তুরিজমগী কেন্দ্রগী রাজ্য মন্ত্রী (আই.সি.), শ্রী প্রহ্লাদ সিংহ পতেল শরুক য়াবা থৌরম অমদা নুপীশিং মপাঙ্গল কনখৎহন্নবগীদমক ত্রেভেল এজেন্তস এসোসিএসন ওফ ইন্দিয়া (তি.এ.এ.আই.) অমসুং এফ.আই.সি.সি.আই. লেদিজ ওর্গনাইজেসন (এফ.এল.ও.)না তুরিজম মন্ত্রালয়গা মেমোরেন্দম ওফ অন্দর্স্তেন্দিং (এম.ও.য়ু.) অমা ভর্চুএল ওইনা খুৎয়েক পীনখ্রে‍। থৌরাং অসিগী খুত্থাঙদা এফ.এল.ও. অমসুং তি.এ.এ.আই.না শেন ইচঙ চঙদনা পর্সোনেল অমসুং হোস্পিতালিতী স্কিলশিং, থবক্কী বেলেন্স কোমবা অমদি ওন্ত্রপ্রিনিউরসিপগী হেন্না পাক চাউবা খুদোংচাবশিংদা অহেনবা মীৎয়েঙ থমগনি‍।

থৌরমদুদা ৱা ঙাঙলদুনা শ্রী প্রহ্লাদ সিংহ পতেলনা হায়খিবদা ঐখোয়গী লৈবাকসিগী নুপীশিংনা তোঙান তোঙানবা লমশিংদা হৈথোই শিংথোইবা উৎলি‍। ঐখোয়গী খ্বাইদগী ফবা নুপী দোক্তরশিং, পাইলোতশিং, সাইন্তিস্তশিং, লল্লোন ইতিক তৌবশিং লৈ‍। নুপীশিংনা চীং কাবা, ত্রেক্কিং, সাইকল থৌবনচিংবা তোঙান তোঙানবা এদভেঞ্চরগা মরী লৈনবা থৌরমশিং অমসুং শান্ন-খোৎনবশিংদা হৈথোই শিংথোইবা উৎলি‍। ঙসিদি, নুপীশিংনা ঐখোয়গী লান্মীগী মরুওইবা শরুক অমা ওইরি‍। অদুগা ঐখোয় নুপীনা লৈবাকসিগী প্রধান মন্ত্রী অমসুং রাস্ত্রপতিগী ফম পায়খিবা লৈবাক অমনি‍।

শ্রী পতেলনা মখা তানা হায়খিবদা খুঙ্গঙ অমদি মনুং হঞ্জিনবা লমশিংদা লৈবা য়াওনা নুপীদা পান্দম ওইবা ত্রেনিং অমসুং স্কিল দেভেলপমেন্ত থৌরমশিং পাঙথোকপা অমদি য়োকখৎপা, মখোয়দা দিজিতেল তেক্নোলোজীগী লমদা খঙহনবা অমদি খুন্নাইগী থাক্তা মখোয়বু ফিরেপ লৌবদা শরুক য়াহনবগী মথৌ তারি‍। মরম অসিনা ত্রেভেল অমসুং তুরিজম সেক্তরদা নুপীশিংবু মাঙজিন থানা থোরক্নবা পুক্নীং থৌগৎপনা সেক্তর অসিদা কান্নবা পীবতা নত্তনা নুপীশিংগী থাক ৱাংখৎহনবদা অমদি মপাঙ্গল কনখৎহনবদা মতেং ওইগনি‍। হোমস্তে, তুরিস্ত ফেসিলিতেতর, কেতরিং বিজিনেস অমদি অতৈ অতৈনচিংবা নুপীশিংনা হৈথোই শিংথোইনা থবক তৌবা ঙমগদবা তুরিজমগী হীরম কয়া লৈরি‍।

তি.এ.এ.আই. অমসুং এফ.আই.সি.সি.আই. লেদিজ ওর্গনাইজেননা (এফ.এল.ও.)না লৈবাক্কী মফম কয়াদা লৈরিবা মখোয়গী চেপ্তরশিংগী খুত্থাঙদা নুপীশিংগী য়াইফনবগীদমক পায়খৎলিবা থবক থৌরমশিং উবদা মহাক্না নুংঙাইবা ফোঙদোকখি‍। ঙসি তুরিজম মন্ত্রালয়, তি.এ.এ.আই. অমসুং এফ.এল.ও.গী মরক্তা খুৎয়েক পীনখিবা এম.ও.য়ু. অসিনা নুপীশিংবু তুরিজম সেক্তরদা শরুক য়াবা হেনগৎহন্নবা অমদি মখোয়বু লৈবাকসিগী তুরিজম ৱর্কফোর্সকী নুংগী শরুক অমা ওইহন্নবগীদমক খুৎশম্ননা চৎমিন্ননবা অমদি থৌরাং অসিবু গ্রাসরুত থাক্তা পুথনবগী খুদোংচাবা অমা পীরগনি‍।

এম.ও.য়ু. অসিনা তুরিজম মন্ত্রালয়, তি.এ.এ.আই. অমসুং এফ.এল.ও.গী মরক্তা খুৎশম্ননা চৎমিন্নবগী অমদি থৌ পাঙথোকমিন্নবগী অনৌবা তাঙ্কক অমা তাক্লি‍।

