য়ুমশকৈশা নুমিৎতা প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ৱারেপ লৌখিবা থবক লৌনবগীদমক এন.আর.এনা পাংথোক্কদবা কম্মন ইলিজিবিলিতি তেস্ত(সি ই তি)গী খুদোংচাবা রাজ্যশিং অমসুং য়ু.তিশিংনা লৌবা য়াগনি।

দোনরগী রাজ্য মন্ত্রী(মনিংতম্বা), পি.এম.ও, পর্সোনেল, পব্লিক গ্রিভান্সেস, পেন্সন্স, এতোমিক ইনর্জি অমসুং স্পেসকী রাজ্য মন্ত্রী দোক্তর জিতেন্দ্র সিংহনা হায়খি, রাজ্যশিং অমসুং য়ু.তি সরকারশিংগী থবক খন্নবগী এজেন্সিশিং অমসুং পব্লিক সেক্তর অন্দরতেকিংশিং অমসুং প্রাইবেদ সেক্তরশিংনা সি.ই.তিগী স্কোর শরুক য়াবা য়াগনি। মসিনা রাজ্যশিং অমসুং য়ু.তিশিংগী সরকারগী থবক খন্নবগী এজেন্সিশিংগী শেন অমসুং মতম কনবদা মতেং পাংগনি অমসুং থবক থিরিবা নহারোলশিংগীসু খুদোংচাবা ফংগনি অমসুং শেন চঙবা হন্থগনি।

মহাক্না হায়খি থবক খন্নবা এজেন্সিশিংনা সি.ই.তি স্কোর শীজিন্ননবা এম.ও.য়ু অমগী মওংদা য়ানবা পুরক্নবা থৌরাং অমা লৈরে। মসিনা থবক থিরিবশিং অমসুং থবক পীগদৌরিবশিং অনিমক তোংজগনি।

দোক্তর জিতেন্দ্রনা মখা তানা হায়খি দি.ও.পি.তি অমসুং মহাক মশানা রাজ্য অমসুং য়ু.তি কয়াগী সরকারশিংগা পাউ ফাওনরে অমসুং কম্মন ইলিজিবিলিতি তেস্ত স্কোর শরুক য়ানবগী অপাম্বা মখোয়না ফোঙদোরক্লে। চীফ মিনিস্তর অয়াম্বসু তশেংনা পাম্লে অমসুং মসি শীজিন্নগনি হায়বগী অনিংবা থম্লে।

প্রধান মন্ত্রী নরেন্দ্র মোদী থাগৎলদুনা দোক্তর জিতেন্দ্র সিংহনা হায়খি থবক থিরবা নহারোলশিং হিংবদা লাইহনবদা মসিগী থৌরাং অসিনা অচৌবা অওনবা অমা পুরক্লগনি। মসি প্রধান মন্ত্রী মোদীনা লুচিংবা সরকারগী ৱাখল লৈবা অমসুং মীগী অৱাবা খঙদুনা থবক তৌবগী মমি অমনি।

দোক্তর জিতেন্দ্রনা হায়খি সরকারগী থৌশিল মতুংইন্না পরিখা থারিবা এস.সি/এস.তি/ও.বি.সি কেন্দিদেৎশিং অমসুং অতোপ্পা কাংলুপশিংগী চহি কোমথোক্কনি। রাজ্য অমসুং য়ু.তি সরকার খরনা থবক লৌনবগী নিয়মশিংদা য়াওরিবা দোমিসাইলগী কাংলোনশিং অসি কম্মন ইলিজিবিলিতি তেস্ত অসিদা চৎনরোই। কম্মন ইলিজিবিলিতি তেস্ত হিন্দি অমসুং ইংলিস খক্তদা পাংথোক্লোই ,মসি লোন ১২দা পাংথোক্কনি অমসুং তুংদা ভারত সংবিধানগী ৮সুবা সেদুলদা চল্লবা অতোপ্পা লোনশিংসু হাপচিনগনি।

*****