হাউজিং অমসুং অর্বান এফিয়র্স মন্ত্রালয়গী এম.ও.এস. (আই/সি), শ্রী হর্দীপ এস পুরিনা ফোঙদোকখি মদুদি “স্বছ সুর্বেক্সননা ঐখোয়গী সহর পুম্নমক্তা লুনান্না থম্নবগী ৱাখল্লোন অসি লৌখৎনবা অচৌবা পোরম অমা পীবগা লোয়ননা স্বছ ভারত মিসন -অর্বান (এস.বি.এম.-য়ু)গী মখাদা চাউনা কান্নবা পীদুনা মতেং লেপ্তনা পাংলগনি। সহরশিংনা তৌরিবা থবকশিং অসিনা ময়েক শেংনা উৎলি মদুদি ঐখোয়না  ‘স্বছ’ (লুনানবা) খক্তাগী লম্বী শেম্বদা নত্তনা ‘স্বস্থা’ (হকচাং ফাবা), ‘সশক্তা’ (অকনবা), ‘সমপন’ (য়াইফবা) অমসুং অত্মানির্ভার (মীপান-তাংদবা) অনৌবা ভারত অমা শেম্নবা চংশিল্লি!” এম.ও.ঐচ.য়ু.এ.না শিনবা স্বছ মহোসব হায়না মিংথোনবা ভর্চ্যুল থৌরম অমদা ভারত সরকারগী হাউজিং অমসুং অর্বান এফিয়র্স মন্ত্রালয় (এম.ও.ঐচ.য়ু.এ.)না পাঙথোকপা এন্যুল ক্লিনলিনেস অর্বান সর্ভেগী মঙাশুবা শরুক, স্বছ সুর্বেক্সন ২০২০গী মনাশিং মহাক্না য়েন্থোকখি। অমরোমদা ইন্দোরনা মীয়াম্না পাম্নরিবা ভারতকী খ্বাইদগী লুনানবা সহরগী মিংথোল ফংখি, সুরৎ অমসুং নবি মুম্বাইনা অনিশুবা অমসুং অহুমশুবা মথং শিৎনা তাখি (মীশিং > লাখ ১গী কাংলুপ্তা)। > ১০০ য়ু.এল.বি. কাংলুপকী ওইনা  ছত্তিসগরনা ফীদমনীংঙাই ওইরবা ভারতকী খ্বাইদগী লুনানবা রাজ্যগী মিংথোল ফংখি অমরোমদনা < ১০০ য়ু.এল.বি. কাংলুপকী ওইনা  ঝর্খন্দনা ভারতকী খ্বাইদগী লুনানবা রাজ্যগী মিংথোল ফংখি। অহেনবা মনা ১১৭সু মন্ত্রীনা য়েন্থোকখি (ফলশিংগী অকুপ্পা ৱারোল www.swachhsurvekshan2020.orgদা ফংগনি)। লৈবাক অসিগী মফম কয়াদগী মশক নায়রবশিং, শ্রী দুরগা শঙ্কর মিশ্রা, সেক্রেতরী, এম.ও.ঐচ.য়ু.এ., চীফ সেক্রেতরীশিং, প্রিন্সিপল সেক্রেতরীশিং, ম্যুনিসিপাল কম্মিস্নরশিং অমসুং লুনানহল্লিবা মীওইশিংনা ওনলাইন থৌরম অসিদা শরুক য়াখি।

মন্ত্রীনা লৈবাক্কী মফম কয়াদগী খনগৎলবা য়ুমদা অমাংশঙ শাখ্রবা বেনিফিসরীশিং, সাফাইকর্মিস নত্রগা সেনেতেসন ৱার্করশিং, অমোৎপা খোমখৎকিবা মীওইশিং অমসুং স্বছ ভারত মিসিন-অর্বান (এস.বি.এম.-য়ু)গা লোয়ননা থবক তৌমিনরিবা সেল্ফ হেল্প গ্রুপশিংগী মীহুৎশিংগা লোয়ননা ৱারী শাখি।  থৌরম অসি https://webcast.gov.in/mohuaদা অমসুং এস.বি.এম.-য়ুশিংগী সোসিএল মিদিয়া হেন্দলশিংদা লাইফ ওইনা ৱেবকাস্ত তৌখি

