ভারতকী নাৎকী আর্তপু পুক্নিং থৌগৎপা ওইনা ফর্তিলাইজর্স বিভাগকী মখাদা লৈবা পি.এস.য়ু. অমা ওইরিবা নেসনেল ফর্তিলাইজর্স লিমিতেদ (এন.এফ.এল.)না মহারাস্ত্রগী মমিং চৎলবা ৱার্লিগী অয়েকপা লাইশিংবু মখোয়গী নোইদাদা লৈবা কোর্পোরেৎ ওফিস্কী ফক্লাংশিংদা থেৎখ্রে।

অয়াকপা অঙাংবা মচুনা শেম্বনা, আর্তৱার্ক অসিবু মীপুম খুদিংমক্না পাম্নৈ।

এন.এফ.এল.না লৌখৎলকপা থৌরাং অসিনা অকোইবগী মফমশিংবু ফজহনবদা নত্তনা অচৎ অৱোকশিংদা ৱার্লিগী অয়েকপা লাইগী মরমদা খঙনিংবা পোকহল্লি। তাবদা নুংঙাইবা অমনা ৱার্লিগী অয়েকপা লাই অসি মহারাস্ত্রগী খুঙ্গংশিংদা নত্ত্রগা অচৌবা একজিবিসনশিংদা পুথোকই। অদুবু হৌজিক্তি হায়রিবা অয়েকপা লাইশিং অসি মীয়াম্না এন.এফ.এল.গী মপান থংবা ফক্লাংশিংদা য়েকপা উরে।

এন.এফ.এল.দগী থাদোক্লকপা চেরোল অমগী মতুং ইন্না, কম্পেনী অসিনা ভারত সরকারগী স্বচ্ছ ভারত কেপেনগী মখাদা লুবা নানবী থাক ৱাংখৎনবা হোৎনরকখি অমসুং কম্পেনী অসিনা লৌখৎলক্লিবা খোংথাং অসিনা নোইদাগী মফমশিংবু ফজহনবদা মতেং পাংলগনি।

কোরোনানা মরম ওইদুনা শেল-থুমগী খুদোংচাদবা মাইয়োক্নরিবা অসিদা ৱার্লিগী লাই য়েকপশিংনা মসিগী থবক অসিগী মখাদগী থবক ফংলগনি।

*****