হকশেল অমসুং য়াইফ-য়ুম্বাল মন্ত্রালয়
স্তেতনা কোবিদ ত্রান্সমিশন তৌবদগী মাংজৌননা থিংনবা অমসুং শিবগী চাং অদু ১%গী মখাদা থম্নবা তকশিনখ্রে
কেবিনেত সেক্রেতরীনা কোবিদ কেস ফেতেলিতী য়াম্না ৱাংবা রাজ্য/ য়ু.তি. ১০ য়েংশিনখ্রে
Posted On:
27 AUG 2020 6:05PM by PIB Imphal
কেবিনেত সেক্রেতরীনা ঙসি পুং ১০৩০দা রাজ্য মাপল অমসুং য়ু.তি. অমগী চীফ সেক্রেতরীশিং অমসুং হেল্থ সেক্রেতরীশিংগা লোইননা ভীদিও কনফরেন্স (ভি.সি.) পাংথোকখ্রে। ভি.সি.দা শরুক য়ারিবা রাজ্যশিং/য়ু.তি. অদুদি মহারাস্ত্র, তামিল নাদু, কর্নাতকা, তেলঙ্গানা, গুজরাত, ৱেস্ত বেঙ্গাল, উত্তর প্রদেশ, পঞ্জাব, অন্ধ্র প্রদেশ অমসুং জম্মু অমসুং কাশমিরগা লোইননা য়ুনিয়ন হেল্থ সেকজ্রেতরী, দি.জি. আই.সি.এম.আর অমসুং মেম্বর (হেল্থ), নিতি আয়োগ। ভি.সি.অদু হায়রিবা রাজ্যশিং/য়ু.তি.দা কোবিদ মেনেজমেন্ত অমসুং রেসপোন্স স্তরেতেজী মতাংদা য়েংশিন্নবা অমসুং খন্না-নৈননবা পাংথোকখিবনি।
য়ুনিয়ন হেল্থ সেক্রেতরীনা হায়রিবা রাজ্যশিং/য়ু.তি.দা কোবিদ-১৯গী হৌজিক ওইরিবা ফিভমগী মতাংদা মচা খায়না প্রেজেন্তেশন অমা উৎখি, লোইনা-লোইনননা কেস ফেতেলিতী য়াম্না ৱাংনা লৈবা জিলাশিংদা মরু ওইবা মিৎয়েং থমদুনা অমসুং তেস্তিং, কনতেক্ত ত্রেসিং, সর্ভিলেন্স, কনতেনমেন্ত, হোম আইসোলেশন, এম্বুলেন্সশিং ফংবগী চাং, হোসপিতাল বেদশিং, ওক্সিজেন, ত্রীতমেন্ত প্রোতোকোলশিং অসিনচিংবশিং অসিগা মরী লৈননা এপ্রোচ অমসুং স্ত্রেতেজীশিং রিফাইন তৌবগা লোইননা কনখৎহনবগী মথৌ তাবা অদুসু উৎখি। হৌখিবা চয়োল অনিদা লৈবাক অসিদা শিখিবগী অপুনবা মশিং অদুগী মনুংদা শিখিবশিং অদুগী ৮৯%দি হায়রিবা রাজ্য/য়ু.তি. ১০ অসিদা লৈ হায়বসি উবা ফংখি অমসুং মরম অদুনা মসিগী রাজ্যশিং/য়ু.তি.না ইনফেক্সন শন্দোরকপা থিংনবা লেপ্তনা অমসুং য়াম্না কন্না চেকশিনবগা লোইন-লোইননা শিবগী চাং হন্থহন্নবা খোংথাংশিং লৌখৎপা মথৌ তাই।
জিলাশিংদা কেস ফেতেলিতী অদু ১%গী মখাদা হন্থহন্নবা মাংজৌননা খোংথাংশিং লৌখৎনবা রাজ্যশিং/য়ু.তি.দা পাউতাক পীরকখ্রে, হায়রিবশিং অসিগীদমক্তা মখোয়না মরু ওইবা মিৎয়েং থমগদবশিং অদুদি:
