কমর্স অমসুং ইন্দস্ত্রী মন্ত্রালয়
লৌউ-শিংউ অমসুং মরী লৈনবা থবকশিং চাউখৎহন্নবা থবকশিং পায়খৎনবা অপেদানা এ.এফ.সি ইন্দিয়া লিমিতেৎ অমসুং নেস্নেল কোওপেরেতিপ য়ুনিয়ন ওফ ইন্দিয়াগা এম.ও.য়ুশিং খুৎয়েক পীনখ্রে
Posted On:
25 AUG 2020 11:45AM by PIB Imphal
কমর্স অমসুং ইন্দস্ত্রি মিনিস্ত্রিগী মখাদা লৈবা এগ্রিকলচরেল এন্দ প্রোসেস ফুদ প্রদক্স এক্সপোর্ত দিবলপমেন্ত ওথোরিতি(অপেদা)না এ.এফ.সি ইন্দিয়া লিমিতেৎ অমসুং নেস্নেল কোওপেরেতিপ য়ুনিয়ন ওফ ইন্দিয়া, নিউ দিল্লিগা এম.ও.য়ুশিং খুৎয়েক পীনখ্রে।মসিগী পান্দমদি মরী লৈনবশিংদা খুদোংচাবা হেন্না ফংহন্দুনা লৌউ-শিংউ অমসুং মরী লৈনবা থবকশিং চাউখৎহন্নবা থবকশিং পায়খৎনবা পুন্না থবক তৌমিন্নবনি।
ভারত সরকারনা লাউথোকখিবা এগ্রি এক্সপোর্ত পোলিসিগী মখাদা লৌউ-শিংউ চাউখৎহন্নবা অমসুং মসিগী পোৎথোকশিং মপান্দা থাদোকপা হেনগৎহন্নবা লুপশিং অমসুং ইন্সতিতুসনশিংগা পু্ন্না থবক তৌমিন্ননবা অপেদানা পান্দম থম্লি।
এগ্রিকলচর এক্সপোর্ত পোলিসি অসি লৌউ-শিংউগী পোৎথোকশিং মপান্দা থাদোকপা হেনগৎহন্নবা, লৌমীশিংনা চুনবা মমলদা য়োনবা ঙম্নবা অমসুং ভারত সরকারগী থৌশিলশিং অমসুং থবকশিংগা চুন্নবা শেমখিবনি। পোলিসি অসিনা লৌমীশিংগী য়াইফনবা থবকশিং পায়খৎতুনা লৌমীশিংগী শেন্থোক হেনগৎহন্নবা পান্দম থম্লি। লৈবাক অসিগী তোঙান-তোঙানবা ঈশিং-নুংশিৎকা চুনবা অখন্নবা মহৈ-মরোংশিং পুথোক্নবা, কৈথেলদা পাম্নবা পোৎথোক য়েংলগা পুথোক্নবা অমসুং খ্বাইদগী ফবা লৌউ-শিংউগী থবকশিং পায়খৎনবা এগ্রি এক্সপোর্ত পোলিসি অসিনা পান্দম থম্লি।
এগ্রিকলচর এক্সপোর্ত পোলিসি থবক ওইনা পায়খৎনবা অপেদানা রাজ্য সরকারশিংগা লেপ্তনা পাউ ফাওনরি। মহারাস্ত্রা, য়ু.পি, কেরলা, নাগালেন্দ, তামিল নাদু, অসাম, পঞ্জাব, কর্নাতাকা, গুজরাত, রাজস্থান, অন্ধ্র প্রদেস, তেলঙ্গানা, মনিপুর অমসুং স্কিমগী ওইনা রাজ্য অদুগী অকক্নবা এক্সন প্লানশিং শেম্বা লোইখ্রে অমসুং অতোপ্পা রাজ্যশিংগী এক্সন প্লানশিং তোঙান-তোঙানবা তাঙ্ককশিংদা লৈরি। রাজ্য ২৬ অমসুং য়ু.তি ৩গী নোদেল এজেন্সিশিং হাপখ্রে। রাজ্য ২১দা রাজ্যগী চীফ সেক্রেতরিনা চেয়রমেন ওইবা রাজ্য থাক্কী মোনিতরিং কমিতিশিং শেমখ্রে।
