক্ন-শম্নবগী মরমদা অথিংবা থম্লিবা অসিবুসু তুংদা থম্বা ঙম্লগনি হায়খ্রে। করিগুম্বা মীওই অমনা অনিংবা অমসুং থাজবা অমগা লোয়ননা মাং থাদুনা চৎলবদি মীওই অদুনা অয়েৎপা খুদিংমক মাইথিবা পীদুনা শোইদনা মাই পাক্কনি হায়খি। এন.সি.সি.গী কেদেৎ লাখ ১ হেনবনা থৌওং কয়া চত্থদুনা ফ্রন্তলাইন্দা লৈরীবা কোরোনাগী লান্মীশিংদা তেংবাংখিবগীদমক্তা শ্রী রাজনাথ সিংহনা মখোয়বু থাগৎপা ফোঙদোকখি। দি.জি.এন.সি.সি. মোবাইল ত্রেনিং এপ অসিনা এন.সি.সি.গী অপুনবা ত্রেনিং মেতরিএল (সিলেবস, প্রেসি, ত্রেনিং ভিদিও অমসুং তোয়না হংবা ৱাহংশিং) অসি প্লেৎফোর্ম অমদা ফংহন্নবা পান্দম থম্লি। এপ অসি শিজিন্নবা নুংঙাইহন্নবা মসিদা ৱাহং হংবগী ওপসন অমসু য়াওরি। মসিগী ওপসন অসি শিজিন্নদুনা কেদেৎ অমনা ত্রেনিং সিলেবসকা মরী লৈনবা ৱাহং হংবা য়াগনি অমসুং মতিক চারবা ইন্সত্রক্তরশিংগী পেনেল অমনা মসিগী পাউখুম পীগনি।

অকুপ্পা ৱারোলগীদমক : https://pib.gov.in/PressReleseDetail.aspx?PRID=1648903

আর্ম ফোর্সেস ত্রাইব্যুনেলগী প্রিন্সিপাল বেঞ্চনা রিজনেল বেঞ্চকা মরী লৈনবা হীরমশিংগী হিয়রিং ভিদিও কন্ফরেন্সিংগী খুত্থাঙদা হৌরে

আর্ম ফোর্সেস ত্রাইব্যুনেল (এ.এফ.তি.) চেয়রপর্সন জস্তিস রাজেন্দ্র মেনোননা আর্ম ফোর্সেস ত্রাইব্যুনেলগী রিজনেল বেঞ্চ তরামক্কী হিয়রিং ভিদিও কন্ফরেন্সিংগী খুত্থাঙদা মফমসিদা ঙরাং হৌদোকখ্রে‍। আর্ম ফোর্সেস ত্রাইব্যুনেলগী প্রিন্সিপাল বেঞ্চ অসি জুন ৮, ২০২০দগী হৌরগা হৌজিকফাওবা ফিজিকেল হিয়রিং পাঙথোক্তুনা লাক্লিবা অমত্তা ঙায়রবা ৱায়েলশঙনি। মফম লাপ্না লৈখিবা অমদি অতৈ অতোপ্পা সিক্যুরিতীগী ওইবা মরমশিংনা থবক্তগী পোত্থাখ্রবা অমদি হৌজিক হৌজিক থবক তৌরিবা আর্ম ফোর্সেস পর্সোনেলশিংনা থেংনরিবা খুদোংচাদবা ফীভমশিংগী য়েংদুনা প্রিন্সিপাল বেঞ্চ অদুদা ফিজিকেল হিয়রিং চত্থদুনা লাকপনি‍। রিজনেল বেঞ্চশিংগী অথুবা এপ্লিকেসনশিং প্রিন্সিপাল বেঞ্চতা হিয়রিং চত্থজরবসু, রিজনেল বেঞ্চশিংদসু অতৈ ৱাফমশিংগী ৱায়েল চত্থনবা থৌশিল অমা য়াৎপগী তঙাইফদবা লৈখি‍। ভিদিও কন্ফরেন্সিংদা ৱায়েল চত্থবগী থৌরাং অসিগা লোয়ননা তোঙান তোঙানবা রিজনেল বেঞ্চশিংদা অচুমবা ৱায়েলগীদমক মখোয়গী এপ্লিকেসনশিং ঙাইদুনা লৈরিবা আর্ম ফোর্সেস পর্সোনেলশিংদা চাউনা কান্নবা পুরক্লে‍। মেম্বর জুদিসিএল জস্তিস মোহম্মদ তাহির অমসুং মেম্বর এদমিনিস্ত্রেসন ভাইস এদমিরেল পি মুরুকেসন (রিতাইয়র্দ) অমদি লেফ্তনেন্ত জেনেরেল সি.এ. কৃষ্ণন (রিতাইয়র্দ)না রিজনেল বেঞ্চশিংগী এপ্লিকেসনশিং ভিদিও কন্ফরেন্সিংগগী খুত্থাঙদা হিয়রিং চত্থগনি‍।

