লৈবাক অসিদা অনৌবা থৌওং পাঙথোকপগী চৎনবী পাকথোক চাউথোকহনবগী মঙলানগী শরুক অমা ওইনা অতল ইন্নোবেসন মিসন (এ.আই.এম.), নিতি আয়োগ অমসুং ইন্দিয়া-স্বীদেন হেলথকেয়র ইন্নোবেসন সেন্তরগী মহুৎ শিনবা ওইনা ব্যুজিনেস স্বীদেনগা ভারতকী ওন্তোপ্রিনরশিংগী মশক থোকপা থৌওং পাঙথোকপা ঙম্বগী মতিক কয়াবু খুমাং চাউশিলহন্নবা অমসুং লৈবাক শিনবা থুংনা অরিংবা স্তার্ত-অপ ইকোসীস্তেম চাউখৎহন্নবগীদমক্তা খুৎশম্নখ্রে।

এ.আই.এম. অমসুং ইন্দিয়া-স্বীদেন হেলথকেয়র ইন্নোবেসন সেন্তরনা ঙসি শগোলশেল নুমিৎ, ওগস্ত ২০, ২০২০দা স্তেৎমেন্ত ওফ ইন্তেন্ত (এস.ও.আই.) অমা বর্চুএলগী খুত্থাংদা খুৎয়েক পীনখ্রে।

এ.আই.এম.গী মখাদা অতল ন্যু ইন্দিয়া চেলেঞ্জ (এ.এন.আই.সি.), অতল ইঙ্ক্যুবেসন সেন্তর (এ.আই.সি.), অতল কম্ম্যুনিতী ইন্নোবেসন সেন্তর (এ.সি.আই.সি.), অতল তিঙ্করিং লেব (এ.তি.এল.) অমসুং অতল রিসর্চ অমসুং ইন্নোবেসন ফোর স্মোল ইন্তর্প্রাইস (এ.আর.আই.এস.ই.) কুম্বা তোঙানব তোঙানবা প্রোগ্রামশিং নত্ত্রগা খোঙথাং কয়া পায়খৎলি। ঙসি য়ানখিবা খুৎশম্নবা অসিগী খুত্থাংদা প্রোগ্রাম পাঙথোক্তুনা, মীয়ামদা খঙহনবগী কেম্পেন পাঙথোক্তুনা, প্রোগ্রামশিং অসিগী খুত্থাংদা লৈবাক অনিসিগী অনৌবা থৌওং পাঙথোকপগী হীরম কয়া খুমাং চাউশিলহনগদবা অতোপ্পা খোঙথাং অমসুং থৌরম কয়াগী খুত্থাংদা মথক্তা পনখ্রিবা খোঙথাংশিং অসিদা ঙাক্লৌ পীনবা শেম শাদুনা লৈরে।

ইন্দিয়া-স্বীদেন হেলথকেয়র ইন্নোবেসন সেন্তর অসি দিল্লীগী এমস, জোধপুরগী এমস অমসুং ব্যুজিনেস স্বীদেনগী মরক্তা খুৎশম্নদুনা পাঙথোকপনি। ইন্নোবেসন সেন্তর অসিনা ওপন ইন্নোবেসনগী ইকোসীস্তেম অমা শেম্নবা পান্দম থম্লি অমসুং মসি ভারত সরকারগী হকশেল অমসুং য়াইফ য়ুম্বাল মন্ত্রালয়, ইন্দিয়ন কাউন্সিল ওফ মেদিকেল রিসর্চ (আই.সি.এম.আর.), স্বীদেন সরকারগী হকশেল অমসুং সোসিএল এফিয়ার্স মন্ত্রালয় অমসুং ভারত্তা লৈবা স্বীদেনগী এম্বেসীগী পরিং নাইবা পাউতাক কয়াগী মতেংনা শেম্বনি। মসিদা ইকোসীস্তেম পার্ত্নরশিং - ইনবেস্ত ইন্দিয়া, এ.জি.এন.আই.আই., স্তার্ত-অপ ইন্দিয়া অমসুং লৌশিংগী পার্ত্নরশিং – এস্ত্রা জেনেকা, নাস্কোম অমসুং ভিন্নোভাগী অরিংবা নেৎৱর্ক অমসু য়াওরি। ইন্নোবেসন সেন্তর অসিনা ভারত্তা হেলথকেয়র পীবগী পথাপ্তা থেংনরিবা খুদোংচাদবা খরগী ৱারোইশিন পুরকপদা তেংবাংনবা ইন্নোবেসন সেন্তরগী প্লেৎফোর্মদা পার্ত্নরশিংগা খুৎশম্নগদবা অহানবা হেলথকেয়র ইন্নোবেসন চেলেঞ্জ অমা হন্দক্তা লোঞ্চ তৌখি। অতল ইন্নোবেসন মিসনগা খুৎশম্নবা অসিগী খুত্থাংদা ইন্দিয়া-স্বীদেন হেলথকেয়র ইন্নোবেসন সেন্তরগী ইকোসীস্তেম অসিবু মখা তানা মপাঙ্গল হাপ্তুনা ৱারোইশিন পুরকপদা থুহনগদবা তঙাই ফদবা ঙাক্লৌ খুদিংমক পীগনি।