ক্লস্তর লেবেল কমিতি ২২ শেমখ্রে; পঞ্জাব অমসুং য়ু.পিদা আলুগী ক্লস্তর দিস্ত্রিকশিং, রাজস্থানদা ইসাবগোলগী, মহারাস্ত্রাগী জিলা অহুমদা কোম্লা, কফোই, অঙ্গুর অমসুং লফোইগী, তামিল নাদুদা লফোইগী, য়ু.পিদা হৈনৌগী, য়ু.পি অমসুং গুজরাত্তা শঙ্গোমগী, কর্নাতাকাদা তিলহৌগী, য়ু.পিদা মনা-মশিংগী, মৈধ্য প্রদেসতা কোম্লাগী অমসুং গুজরাত্তা(জিলা ২) আলুগী ক্লস্তর দিস্ত্রিকশিং শেম্লে।
মসিগী ফিবম অসিদা অপেদানা এ.এফ.সি ইন্দিয়া লিমিতেৎ অমসুং নেস্নেল কোওপেরেতিপ য়ুনিয়ন ওফ ইন্দিয়া, নিউ দিল্লিগা এম.ও.য়ুশিং খুৎয়েক পীনখিবনি।
অপেদাগী চেয়রমনেন, দিৱাকর নাথ মিশ্রা অমসুং এ.এফ.সি ইন্দিয়া লিমিতেৎকী মেনেজিং দিরেক্তর বি গনেসন্না এম.ও.য়ু খুৎয়েক পীনখি। এ.এফ.সি ইন্দিয়া লিমিতেৎ অসি ১৯৬৮দা লিংখৎখিবা কমর্সিএল বেঙ্কশিং, নাবার্দ অমসুং একজিম বেঙ্কনা মপু ওইবা সরকারগী দিম ওর্গনাইজেসন অমনি। মসি ভারতকী লৌউ-শিংউ, খুঙ্গং চাউখৎহনবা অমসুং খুন্নাইগী শেন-থুমগী থবকশিং শৌগৎনবগী লমদা ৱা তান্নবা, থৌশিল শেম্বা অমসুং থবক ওইনা পায়খৎনবা লৈবা লুপ অমনি।
মতেং পাংনগদবা হিরমশিং
১. ওর্গনিক ওইবা লৌউ-শিংউগী থবকশিং পায়খৎতুনা তোঙান-তোঙানবা মহৈ-মরোংশিং অমসুং উহৈ-ৱাহৈশিং পুথোক্নবা মরুওইবা তেক্নোলোজিশিং এ.এফ.সি ইন্দিয়া লিমিতেৎনা মশক খঙদোক্কনি অমসুং চৎনবা হৌগনি।
২. অপেদাগী চৎন-কাংলোনশিংগী মতুংইন্না, কমসন প্রোসেসিং সেন্তরশিং শেমগৎনবা এ.এফ.সি ইন্দিয়া লিমিতেৎনা মতেং পাংগনি।
৩. হায়রিবা ক্লস্তরশিং অমসুং ভেলু চেন মশা-মরোমদোম লেপচবা ঙমদ্রি ফাওবা দরকার ওইবা মতেং পাংবা অমসুং শৌগৎপা এ.এফ.সি ইন্দিয়া লিমিতেৎনা পাংথোক্কনি।
৪. এগ্রি এক্সপোর্ত পোলিসিগী মখাদা মশক খঙলবা মপান্দা থাদোক্নবা পোৎ-চৈ পুথোকপা ক্লস্তরশিং অমসুং অপেদানা রিকমেন্দ তৌবা অতোপ্পা ক্লস্তরশিংনা তশেংনা থবক ওইনা পাংথোক্নবা এ.এফ.সি ইন্দিয়া লিমিতেৎনা হোৎনগনি।
৫. পোৎথোক পুথোকপা হৌদ্রিঙৈ, পুথোকপা, লোকপা লোইরবা মতুং, শেম-শাবা অমসুং পুথোক-পুশিনগী থবকশিং মালেমগী থাক য়ৌবা ঙম্নবা অপেদানা এ.এফ.সি ইন্দিয়া লিমিতেৎ পুক্নিং থৌগৎকনি।