- ইফেক্তিব কন্তেনমেন্ত, কনত্রেক্ত ত্রেসিং অমসুং সর্ভিলেন্স
- অনৌবা পোজিতিব কেসশিংগী য়ামদ্রবদা ৮০%গী য়াম্না নক্নবা কনতেক্তশিং অদু পুং ৭২গী মনুংদা শোইদনা ত্রেস তৌগদবনি অমসুং তেস্ত তৌগদবনি
- জিলা খুদিংমক্তা নোংমদা য়ামদ্রবদা মিলিয়ন অমদা তেস্ত ১৪০ শোইদনা তৌগদবনি অদুগা <৫%গী পোজিতিভিতী/ কনফর্মেশনদা তার্গেত থমগদবনি
- কন্তেনমেন্ত জোনশিং/ হেল্থকেয়র সেত্তিংশিংদা এন্তিজেন তেস্তশিং শিজিন্নবা অমসুং সীম্তোমেতিক নেগেতিবশিং পুম্নমক আর.তি.-পি.সি.আর.না অমুক হন্না তেস্ত তৌবা
- হোম আইসোলেশন পেসেন্তশিং তোইনা য়েংশিনবা (তেলি-কোলিং অমসুং য়ুমদা চৎতুনা) অমসুং এস.পি.ও.২গী থাক অদু অকক্নবা থাক অদুগী মখাদা লান্থরবদি হেল্থকেয়র ফেসিলিতীদা মতম চানা এদমিশন তৌবা
- এম্বুলেন্স রেসপোন্স তাইম হন্থহনবগা লোইননা কোবিদ ফেসিলিতীশিংদা লৈরিবা বেদশিং অমসুং এম্বুলেন্সশিংকী মতাংদা পব্লিক দোমেনদা হাপকৎপা
- কেস খুদিংমক্তা ক্লিনিকেল মেনেজমেন্ত মতিক চানা তৌদুনা পুন্সি কনবা
- শোল্লবা পেসেন্তশিং (কোমোরবিদ, পেসেন্তশিং > চহি ৬০)দা মরু ওইবা মিৎয়েং থম্বগা লোইননা হেল্থ ফেসিলিতী খুদিংমক্তা চয়োল খুদিংগী ওইবা শিবগী চাং য়েংশিনবা
- কেস লোদকী মতুং ইন্না কোবিদকীদমক্তা ওইবা ফেসিলিতীশিং অপগ্রেদ তৌবা
- ফেসিলিতীশিংদা তঙাইফদনা চংবা দ্রগশিং, মাস্কশিং অমসুং পি.পি.ই. কিতশিংগী লৈবগী চাং অমসুং শিজিন্নবগী মতাংদা য়েংশিনবা
- সোসিয়েল দিস্তেন্সিং, মাস্কশিং উপ্পা, হেন্দ হাইজিন, লোক খুবগী মওংশিং অসিনচিংবা য়াওবা কোবিদকা চুনবা শাজৎ প্রোমোত তৌদুনা য়িহেব্যরেল চেঞ্জ কম্যুনিকেশনদা মীৎয়েং থম্বা
চীফ সেক্রেতরীশিংনা রাজ্যশিং/য়ু.তি.দা হৌজিক লৈরিবা ফিভম অমসুং কোবিদ-১৯ শন্দোরকপা থিংনবা মখৌয়না কদাই ফাওবা শেম-শাবা, শিংনবা অসিবু মায়োক্ননবা লৈরিবা হেল্থ ইনফ্রসত্রকচর অমসুং মখাতানা মপাঙ্গল কনখৎহন্নবা পাইখৎখিবা খোংথাংশিংগী মতাংদা ময়েক শেংনা তাকখি। রাজ্যশিং/য়ু.তি.নসু কেস ফেতেলিতী হন্থহন্নবা লৌখৎখিবা খোংথাংশিংগা লোইননা কোবিদ সেফ বেহেব্যরগী মতাংদা কম্যুনিতীসু শরুক য়াবগী মতাংদা খঙহনখি।
*****
(Release ID: 1649017)
Visitor Counter : 179