এফ.এল.ও. অমসুং তি.এ.এ.আই.গী স্তেত চেপ্তরশিংনা স্তেত তুরিগম দিপার্তমেন্তশিং অমসুং স্তেত তুরিজম কোর্পোরেসনশিংগা খুৎশম্নরগা তুরিজম ইন্দস্ত্রীনা নুপীশিংগী তুং কোইবা পুন্সি মহিং অমা শেম্ননবা অমদি শেন্মিৎলোনলগী থাক ৱাংখৎহন্নবগী থৌদাং য়াদুনা এৱ্যারনেস পীগনি‍। খুৎশম্ননা চৎমিন্নবা অসিনা গ্রাসরুত থাক্তা, মিদ্দল থাক্তা সেমি অর্বান, অর্বান মফমশিংদা অমদি ময়োললমগী লাইরিক হৈরবা থবক ফংদ্রিবা নুপীশিংবু পুক্নীং থৌদুনা শরুক য়াহনবদা মতেং ওইরগনি‍। এফ.এল.ও. অমসুং তি.এ.এ.আই.না নুপীশিংগা মরী লৈনবা স্তেকহোল্দরশিংগা শমজিন্নহনবদা, মখোয়গী হিংনবগী খুদোংচাবশিং ফগৎহন্নবা অখন্নবা লমশিংদা ত্রেনিং পাঙথোকপা, লৈবাকসিগী চাওখৎপগী লমদা মখোয়বুসু  চপ মান্নবা খোঙবু অমনি হায়বসি মশানন মশাবু খঙহঞ্জনবা অমদি মখোয়গী শেন্মিৎলোনগী মপাঙ্গল কনখৎহন্নবগী লমদা থবক লৌখৎননবগী থৌদাং য়াগনি‍।

মীহুৎশিং অদুনা লৈবাক মনুংগী লমথুংফম ১৫ চৎননবগী দেখো অপ্না দেশ ৱাশক শকখি‍।

থৌরাং অদুগী মখাদা য়াওরিবা মরুওইবা শরুকশিংদি:

দেখো অপ্না দেশ থৌরাংগী মখাদা য়ামদ্রবদা লৈবাক মনুংগী লমথুংফম ১৫দা চৎনবগী পুক্নীং থৌগৎপা‍। মসি এফ.এল.ও. অমসুং তি.এ.এ.আই.গী নুপী মেম্বরসিপ বেজ ৮০০০ হেনবা অমদি মখোয়গী ইমুংশিংগী সপ্পোর্ত সিস্তেমগী মেন্দেত অমা ওইগনি‍।

স্তেত খুদিংগী আইকোনিক মোনুমেন্ত নৎত্রগা তুরিস্ত লেন্দমার্ত অমগী অকোয়বদা কম্ম্যুনিতী-বেজ তুরিজমগী থৌরমশিং পাঙথোকপা‍। নুপীশিংনা তুর গাইদ ওইগনি, চীঞ্জাক্কী স্তোলশিং, সোভেনির স্তোলশিং মখোয় মশা মশাগী কলা অমদি খুৎশা হৈবগী পোত্থোকশিং থমদুনা হাংগনি, লেন্দমার্ক অদুগী অপুনবা একাউন্তশিং অমসুং চলাইবগী থবক পায়গনি‍।

এফ.এল.ও. অমসুং তি.এ.এ.আই. চেপ্তরশিংনা তুং কোইগদবা তুরিজমগী থৌওংশিংগী লমদা পাক শন্না খঙহনগনি অমদি মীয়ামদা ৱাখল তাহনবা, পাক শন্না খঙহনবা, মহৈ মশিংগী ওইবা ৱর্কসোপশিংও সেমিনারশিং অমদি খন্ন-নৈনবগী থৌরমশিং পাঙথোক্তুনা তুরিজমবু নুপীশিং মপাঙ্গল কনখৎহন্নবা মরুওইবা তুং কোইনা চৎনগদবা হিংনবগী লম্বী অমা ওইহন্নবা মীৎয়েং থমগনি‍।

ত্রেনিং এজেন্সীশিংগী খুৎশম্নরগা নুপীশিংদা ফুদ সেফতী, হকশেল অমসুং লু-নানবা, শিৎ-শেংবা, অকোয়বগী ফীভম, থোং-থাকপগী হৈশিংবা অমদি ওন্ত্রপ্রিনিউরসিপ স্কিলশিংগী হীরমদা ত্রেনীং পীননবগীদমক তুরিজম পাঙথোক্কনি‍।

এন.জি.ও.শিং, ইম্প্লিমেন্তিং এজেন্সী খরা, ত্রেভেল ইন্দস্ত্রীগী লুপনচিংবশিংনা পাঙথোকপা সেন্সিতাইজেসন ৱর্কসোপশিংগী খুত্থাঙদা নুপীশিংবু শরুক য়াহন্দুনা লেংবিরকপনা অথোইবনি হায়বা পাউজেলগী মরমদা খঙহনগনি‍।

নুপীশিংগী হিংনবগী লম্বী পীননবগীদমক কম্ম্যুনিতী দ্রিভন অমসুং নুপীশিংনা লমজিংবা খুঙ্গঙগী অমদি ময়োললমগী হোমস্তেশিং শেমগৎপা‍।

ইনক্রেদিবল ইন্দিয়া তুরিস্ত ফেসিলিতেতা (আই.আই.তি.এফ.) সর্তিফিকেসন প্রোগ্রামগী মতাংদা পাক শন্না খঙহনবা‍।

থৌরাং অসিদা তুরিজম মন্ত্রালয়না পীগদা ঙাক্লৌ মওংশিংদি:

এম.ও.য়ু.গী মখাদা এফ.এল.ও. অমসুং তি.এ.এ.আই.গী থৌরাংশিং শৌগৎপা।

এম.ও.তি.গী লোগো হাপ্তুনা কো-ব্রান্দিং তৌবা।

লমজিং পীবা অমদি খুৎ থিংজিনবা।

অচুম্বা মওংদা শমজিন্নদুনা ফেসিলিতেত তৌবা।

*****