কঞ্জুমর এফেয়র্স, ফুদ অমসুং পব্লিক দিস্ত্রিব্যুসনগী কেন্দ্র মন্ত্রী শ্রী রাং বিলাস পাসৱান্না পোৎলম অদু শারিবশিংগী মতাংদা মরিক চুম্বা ৱারোল, এক্সপাইরীগী তাং, এম.আর.পি. অমসুং অতৈ ৱারোলশিং পুম্নমক পোৎলমশিং অদুগী পেকেৎ শেম্বদা ময়েক শেংনা পীগদবনি অমসুং পোৎলমশিংদা লোয়নমক হাপকদবনি হায়না হায়খ্রে। করিগুম্বা পোৎলমসিং অমা হেক্তগী পেকেত্তা ৱারোলশিং য়াওদ্রবদি কম্প্লেন অমা ফাইল তৌরক্নবা কঞ্জুমরশিংদা তকশিনখি। মসিনা  পোৎলমশিং অদুগী তৌরোইদবা মওংদা তৌবশিং নত্রগা থাক হন্থবা পোৎলমশিং অদু মার্কেত্তা ইনশিল্লিবা শারিবশিংগী ৱাখলদা অমকপশিং অদু লৈহল্লোই হায়না মহাক্না হায়খি।  

ঙসি ভিদিও কনফরেন্স পাংথোকপা মতমদা মেদিয়াশিংনা হংলকখিবা ৱাহংশিংগী পাউখুম পীরদুনা শ্রী পাসৱান্না অন্ধ্র প্রদেশকী গুন্তুরদা লৈবা লিগেল মেত্রোলোজী বিভাগনা ‘সেদের ওম’ কৌবা মেদিসিন দিস্ত্রিব্যুতর অমগী মায়োক্তা কম্প্লেন্ত অমা রেজিস্তর তৌখ্রে হায়খি। শ্রী পাসৱান্না ফংলিবা কম্প্লেন্ত অসিগী মতুং ইন্না শারিবা মী, হেল্পলাইন নম্বর অমসুং এক্সপাইরীগী তাং উবা ফংখিদে হায়না হায়খি। মসিদা মখা তানা পেকেৎশিং অসিগী মথক্তা পীরিবা ৱাফম অসিগী মশিংশিং অমসুং ময়েকশিংগী চাউবা অসি মিলিমিতর ১দগী হন্থৈ অমসুং লায়না ময়েক শেংনা উবা ফংদে  হায়বা মরাল শিরকখি।  লিগেল মেত্রোলোজী এক্ত, ২০০৯গী সেক্সন ১৫গী মখাদা দিস্ত্রিব্যুতরশিং অমসুং য়োল্লিবশিংগী মফমশিংদা রেদশিং চত্থখি অমসুং মথক্তা পনখ্রিবা মেদিসিন অসি থিংজিনখ্রে হায়না মহাক্না ফোংদোকখি।

*****