অকুপ্পা ৱারোলগীদমক : https://pib.gov.in/PressReleseDetail.aspx?PRID=1648761

উপ-রাস্ত্রপতিনা নহাশিংগী মরক্তা ওন্তোপ্রিনরেল তেলেন্ত য়োকখৎনবা ৱাফম থমখ্রে

ভারতকী উপ-রাস্ত্রপতি শ্রী এম. বেঙ্কয়া নাইদুনা লাক্কদৌরিবা মতমশিং অসিদা ভারতপু আত্মানির্ভর ওইহন্নবা নহাশিংদা ওন্তোপ্রিনরেল তেলেন্তশিং য়োকখৎনবা হায়খ্রে। মহাক্না ঐখোয়না লৈবাক মীয়াম পুম্বগী মীওইশিংগী ওন্তোপ্রিনরেল তেলেন্তশিং অমসুং তেক্নোলোজীদা লৈরিবা হৈ-শিংবশিং অসি শিজিন্নদুনা ঐখোয়গী লৈজরিবা রিসোর্সশিং অসিগী মতেংনা মীওইবা খুন্নাইবু তেংবাংগদবনি হায়খি। অচার্য় বিনোবা ভাবেনা গান্ধীজিগী ৱাখল্লোনবু খুন্নাই চাউখৎনবদা তেংবাংখিবা অমসুং ভুদান ইহৌ হৌদোকখিবগী মতাংদা পাঙথোকপা ৱেবিনার অমদা মহাক্না ৱা ঙাংখিবনি। বিনোবাজি অমসুং গান্ধীজিনা মঙলম্বা সশাক্তা ভারত, স্বাভিমান ভারত অমসুং আত্মানির্ভর ভারত অমা শেম্বগী মতাংদা ৱা হৌদোক্লদুনা উপ-রাস্ত্রপতিনা হায়খিবদা ভারতকী মরোমদোম লেপচবা হায়রিবা ৱাখল্লোন অসি ঐখোয়গী লৈবাক্কী খক্তা খনবা নত্তে অদুবু মালেমগী য়াইফ য়ুম্বালগীদমক্তা মরু ওইবা খোঙলোই অমা ওইবা ঙম্নবনি হায়খি। কোবিদ-১৯গী হকশেলগী তঙাইফদবশিং লৈরিবা অসিগী মরক্তা অমসুং হৌজিক ওইরিবা লুরবা তাঞ্জা অসিদা ঐখোয়না অমত্তা ওইনা পুন্দুনা ভাইরস শন্দোকপা থিংমিন্নবতা নত্তনা লোকদাউন্না শোকহল্লবা মীওইশিংসু গান্ধীগী ৱাখল্লোনগী তুং ইন্দুনা তেংবাংগদবনি।

অকুপ্পা ৱারোলগীদমক : https://pib.gov.in/PressReleseDetail.aspx?PRID=1648907

পি.আই.বি. ফিল্দ ওফিসশিংদগী ফংবা পাউ

· চান্দিগর: য়ু.তি. চান্দিগরগী এদমিনিস্ত্রতরনা দাইরেক্তর, পি.জি.আই.ই.এম.আর.দা করিগুম্বা নেহরু হোসপিতাল এক্সতেন্সনদা মাইল্দ অমসুং স্তেবল কেসশিং লৈরবদি, ক্রিতিকেল পেসেন্তশিংখক্তগীদমক্তা লেমহৌরিবা বেদশিং অদু রিজার্ব তৌদুনা লৈনবা মখোয়শিং অদুবু অতোপ্পা মফমশিংদা শিফ তৌবা য়াগনি হায়না পাউতাক পীরকখ্রে।

