কোর্পোরেত এফেয়ার্স মিনিস্ত্রিনা মাংজিল থাদুনা মপান লৈবাক্কী কোর্ত অমদা আইনগী থবকশিং চৎথদুনা অহানবা ওইনা দোল্লর মিল্লিয়ন ৩.২৫(লুপা করোর ২৪.৩৩গা মান্নবা)  খোমগৎলে হায়না পঞ্জাব নেসনেল বেঙ্ক লিমিতেদনা হায়রি। য়ু.এস চেপ্তর ১১ ত্রস্তিনা শেন তোনবশিংগী লন-থুম কাইথোক্তুনা দোল্লর মিল্লিয়ন ১১.০৪(লুপা করোর ৮২.৬৬)গী শেনফম পঞ্জাব নেসনেল বেঙ্কদা পীখ্রে। মখা তানা অতোপ্পশিংনা ক্লেম তৌরকপগী মতুংইন্না শেনফমশিং খোমগৎকনি।

কোরপোরেতকী নমথাকশিং মপান লৈবাকশিংদা কেস থেংনদুনা ভারত সরকারগী কোরপোরেত এফেয়ার্স মিনিস্ত্রিনা দোল্লর মিল্লিয়ন ৩.২৫ অমুক হন্না পুরকপা অসি মমাংদা অমুক্তা থোকখিদ্রি। নিরাব মোদী/মেহুল চোকসিগী মখাদা লৈবা/শৌগৎপা কম্পেনিশিংদগী শেনফমশিং খোমগৎনবা মিনিস্ত্রিনা থৌরাং তৌবা হৌরে।

নিরাব মোদীনা শৌগৎপা কম্পেনি অহুম হায়বদি; এম/এস.ফাইয়রস্তার দাইমন্দ, এম/এস. এ.জাফি অমসুং এম/এস.ফেনতাসিনা য়ু.এস.এগী নিউ য়োর্ককী সাউদর্ন দিস্ত্রিক্তা বেঙ্করপসি প্রোতেক্সনগী চেপ্তর ১১ ফাইল তৌরক্লে হায়না ভারত সরকারগী কোরপোরেত এফেয়ার্স মিনিস্ত্রিদা ২০১৮দা পঞ্জাব নেসনেল বেঙ্ক লিমিতেদনা খঙহনখি। পঞ্জাব নেসনেল বেঙ্কনা শেন তোল্লিবশিংদগী লন-থুমশিং লৌশিনবা মতেং পাংনবা য়ু.এস.এগী নিউ য়োর্কতা বেঙ্করপসিগী থবকশিং শরুক য়ানবা অমসুং শৌগৎনবা পঞ্জাব নেসনেল বেঙ্কনা মিনিস্ত্রিদা হায়জখি।

নিউ য়োর্ককী সাউদর্ন দিস্ত্রিক্তা লৈবা য়ু.এস বেঙ্করপসি কোর্তনা ২০১৮গী জুলাই ২৬দা থোকখিবা ওর্দরদা শেন তোনবা কম্পেনিশিংগী লন-থুমশিং য়োন্নবা পঞ্জাব নেসনেল বেঙ্কগী থবকশিং শকখঙখি। ৱাহং-পাউহং চৎথনবা নিরাব মোদী, মিহির বন্সালি অমসুং রাখি বন্সালি কোর্ততা লাক্নবা অইবা চেরোল থানবগী অয়াবা কোর্ত অসিনা পঞ্জাব নেসনেল বেঙ্কদা পীখি।

মখা তারকপদা, ২০১৮গী অগস্ত ২৪দা নিউ য়োকর্দ বেঙ্করপসি কোর্তনা হাপ্পা একজামিন্নরনা রিপোর্ত পীখৎলকখি। নমথাক তৌবগী মওং অমসুং শেন তোল্লিবশিংগী য়ু.এসতা লৈবা ইমপ্লোয়িশিংনা নমথাক তৌবদা শরুক য়াবগী মওংশিং রিপোর্ত অদুদা শন্দোক্না পনখি। নমথাক তৌবা অসিগী মরুওইবা শক্তম অমা ওইনা নিরাব মোদীনা শৌগৎপা/মখাদা লৈবা কম্পেনিশিংগী মরক্তা দাইমন্দশিং পীদুনা থবক পাংথোকহনবা অসিনি।

*****