রেলৱেজ অমসুং কম্মর্স অমদি ইন্দস্ত্রীগী মন্ত্রী শ্রী পিয়ুশ গোয়লনা দেদিকেতেদ ফ্রাইৎ কোরিদোর কোর্পোরেসন ইন্দিয়া লিমিতেদ (দি.এফ.সি.সি.আই.এল.)গী থবক থৌরমশিং ঙসি য়েংশিনখ্রে। মীফম অসিদা, মকোক থংবা ওফিসরশিংনা প্রোজেক্ত অসিগী হৌজিক ওইরিবা ফীভমগী মতাংদা খঙহনখি। উত্তর প্রদেশকী দাদ্রিদগী মুম্বাইগী জৱাহর্লাল নেহরু পোর্ত (জে.এন.পি.তি.) চাওনহল্লিবা ৱেস্তর্ন কোরিদোর অমসুং লুধিয়ানা (পঞ্জাব)কী মনাক্তা লৈবা সহনেৱালদগী হৌরগা ৱেস্ত বেঙ্গলগী দানকুনিগী তের্মিনেৎ ফাওবা চেনগদৌরিবা ইস্তর্ন কোরিদোর অসি দিসেম্বর ২০২১ ফাওবগী মনুংদা লোয়শিল্লবা য়াই হায়না পান্নরি।

শ্রী গোয়লনা দি.এফ.এফ.স.আই.এল.গী মেনেজমেন্ত তিমদা কোবিদকী লোকদাউন্না মরম ওইদুনা মাংখিবা মতম অদু ফুকৎনবা প্রোজেক্ত অসিগী থবক য়াংশিন্নবা মথৌ তাবা খোঙথাংশিং লৌখৎনবা খঙহনখ্রে। মহাক্না ওফিসিএলশিংদা খ্বাইদগী খুদোংচাদবা মফম খঙদোক্তুনা অমসুং মিসন মোদতা মদু কোকহন্নবা হোৎন্নবসু হায়খি। নহা ওইরিবা ৱাখল লৈবা মীওইশিং য়াওহন্দুনা খ্বাইদগী ফবা পাম্বৈশিং পুথোকপদা থৌগৎনবা খঙহনখি।

মীফম অসিদা কন্ত্রেক্তর পুম্নমক্কী থবক কুপ্না য়েংশিন্নবা ৱারেপ লৌখি। রাজ্যশিংগা লোয়ননা হোৎনমিনবা য়াওনা মিসন মোদতা সমস্যা পুম্নমক কোকহন্নবা তৌগদবনি। প্রোজেক্ত অসিগী চয়োলগী ওইনা খুমাং চাউশিনবা অদু অনৌবা পাম্বৈশিংনা লেপ্তনা য়েংশিল্লগনি।

দেদিকেতেদ ফ্রাইৎ কোরিদোরশিং (দি.এফ.সি.) অসি ভারত সরকারনা লৌখৎপা (পুন্না রুৎ কি.মি. ৩৩৬০ শাংবা) খ্বাইদগী চাউবা রেল ইনফ্রাস্ত্রকচর প্রোজেক্তশিংগী মরক্তা অমনি। অপুনবদা চংলিবা শেল অসি লুপা কোতি ৮১,৪৫৯নি। দি.এফ.সি.সি.আই.এল. অসি দেদিকেতেদ ফ্রাইৎ কোরিদোরশিংগী প্লানিং তৌনবা, চাউখৎনবা, শেন-থুমগী য়েংশিন্নবা, কনস্ত্রক্সন, মেন্তেনেন্স অমসুং ওপরেসন তৌরিবা অসি য়েংশিন্নবা অখন্নবা থম্লিবনি। অহানবা তাঙ্কক্কী ওইনা ওর্গনাইজেসন অসিনা পুন্না কি.মি. ৩৩৬০ শাংবা রুৎ ওইরিবা ৱেস্তর্ন দি.এফ.সি. ( কি.মি. ১৫০৪ শাংবা রুৎ) অমসুং ইস্তর্ন দি.এফ.সি. (কি.মি ১৮৫৬ শাংবা রুৎ) শারি।

*****