ভারতকী উপ-রাস্ত্রপতি শ্রী এম. বেঙ্কয়া নাইদুনা থোকপা ৱারোল অমদা গনেশ চতুর্থিগা মাংওইননা মীয়ামদা য়াইফ পাউজেল পীখ্রে।

মহাক্কী ৱারোলগী অকুপ্পা মরোল মখাদা পীরিঃ

ঐহাক্না লৈবাক অসিগী মীয়ামদা ‘গনেশ চতুর্থিগী’ নুংঙাইরবা থৌরম অসিদা য়াইফ পাউজেল পীরি।

ভগ্বান গনেশ অসি ভগ্বান শিবা অমসুং পারবতিগী মচা অতোম্বনি হায়না খন্নৈ অমসুং লৌশিং, নুংঙাই য়াইফবা অমসুং য়াইফবগী খুদম অমনি হায়না লৌনৈ। ঐখোয়না করিগুম্বা অনৌবা অমা হৌবা খুদিংগী ভগ্বান গনেশপু নীংজদুনা অপনবা খুদিংমক লৌথোকপীনবা য়াইফ থৌনি নিজৈ।

গনেশ চতুর্থি অসি ভগ্বান গনেশকী মপোক নুমিৎপু নীংশিংবা ওইনা নুমিৎ ১০নি চুপ্না পাঙথোকই। হরাও কুমহৈ অসিদা মহাকপু নীংজবা কয়া পুন্দুনা চৎপগী মওং উবা ফংই। মীয়াম্না চহি খুদিংগী ভগ্বান গনেশকী মীতম য়ুমদা পুরক্তুনা থৱাই য়াওনা লাৎনৈ।মীতম অসিবু বিসরজন তৌবা অসিনা ভগ্বান গনেশনা কৈলাস ফাওবদা চৎখিবা লম্বীবু মশক তাকপা ওইনা ১০শুবা নুমিত্তা পাঙথোকই অমসুং মসিনা কুমহৈ অসি লোইশিনবগী নুমিৎনি।

মীয়াম পুন্দুনা অচৌবা খোঙচৎ চৎপা অসিনা কুমহৈ অসিগী মপুং ওইবা শরুক ওইরবসু হন্দক্কী চহিগী ওইনদি কোবিদ-১৯ লায়চৎ অসিনা মরম ওইদুনা কুমহৈ পাঙথোকপা অসি খরা হন্থহল্লসি। ঐহাক্না লৈবাক মীয়াম্না কোবিদ-১৯গী ফিজিকেল দিস্তেন্সিং তৌবগী কাঙলোন ইন্দুনা অফবা হাইজিনগী চৎনবী ঙাক্তুনা কুমহৈ অসি পাঙথোক্নবা হায়রি।

মসিগী গনেশ চতুর্থি অসিনা লৈবাক অসিদা তংদু লৈতাবা, নুংশিনবা অমসুং চাউখৎপা পুরকপা ওইরসনু

***********