কন্সেস্নাইরশিং, কন্ত্রেক্তরশিং অমসুং কন্সলতেন্তশিংগী নুং ফাওনা উবা অমসুং পাক চাউবা “থবক পাংথোকপগী মকোক মথং”গী পথাপ অমা শেম্নবা এন.ঐচ.এ.আই.না ‘বেন্দর পর্ফোর্মেন্স ইবালুএসন সীস্তেম’ অমা শেমখ্রে। এন.ঐচ.এ.আই.না থোকপা ৱারোল অমগী মতুং ইন্না পোর্তেল য়ুম্ফম ওইদুনা বেন্দরশিংবু য়েংশিনবগী থৌওং অসি তোঙান তোঙানবা  এন.ঐচ.এ.আই.গী প্রোজেক্তশিংদা থবক পায়রিবা বেন্দরশিংগী থবক তৌবগী মওং অমসুং ফিভম খঙনবা পায়খৎপনি হায়খি।

পোর্তেল অসি এন.ঐচ.এ.আই.গী ৱেবসাইত্তা ‘বেন্দর পর্ফোর্মেন্স ইবালুএসন সীস্তেম’গী মখাদা ফংগনি। পোর্তেল অসিগী মখাদা, এন.ঐচ.এ.আই.না হায়বগী মতুং ইন্না, বেন্দরশিংনা মশানা মশাবু য়েংশিনবগী চাংয়েং অমা পাঙথোক্তুনা মখোয়না পায়রিবা প্রোজেক্তশিংগী মরী লৈনবা চে-চাংশিং পোর্তেল অসিদা অপ্লোদ তৌগদবনি হায়রি। মখোয়না থাজিল্লকপশিং অসি এন.ঐচ.এ.আই.না থাক কয়া থোক্না য়েংশিনগনি অমসুং মসিদা য়ুম্ফম ওইরগা বেন্দরশিংগী মকোক মথংগী থাক অসি থোক্কনি।

পোর্তেল অসিদা থবক পাঙথোকপগী মওং অমসুং বি.ও.তি. (তোল),বি.ও.তি. (এনুইতী), ঐচ.এ.এম., ই.পি.সি. থবকশিং অমসুং ওথোরিতী এঞ্জিনিয়রশিং, ইন্দিপেন্দেন্ত ইঞ্জিনিয়রশিং অমসুং দি.পি.আর. কন্সলতেন্তকী মতুং ইন্না প্রোজেক্ত অমগী মকোক মথং খনবগী খুদোংচাবা পীরি। য়েংশিনবগী থৌওং অসি পান্দম মরিক চুম্বা অমসুং খল মান্নবা মওংদা পাঙথোক্নবা থাক কয়া থোক্না য়েংশিল্লবা তুংদা মকোক মথং খায়রবা তুংদা ওইবা থাক অসি বেন্দরশিংদসু খঙহনগনি। অকোনবদা তারক্লিবা মকোক মথং অসিগী মতাংদা বেন্দরশিংনা ৱাকৎপসু য়াহনগনি।

ঙসি ফাওবগী ওইনা বেন্দরশিংনা তোঙানবা থাক্তা য়েংশিনবগী থৌওং পাঙথোক্লিবা প্রোজেক্ত ৮৫৩ (কন্সলতেন্ত ৫১৯ অমসুং কন্ত্রেক্তর ৩৩৪)গী দেতা মেনশিল্লকখ্রে। পোর্তেলদা মরী লৈনবা চে-চাংশিং অপ্লোদ তৌরক্তবা বেন্দরশিংদি এন.ঐচ.এ.আই.গী বিদশিংদা শরুক য়াবা য়ারোই।

“বিদ্দিং তৌবদা চংবা চে-চাংশিংগী মতাংদা মতিক চাবা অমা শেমদোক্তুনা চৎহনখ্রে অমসুং মসিনা বেন্দরশিংগী মকোক মথং খায়রবা তুংদা ওইরিবা থাক অদু অনৌবা প্রোজেক্ত পীবদা তঙাই ফদবা অমা ওইহনখ্রে”, হায়না এন.ঐচ.এ.আই.না হায়খ্রে। মসিগী পথাপ অসিনা বেন্দরশিংগী থাজবা য়াবা হীরমশিং হেনগৎহন্দুনা হাইৱেশিংগী মগুনশু হেনগৎহল্লগনি।

****