· পঞ্জাব: কোবিদকী লাইচৎ অমসুং মসিনা মতুং ইন্না তৌখিবা লোকদাউন অদুনা মরম ওইরগা রাজ্য সরকারনা মাংখিবা য়াম্লবা রেভেন্যু অদু পল্লদুনা, মুক্য মন্ত্রী, কেপ্তেন অমরিন্দর সিংনা লুচিংবা পঞ্জাব কেবিনেতনা অসিগূম্বা চিরবা মতম অসিদা রাজ্য অসিবু মতেং পাংনবা ভারত সরকারদগী মতিক চাবা কমপেন্সেশন পীবীরক্নবা হায়খ্রে।

· কেরলা: রাজ্য সরকারনা মীয়াম তিনবা মফম শিংদা মী কা হেন্না কুংশিন্দনবা ওনম ফেস্তিভল সিজন লাকপসিদা অখন্নবা ইন্সতরক্সনশিং থোকখ্রে। ওর্দর অসিনা মীয়াম তিনবা মফমশিংদা কুম্হৈ অসি পাংথোকপা অমসুং মীয়াম তিনবা ‘ওনম ফীস্ত’কী থরমশিং য়াম্না কন্না থিংঙি। মরক অসিদা ঙসি নুংথিল ফাওবদা রাজ্য অসিদা কোবিনা মরম ওইরগা মরি শিখিবগী পাউ লৈখি, মসিনা রাজ্য অসিদা পুন্না শিয়গী মশিং ৩০১ শুখ্রে। কেরলানা নোংমগী ওইবা কোবিদ-১৯গী অনৌবা ইনফেক্সনশিংগীদমক্তা ওইবা রেকোর্দ অদু ঙরাং কেস ২,৪৭৬ লৈদুনা কাইখ্রে।রাজ্য অসিদা এক্তিব কেস ২২,৩৪৪ অমসুং মীওই ১,৮৯,৭৮১ ওবজার্ভেশন্দা লৈরি।

· তামিল নাদু: হৌখিবা পুং ২৪দা পুদুচেরীদা কোবিদ-১৯গী কেস ৫১১ অমসুং ১০ শিখিবগী পাউ লৈখি, মসিনা শগোলশেল নুমিত্তা অপুনবা কেস মশিং ১২,৪৩৪, এক্তিব কেসকী মশিং ৪,৪৮৩ অমসুং শিবগী মশিং অদু ১৯০ য়ৌহনখি। কোবিদ-১৯ পোজিতিব ওইরবা মীওই চাউরাক্না ২,৩৫৬ হোম আইসোলেশন তৌদুনা লৈরি অদুগা ২,১২৭না হোসপিতালশিং এদমিত তৌদুনা লৈরি।

· কর্নাতকা: কর্নাতকানা ভাইরস অসিগা লান্থেংনরিঙৈসিদা ফাওবা একোনোমিক এক্তিভিতীশিং কয়া অমা হাংদোকখ্রে অমসুং লাইচৎ অসিগী মনুংদা বেঙ্গলুরু অসিনা ভারত্তা খ্বাইদগী হেন্না ওপন ওইবা সিতীনি হায়না মেদিকেল এজুকেশন মিনিস্তরনা হায়খি। হাই কোর্তনা রাজ্য সরকারদা নন-হেল্থ ফ্রন্তলাইন ৱার্করশিংদা রিলীফ হেনগত্তবগী মরম পীনবা হায়খ্রে। কর্নাতকানা হৌজিক ফাওবদা রাজ্য অসিদা লৈবা লেব ১০৮তা তেস্ত ২৫,৮০,৬২১ তৌখ্রে। ঙরাং কেস ৮,৫৮০ থেংনখি অমসুং ৭,২৪৯ ফখিবগী পাউ লৈখি, মসিগী মনুংদা অনৌবা কেস ৩,২৮৪দি বেঙ্গলুরুদগীনি। রাজ্য অসিগী ফগৎলকপগী চাং অসি ৭০.৪৭%দা লৈ।