৬. তোঙান-তোঙানবা মিনিস্ত্রিশিংগী তোঙান-তোঙানবা প্রোজেকসিং পায়খৎনবা অপেদানা মশক খঙদোক্লবা ক্লস্তরশিং চাউখৎহন্নবা থবক এ.এফ.সি ইন্দিয়া লিমিতেৎনা পাংথোক্কনি।
অতোপ্পা এম.ও.য়ু অদু অপেদাগী দিরেক্তর, দোক্তর তরুন বাজাজ অমসুং এন.সি.য়ু.আইগী চীফ ইজুকিউতিপ দিরেক্তর, এন.সত্যনারয়ননা খুৎয়েক পীনখি। এন.সি.য়ু.আই অসি মল্তি-স্তেৎ কোওপরেতিপ সোসাইতিস এক্ত, ২০০২গী মখাদা রেজিস্তার তৌবা ভারতকী কোওপরেতিপ ইহৌগী মাংজিল থাবা লুপ অমনি। মসিনা পান্দমদি ভারত্তা কোওপরেপতিপকী ইহৌ কনখৎহনবা, মীয়ামদা খঙহনবা অমসুং কোওপরেতিপগী থবকশিং পাকথোক-চাউথোকহনবনি।
মতেং পাংনগদবা হিরমশিং
১. সরকারগী এগ্রিকলচর এক্সপোর্ত পোলিসিগী মখাদা লৌমীশিংদা মপান্দা পোৎথোকশিং য়োন্নবগী খুদোংচাবশিং পীদুনা লৌমীশিংগী শেন্থোক শরুক অনি হেনগৎহন্নবা পান্দম ফংনবা পুন্না থবক তৌমিন্নবা।
২. মগুন লৈবা লৌউ-শিংউগী পোৎথোকশিং পুথোকপা হেনগৎহন্নবা অমসুং লৌমীশিংনা মমল ৱাংনা য়োনবা ঙম্নবা লৌউ-শিংউগী থবক তৌরিবা কোওপরেতিপশিংগা থবক তৌমিন্নবা। এন.সি.য়ু.আইনা মশক খঙলবা অমসুং ত্রেনিং পীরবা কোওপরেতিপশিংনা মপান্দা পোৎ থাদোকপদা অপেদানা মতেং পাংগনি।
৩. এন.সি.য়ু.আইনা মশক খঙলবা কোওপরেতিপশিংগী পোৎথোকশিং, ওর্গনিক্কী পোৎথোকশিং/লৌবুকশিং সর্তিফিকেত পীবগী দরকার ওইবশিং অপেদানা পাংথোক্কনি।
৪. রাজ্য অমসুং জাতিগী থাকশিংদা এৱারনেস প্রোগ্রামশিং, স্কিল দিবলপমেন্ত প্রোগ্রামশিং অমসুং ৱার্কসোপশিং পাংথোক্তুনা লৌউ-শিংউগী পোৎথোকশিং শেম-শারিবা কোওপরেপতিপ সোসাইতিশিং অমসুং সেল্প হেল্প গ্রুপশিং চাউখৎহন্নবা হোৎনবা।
৫. লৈবাক্কী মফম কয়াদা একজিবিসনশিং/ত্রেদ ফিয়ারশিং/বি২বি মিতিংশিং পাংথোক্তুনা লৌউ-শিংউগী পোৎথোক পুথোক্লিবা অমসুং পোৎথোক শেম-শারিবা কোওপরেতিপশিংগী পোৎথোকশিং অমসুং থবকশিং ভারত অমসুং মালেমগী কৈথেলশিংদা উৎনবা পুন্না থবক তৌমিন্নবা।
৫. লৈবাক শীনবা থুংনা লৈরিবা লৌউ-শিংউগী পোৎথোক পুথোক্লিবা অমসুং পোৎথোক শেম-শারিবা কোওপরেতিপশিংগী দিরেক্তোরি অমা শেম্বা।
******
(Release ID: 1648445)
Visitor Counter : 200