“স্বীদেন্দা লৈরিবা পার্ত্নরশিংগা ইন্নোবেসনগী হীরমদা খুৎশম্নবা য়াহনবগী থৌওং লৈহনবগা লোয়ননা ঐখোয়না ভারত্তা হৌজিক লৈরিবা ইন্নোবেসন অমসুং ওন্তোপ্রিনর্শিপ ইকোসীস্তেম হেন্না ফগৎহন্নবা হোৎনরিবা অসিগী মরক্তা ইন্দিয়া-স্বীদেন হেলথকেয়র ইন্নোবেসন সেন্তরগা ঐখোয়গা খুৎশম্নবা অসিদা ঐহাক্না য়াম্না চাউথোকচৈ। অসিগুম্বা অপুনবগী থৌওং অসিনা ভারতকী অমসুং মালেমগী অমসুং স্বীদিশ কম্পেনীগী পার্ত্নরশিপকী নেৎৱর্ক ময়াম শিজিন্নবা মালেমগী খুদোংচাবশিংগী হীরমদা মিৎয়েং চংবা মালেমগী থাক্তা লৈবা অফবা ইন্দিয়ন স্তার্ত-অপ কয়াদা শাহৌ লৌবা ঙমহল্লগনি” হায়না এ.আই.এম., নিতি আয়োগকী মিসন দাইরেক্তর আর. রামানন্না হায়খি।

ইন্দিয়া-স্বীদেন হেলথকেয়র ইন্নোবেসন সেন্তরগা খুৎশম্নরিবা অসি মালেমগী ওইবা খুৎশম্নবা কয়াগী খুত্থাংদা লৈবাক অসিগী ওন্তোপ্রিনরশিপ অমসুং ইন্নোবেসন নেৎৱর্ক কয়া পাকথোক চাউথোকহন্নবা মতম খরদগী পাঙথোক্তুনা লাক্লিবা এ.আই.এম.গী তোঙান তোঙানবা খোঙথাংশিংগা মরী লৈনৈ হায়না মহাক্না মখা তানা হায়খি।

এস.ও.আই. অসিগী মখা তাবা অকুপ্পা ৱারোল ফোংদোক্লদুনা মহাক্না এ.আই.এম.না ইন্নোবেসন চেলেঞ্জশিং, ইঙ্ক্যুবেসন, মেন্তর্শিপ, শেল থাদবা নেৎৱর্কশিংদা য়ৌবা ঙমহনবা, ইন্নোবেসন শোকেস অমসুং কনফরেন্সকী থৌরম্নচিংবা খোঙথাং কয়াবু শৌগৎকনি হায়না মহাক্না হায়খি।

তাল্লক অসিদা ইন্দিয়া-স্বীদেন হেলথকেয়র ইন্নোবেসন সেন্তরনসু লৈবাক অনিসিগী মরক্তা তুং কোইনা চৎকদবা ইন্নোবেসন অমসুং ওন্তোপ্রিনর্শিপকী ইকোসীস্তেম শেম্বদা পুন্না থবক তৌমিন্নবগী এ.আই.এম.গী পান্দম অসিবুসু শৌগৎকনি। মসিগী থৌওং অসিদা য়াওগদবশিংদি ইন্দিয়া-স্বীদেন ইন্নোবেসন সেন্তরগী মনুং চল্লিবা স্তার্ত-অপশিংগী পরিং নাইবা এক্সপেরিএন্স অমা শেমগৎপনি।

এ.আই.এম., নিতি আয়োগকী মিসন দাইরেক্তর আর. রামানন অমসুং ইন্দিয়া-স্বীদেন হেলথকেয়র ইন্নোবেসন সেন্তরগী মহুৎ শিন্দুনা ভারতকী ওইনা লৈবা স্বীদিশ ত্রেদ কম্মিস্নর শ্রী এন্দরস ৱিকবর্গনা বর্চুএলগী এস.ও.আই. অসিগী খুৎয়েক পীনখি।

খুৎয়েক পীনবগী থৌরম অসিদা ৱিকবর্গনা মহাক্কী ৱাখল্লোন ফোঙদোকপা ওইনা অসুম্না হায়খি, “ভারতকী স্তার্ত-অপ ইকোসীস্তেম্বু খুমাং চাউশিলহনবদা মরু ওইবা থৌদাং লৌরিবা এ.আই.এম.গা খুৎশম্নবা অসিদা ঐখোয়না য়াম্না নুংঙাইবা ফাওই। মসিগী খুৎশম্নবা অসিনা ইন্দিয়া-স্বীদেন ইন্নোবেসন সেন্তরগী মনুং চল্লিবা স্তার্ত-অপশিংবু পাকথোক চাউথোকহন্দুনা পরিং নাইবা এক্সপেরিএন্স অমা শেমগৎপদা তেংবাংবা ঙম্নবা ইন্দিয়া-স্বীদেন হেলথকেয়র ইন্নোবেসন সেন্তরগী ইকোসীস্তেমবু মখা তানা মপাঙ্গল হাপকনি”।

অসিগুম্বা এ.আই.এম., নিতি আয়োগনা লৌখৎলিবা খোঙথাংশিং অসিনা লৈবাক শিনবা থুংনা অফবা ইন্নোবেসন অমসুং স্তার্ত-অপকী শেন্মিৎলোন অমা শেম্বা ঙমগনি হায়বগী থাজবা লৈ।

****