· অন্ধ্র প্রদেশ: রাজ্য সরকারনা রাজ্য অসিদা কোবিদ-১৯ তেস্ত তৌবগী মমল হন্থহন্দুনা  য়াম্না মরু ওইবা ৱারেপ লৌখি। হেল্থ দিপার্তমেন্তনা মসিগীদমক্তা ওর্দরশিং থোকখি। হৌজিক ফাওবদা তেস্তিং লেবশিংদা সরকারগী হোসপিতালশিংনা থাখিবা সেমপলশিং অদুগী মমল অদু লুপা ২৪০০ ওইখি অদুবু হৌজিক্তি লুপা ১৬০০ ওইরগনি, অদুগা লনাইগী হোসপিতালশিংনা থাবা সেমপলশিংগী তেস্ত তৌবগী লুপা ২৯০০ লৌখিবা অদু হৌজিক্তগী লুপা ১৯০০ ওইনা লৌরগনি। খ্বাইদগী নৌবা সরকারগী বুলেতিনগী মতুং ইন্না রাজ্য অসিদা কোরোনা ভাইরস ইনফেক্সন পোজিতিভিতী রেত অদু চাদা ৮.৫৯ ওইবা লৈবাক অসিগী চাংচৎ অদুগী মায়োক্তা চাদা ১১.১৯দা ৱাংখৎখ্রে।

· তেলঙ্গানা: হৌখিবা পুং ২৪দা অনৌবা কেস ২৭৯৫ লৈখি, ৮৭২ ফগৎখি অমসুং ০৮ শিখিবগী পাউ লৈখি; কেস ২৭৯৫কী মনুংদা কেস ৪৪৯দি জি.ঐচ.এম.সি.দগী থেংনখি। অপুনবা কেসশিং: ১,১৪,৪৮৩; এক্তিব কেসশিং: ২৭,৬০০; শিখিবশিং: ৭৮৮; দিসচার্জ তৌখিবশিং: ৮৬,০৯৫। তেলঙ্গানাদা ওগস্ত খক্তদা কোবিদ-১৯গী কেস চাউরাক্না ৫০,০০০ ওইবগী থাজবা লৈ। য়ুনিয়ন এগ্রিকলচরেল মনিস্ত্রীনা রাজ্য অসিনা এগ্রিকলচরগী লমদা লৌখৎখিবা অনৌবা খোথাংশিং  মরু ওইনা  “রাইতু বন্ধু” স্কীম অমসুং ফার্মরস কোরদিনিশন কমিতীশিংগীদমক্তা থাগৎখি।

· অরুনাচল প্রদেশ: অরুনাচল প্রদেশতা য়ুমশকৈশা নুমিত্তা কোবিদ-১৯গীদমক্তা তেসত তৌবদা মীওই ১৪৩ অমুক পোজিতিব ঔইখি, ৯৮৭ এক্তিব ওইরি অমসুং ফগৎলকপগী চাং অসি ৭২%নি।

· অসাম: অসামদদা য়ুমশকৈশা নুমিত্তা কোবিদ-১৯গীদমক্তা তেস্ত তৌবদা মীওই ২১৭৯ পোজিতিব ওইখি অদুগা মীওই ২১৪৮না ফখি, অপুনবা কেসশিংগী মশিং অদু ৯৬৭৭১দা হেগৎখি, এক্তিব কেসনা ১৯৫৩২, ফখিবশিংগী অপুনবা মশিং অদু ৭৬৯৬২ অমসুং শিখিবশিংনা ২৭৪নি।

· মনিপুর: মনিপুরদা কোবিদ-১৯গীদমক্তা তেস্ত তৌবদা মীওই ১৪১ অমুক পোজিতিব ওইবা থেংনখি অমসুং ১৭ ফখি, এক্তিবনা ১৭৩১ অমসুং ফগৎলকপগী চাং অসি ৬৮% নি।

· মিজোরাম: মিজোরামদা ঙসি ভিলেজ কা্ন্সিল ৫০০গী মথক্কী অমসুং লোকল কাউন্সিল ৭০গী মথক্কী পোলিং পাংথোকখি। মিজোরামদা কোবিদ-১৯গী মশিং অদু ৯৭৪দা হেগৎখ্রে। অপুনবা এক্তিব কেসশিংগী মশিং অদু ৪৯৯দা য়ৌখ্রে।

