ঙাকশেল মন্ত্রালয় অমসুং দিফেন্স ইস্তেৎসকী দাইরেক্তোরেৎ জেনেরেল (দি.জি.দি.ই.)না ঙসি লৈবাক অসিগী লান্মীশিংগী লৈফম ৬২দা সেন্ত্রেল্লী স্পোন্সর্দ স্কিম (সি.এস.এস.) নীংথিনা চলায়বা হেনগৎহনবগী ৱেবিনার অমা পাঙথোকখ্রে। থৌরম অসি ঙাকশেল মন্ত্রী শ্রী রাজনাথ সিংহনা হৌদোকখি।

থৌরম হৌদোকপগী ৱা ঙাংবদা শ্রী রাজনাথ সিংহনা ৱেবিনার অসিনা লান্মীশিংগী লৈফমশিংদা লৈরিবা চাউরাকপা মীওই লাখ ২১গী য়াইফনবা হায়দুনা কেন্দ্রনা তেংবাংবা স্কিমশিংগী খুদোংচাবা নীংথিনা ফংহন্নবা হোৎনবগী মরু ওইবা খোঙথাং অমা ওইগনি হায়খি। অয়ুশমান ভারত, প্রধান মন্ত্রী অৱস য়োজনা, স্মার্ত সিতী মিসন, অঙাংশিংগী মিদ-দে মীল স্কিম্নচিংবা য়াইফ য়ুম্বালগী স্কিম কয়াগী মিং পল্লদুনা শ্রী রাজনাথ সিংহনা হায়রিবা স্কিমশিং অসি লান্মী লৈফমশিংগী মফমশিংদসু অতোপ্পা মফমশিংগা মান্নবা  মওংদা চলায়গদবনি হায়খ্রে। মীরমদগী পোত্থোক পুশিল্লকপদা হন্থহল্লিবা ঙাকশেল মন্ত্রালয়গী আত্মানির্ভরগী খোঙথাংশিং অসিগী মতাংদা মীয়ামগী পুক্নিং চিংশিনখি অমসুং মতুং তাবা শেন্মিৎলোনগী শাহৌ লৌনবা অনৌবা থৌওং পাঙথোকপশিংবু সরকারনা তরাম্না ওক্লি হায়না হায়খি।

কেন্তোন্মেন্ত বোর্দ ৬২গী প্রসিদেন্ত, বাইস-প্রসিদেন্ত অমসুং চীফ একজেক্যুতিব ওফিসারশিংসু (সি.ই.ও.) নুমিৎ নিনিগী ৱেবিনার অসিদা শরুক য়ারি। মসি কেন্তোন্মেন্ত মফমশিংদা লৈরিবা মীওইশিংদা কান্নবা পীনবা তুংগী লম্বী য়াৎপা ওইনা তোঙান তোঙানবা কেন্দ্র সরকারনা তেংবাংবা স্কিমশিংগী শেল থাদবগী মওং অমসুং থবক পায়খৎপগী মওং নীংথিনা খঙনবা হোৎনবগী পান্দম থমদুনা পাঙথোকখিবনি। ৱেবিনার অসিদা হাউজিং অমসুং অর্বান এফিয়ার্স, এজুকেসন, হকশেল অমসুং য়াইফ য়ুম্বাল, সোসিএল জস্তিস অমসুং ইম্পাৱর্মেন্ত অমসুং নুপী অঙাং চাউখৎপগী মন্ত্রালয়শিংগী জোইন্ত সেক্রেতরীশিং/নোদেল ওফিসারশিংনা শরুক য়াখি।  মখোয়গা মরী লৈনবা রাজ্যগী বিভাগশিংগী স্তেৎ মিসন দাইরেক্তরশিং অমসুং প্রিন্সিপাল সেক্রেতরীশিংসু ৱেবিনার অসিদা শরুক য়াখি।

ৱেবিনার অসিদা খন্নখিবা ৱাফমশিং অসিনা কেন্তোন্মেন্ত বোর্দ খুদিংমক্না মফমশিং অসিদা লৈরিবা সি.এস.এস.কী বেনিফিশরীংশিংদা কান্নবশিং অসি মশিং য়াম্না য়ৌহন্নবগীদমক্তা হৌদোরকপা ৱাফম কয়াবু খন্নদুনা তুংগী য়াইফনবা লম্বী অমা য়াৎলগনি।

ঙাকশেল মন্ত্রীনা কেন্তোন্মেন্ত বোর্দ ৬২দা লৈরিবা থবক তৌরিবা মীওই ১০,০০০ হেনবা অসিনা লাইবক থিবা থৌদোক্তা অশি অনা থোকপা মতমদা লুপা ৫গী ইন্স্যুরেন্স কবর পীগদবা লাইফ ইন্স্যুরেন্স কোর্পোরেসন (এল.আই.সি.)গী খুথাংদা পীগদবা গ্রুপ লাইফ ইন্স্যুরেন্স স্কিম, “ছাবনি কোবিদঃ য়োধা সনরক্সন য়োজনা” অমসু লোঞ্চ তৌখি। স্কিম অসিনা দাক্তর, পেরামেদিক্স অমসুং সেনিতেসনগী স্তাফ য়াওদুনা পর্মনেন্ত অমসুং কন্ত্রেক্তকী থৌমীশিংদা কান্নবা পীগনি।

******