দিবেলপমেন্ত ওফ নোর্থ ইস্ত রিজন (দোনর), এম.ও.এস., পি.এম.ও., পর্সোনেল, পব্লিক গ্রিভান্সেস, পেন্সন্স, এতোমিক ইনর্জী অমসুং স্পেসকী রাজ্য(মনিং তম্বা)কেন্দ্র মন্ত্রী দা.জিতেন্দ্রনা  ভারত্তা কোবিদকী মতুংদা শেন্মিৎলোনগী ওইনা এন.ই. লমশিংগী এগ্রো সেক্তর অসি হকচিন্না মরু ওইগনি হায়না হায়খ্রে। নোর্থ ইস্তর্ন রিজনেল এগ্রিকলচরেল কোর্পোরেসন লিমিতেদ(এন.ই.আর.এ.সি.এম.এ.সি.) ওফিসিএলশিং অমসুং লৌমী কাংলুপশিংগা ৱারী শান্নরদুনা বিজিনেস হাউস কয়া অমনা মাগী পাক-চাউরবা এগ্রিকলচরেল রিসোর্সশিং অসিদগী খুদোংচাবা লৌনবগীদমক্তা এন.ই.গী লমশিংগী লোমদা য়েংলক্লি অমসুং ঐখোয়না মসিগী তাঞ্জা অসি মাংহল্লোইদবনি হায়না ফোংদোকখি।  ফ্রুইত কন্সেন্ত্রেতস অমসুং হৈ মহিশিংগী প্লান্তশিংগুম্বা ইন্দস্ত্রীশিং শেমগৎনবগীদমক্তা পুক্নিং চিংশিন্নিংঙাই ওইবা ওফরশিং ফংলে অমসুং য়াম্না থুনমক থবক পায়খৎপা হৌরগনি।

দা. জিতেন্দ্র সিংহনা এন.ই.আর.এ.সি.এম.এ.সি.দা অখ্ন্নবা পোৎশিং মশক খংদোক্তুনা অমসুং মখোয়গী ব্রেন্দিংদগী অমসুং এন.ই. লমশিংগী মপান্দা লৈরিবা ভারতকী অতৈ লমশিংগী কৈথেলদা য়োন্দুনা কোবিদকী মতুংদা কান্ননিংঙাই ওইবা ইন্তরপ্রাইজ অমা ওইহন্নবা হায়খ্রে। মসিগীদমক্তা  রোদমেপ অমা চয়োল অমগী মনুংদা শেমদুনা পুথোক্নবসু এন.ই.আর.এ.সি.এম.এ.সি.দা হায়খি।

দা. জিতেন্দ্রনা লুরবা তানফম অসিদা লৌমীশিংবু তেংবাংবিবা অসিনা এন.ই.আর.এ.সি.এম.এ.সি., লৌমী লুপশিং, এন,ই. লমশিং অমসুং ভারত পুম্বদা মায় পাক্ননবগী থৌরাং অমা ওইগনি হায়না মহাক্না ফোংদোকখি।  কেন্দ্রনা মমাং থানা থোরক্লবা, খুন্নাই অসিনা থৌরাং শেমদুনা লৈরবা, লৈবাক অসিনা অহোংবা অসিগীদমক্তা লাংতক্নরবা অমসুং ব্যুজিনেস হাউশিংনা অৱাং নোংপোক্কী এগ্রো ফার্মিং সেক্তরদা য়াম্না অচৌবা মওংদা ইনভেস্ত তৌরক্নিংলবা তারবদি মসিনা চপ-চানা ভারত্তা কোবিদকী মতুংগী শেন্মিৎলোন ফগৎহনবদা  মতেং পাংবা ঙম্লগনি।

তগৎ-তগৎ তেকপা অমদি মপাল লমগী ওইবা উহৈশিং, মরু-মরাংশিং অমসুং  চাক হাউগুম্বা অনি শুনা ফংদ্রবা এগ্রো প্রদকশিং অসি  মরাং কাইনা লৈবগী মতাংদা হায়রদুনা মন্ত্রীনা লমশিং অসিদা এন.ই.আর.এ.সি.এম.এ.সি. অসি এগ্রী-হৌর্তীগী সেক্তরগী হব অমা ওইরগনি অমসুং লৌমীশিংদা মখোয়গী চাগা হেনগৎহনবদা মতেং পাংলগনি হায়না হায়খি। লোকদাউনগী মতমদা পোৎ লৈবিদুনা লৌমীশিংবু মতেং পাংবগীদমক্তা অমসুং য়োন্নবগী অৱাবা লৈবশিং অদু লৈহন্দনা ওর্গনাইজেসনশিংদা মখোয়গী থবক পাংথোকপগী থাক হেনগৎহন্নবা হায়বগীদমক্তা মহাক্না এন.ই.আর.এ.সি.এম.এ.সি.বু থাগৎপা ফোংদোকখি। এন.ই.আর.এ.সি.এম.এ.সি.গী তর্নওভর অসি ২০১৮-১৯দা লুপা কোতী ২ ওইরম্বদগী ২০১৯-২০২০দা লুপা কোতী ২০দা হেনগৎলগনি হায়না মহাক্না থাজবগা লোয়ননা পনখি অমসুং মথংগী চহি ৫দা লুপা কোতী ২০০ ফংবা ঙম্নবসু হায়খি। 

দৌনর মন্ত্রালয়গী সেক্রতরী দা. ইন্দর্জিৎ সিংহ, এন.ই.সি.গী সেক্রতরী এস.ঐচ. মোসেস কে. চলাই, এন.ই.আর.এ.সি.এম.এ.সি.গী অধ্যক্ষ শ্রী সৌরভ এন্দলে অমসুং বিভাগ অসিগী অতোপ্পা মকোক থোংবা ওফিসরশিংনা ভিদিও কনফরেন্সকী থোংদা মীফম অসি য়াওখি।

*****