কঞ্জ্যুমর এফিয়ার্স, ফুদ অমসুং পব্লিক দিস্ত্রিব্যুসন মন্ত্রালয়গী মখাদা লৈবা ফুদ অমসুং পব্লিক দিস্ত্রিব্যুসন বিভাগকী সেক্রেতরীনা রাজ্য অমসুং য়ুনিয়ন তেরিতোরীশিংগী চীফ সেক্রেতরীশিংদা মতিক চাবা শোইনাইরবা মীওইশিংবু নেস্নেল ফুদ সেক্যুরিতী এক্ত ২০১৩গী মনুং চলহন্নবা হায়খ্রে। হীরম অসিগা মরী লৈননা চীফ সেক্রেতরীশিংনা মশা য়াওনা থবক অসিদা য়াওনবা অমসুং মরী লৈনবা বিভাগশিং/ওফিসিএলশিং অমসুং মরু ওইনা জিলাগী লৈঙাক্লোইশিংনা মতিক চাবা থবক পায়খৎনবা অমসুং ফুদ অমসুং পব্লিক দসিত্রিব্যুসন বিভাগনা রাজ্য সরকারশিং অমসুং য়ু.তি.শিংদা হায়খিবা পাউতাকশিং ইলহন্দুনা মিসন মোদতা থবকশিং অসি পায়খৎনবা খঙহনখ্রে।

অহানবদা হীরমসিগী মতাংদা ওগস্ত ২২, ২০২০দা রাজ্য/য়ু.তি.শিংদা চিথি থাদুনা খঙহনখিবা লৈখ্রবনি। ফুদ অমসুং পব্লিক দিস্ত্রিব্যুসন বিভাগনা রাজ্য/য়ু.তি.শিংদা এন.এফ.এস.এ.গী মখাদা বেনিফিশরী ওইবগী মতিক চারবা শোইনাইরবা মীওইশিংসু নেস্নেল ফুদ অমসুং সেক্যুরিতী এক্ত ২০১৩গী মনুংদা চলহন্দুনা এক্ত অসিগী মতুং ইন্না এন.এফ.এস.এ. অমসুং পি.এম.জি.কে.এ.ৱাই.গী ফংফম থোকপা চেং হৱাই শোইদনা ফংহন্নবা হায়খ্রে।

ওগস্ত ২২, ২০২০দা ইখিবা চিথি অসিদা এক্ত অসিগী মনুং চন্দ্রিবা মীওইশিংবু মতিক চাবগী কাঙলোনগী মতুং ইন্না অনৌবা রেসন কার্দ পীনবসু হায়খ্রবনি। শোইনাইবা হায়বসি এ.এ.ৱাই.গী ইমুং মনুংদা চনবদা মতিক চাই অমসুং মখোয়শিং অসি খুন্নাইদা খুদোংথিবা য়াম্না নংগনবা মীওইশিংনি হায়না পনখি। রাজ্য/য়ু.তি.শিংনা শেম্লিবা অহেনবা মিৎয়েং চংগদবা ইমুংগী মনুংদা চলহন্নবা মতিক চাবা য়েংবগী মনুংদা মখোয়বুসু য়াওহনগদবনি হায়খি।

নেস্নেল ফুদ সেক্যুরিতী এক্তকী সেক্সন ৩৮না কেন্দ্র সরকারনা মতমগী মতুং ইন্না এক্ত অসিগী মখাদা লৈবা থবকশিং পাঙথোক্নবা রাজ্যশিংদা পাউতাক পীবা য়াবগী অয়াবা পীরি।

****