· নাগালেন্দ: নাগালেন্দদা অনৌবা কোবিদ-১৯গী পোজিতিব কেস থেংনবদগী কোহিমাদা মফম তরেত সীল তৌখ্রে। য়ুমশকৈশা নুমিত্তা এস.বি.আই.না ঐচ. & এফ.দবল্যু দিপার্তমেন্ত অমসুং নাগালেন্দ পুলিস দিপার্তমেন্ত, মখোয় অনিমক্তা ভেন্তিলেতর ৩ দোনেত তৌখি। মমাংদা এস.বি.আই.না রাজ্য সরকারদা পি.পি.ই.কিত ৫০০ দোনেত তৌখি।

· সিক্কিম: সিক্কিমদা, কোবিদ-১৯গীদমক্তা তেস্ত তৌবদা মীওই ৫৬ অমুক পোজিতিব ওইখি, এক্তিব ৩৮৮ অমসুং ১১৫১ দিসচার্জ তৌখি।

· মহারাস্ত্র: রাজ্য অসিনা য়ুমশকৈশা নুমিত্তা কেস মশিং লাখ ৭.১৮ হেন্দুনা য়াম্লবা অনৌবা কোবিদ ইফেক্সন ১৪,৮৮৮ থেংনখি। রাজ্য অসিদা এক্তিব কেসশিংগী মশিং অদু লাখ ১.৭২দা হেগৎখ্রে। স্তেত কেপিতল মুম্বাইদা নুমিৎ কয়া কান্নরবা মতুংদা য়াম্লবা কেস ১,৮৫৪ থেংনখি।

· গুজরাত: হৌখিবা পুং ২৪গী মনুংদা অনৌবা কোবিদ-১৯গী কেস ১১৯৭ থেংনকি, মসিনা রাজ্য অসিগী কোবিদ ইনফেক্সনগী মশিং অদু লিশিং ৯০ হেলহনখ্রে। সুরত্তগী য়াম্লবা অনৌবা কেস ১৬৮ থেংনখি। এ্মদাবাদ সিতীদা কেস ১৪৪ থেংনখি, অদুগা বদোদরা সিতীদা কেস ৯০ থেংনখি। গুজরাত্তা ফগৎলকপগী চাং অসি চাদা ৮০.২২ নি। এক্তিব কেসশিংগী মশিংনা ১৪,৮৮৪ নি।

· রাজস্থান: রাজস্থান্দা লাই খুরুমফমশিং অদু সেপ্তেম্বর ৭তগী মীয়ামগীদমক্তা হাংদোক্লগনি। মসি চৎনহন্নবগী ৱারেপ অসি মুখ্য মন্ত্রী, অশোক গেহলোতনা সভাপতি ওইদুনা পাংথোকখিবা রিভ্যু তৌবগী মীফম অমদা লৌখিবনি। সোসিয়েল দিসতেন্সিংগী নোর্মশিং ঙাক্না চৎকদবনি অমসুং ধর্মগী ওইবা মফমশিংদা মতম মতমগী মতুং ইন্না সেনিতাইজ তৌগনি। রাজ্য অসিদা এক্তিব কেস ১৪,৬৪৬ লৈরি।

· ছত্তিসগর: ছত্তিসগর সরকারনা ঙসি ইন্তর-স্তেত পব্লিক ত্রানসপোর্তকা লোইননা ওল ইন্দিয়া তুরিস্ত পার্মিতকী মখাদা লৈবা গারীশিং মথৌ তৌবা অমুক হৌখ্রে। ত্রান্সপোর্ত দিপার্তমেন্তনা বসশিং অদুবু অকক্নবা মফমশিং কক্তমক লেপ্নবগী অকুপ্পা গাইদলাইনশিং থোকখ্রে।

· গোৱা: য়ুমশকৈশা নুমিত্তা গোৱাদা থেংনখিবা কোবিদ কেসশিংগী অপুনবা মশিং অদু লিশিং ১৫গী থাক অদু লানখ্রে, মসিনা গোৱাবু অপুনবা মীশিংগী চাদা ১ তমথিরবা ইনফেক্সন অসি লৌনখিবগী কনফার্ম তৌরবা ভারতকী অহানবা রাজ্য ওইহনখি। রাজ্য অসি এপ্রিল অমসুং মেগী মনুংদা কোবিদ-ফ্রী ওইরম্বনা, গোৱাগী কেস ১৫,০২৭দি লোকদাউন মতুংদা জুন – ওগস্তকী মরক্তা থেংনখি।

******