অথোইবশিং অমসুং প্রজাশিংদা ৱা ঙাংলদুনা মন্ত্রীনা হায় “চহি মঙাগী মমাংদগী ইকাইখুম্নরবা প্রধান মন্ত্রীনা মঙলান অমা মঙখি – স্বছ ভারতকী মঙলান অমা। ঙসি, ভারতকী সহরগী প্রজা খুদিংমক্না করম্না পুনশিন্দুনা মঙলান অসি মঙ ফাওনবা ঙমহন্নবা হোৎনরিবা অসি উবদা ঐখোয়না য়াম্না চাউথোকচৈ লোয়ননা নুংঙাইবা পোকই। হৌখিবা চহি মঙা অসিদা, মিসন অসিনা করম্না মীওইবগী হকশেলদা, হিংনবগী পাম্বৈশিংদা,পুন্সি মহিংদা অমসুং খ্বাইদগী মরু ওইনা, মখোয়গী ৱাখল্লোনদা অমসুং মখোয়গী শাজথশীংদা অচৌবা অহোংবা অমা পুরক্কে হায়বা ঐখোয়না উবা ফংখ্রে”। মন্ত্রীনা হায় মখা তানা মীপুম খুদিংমক্না মখোয়গী থৌদাং লৌদুনা অমসুং অশেংনা লুনানবগী লান্মী অমা ওইদুনা অমোৎপশিং মফম চানা হুন্দোকপা, অমুক্তা শীজিন্নরগা হুন্দোকপা প্লাস্তিক শীজিন্নদবা অমসুং সেনিতেসন ৱার্করশিংবু ইকাইখুম্নবা উৎপা অসিগুমবা স্বছতাগী হৈনবীশিং অসি লৈগদবনি।

মালেমগী খ্বাইদগী চাউবা অর্বান সেনিতেসন সর্ভেগী হৌরকফমগী মতাংদা ৱা ঙাংলদুনা শ্রী পুরিনা শন্দোকনা তাকখি, “স্বছ ভারত মিসিন-অর্বান (এস.বি.এম.-য়ু) অসি ২০১৪দা হৌদোকপা মতমদা, মসিগী থমখিবা পান্দমদি ভারতকী সহরগী মফম অসি ১০০% ওপন দেফিকেসন ফ্রী (ও.দি.এফ.) ওইহনবগা লোয়ননা ১০০% সাইন্তিফিক সোলিদ ৱেস্ত মেনেজমেন্ত তৌবনি। সহরগী মফমশিংদা ও.দি.এফ.কী ৱাখল্লোন অমত্তা লৈরমদবা অমসুং সোলিদ ৱেস্ত প্রোসেসিং অসি ১৮% খক তৌরমখি, করিগুম্বা ইকাইখুম্নরবা প্রধান মন্ত্রীগী স্বছ ভারতকী মঙলান অসি মায় পাক্কে হায়রবদি খোঙথাং অসি চহি মঙাগী মনুংদা কনশিনবা মথৌ তাই হায়না মসিনা তাক্লি। মরু ওইবা লুনানবগী হীরমশিং অসিদা মখোয়না লৌখৎলিবশিং অসি ফগৎহনবা হেন্নবা রাজ্যশিং অমসুং সহরশিংগী মরক্তা থবক্কী খোঙজেল য়াংশিন্নবা অমসুং থৱায় য়াওনা চাংদম্নবগী ৱাখল্লোন লৈনবা পোরম অমা মথৌ তাখি। সহরশিংদা অর্বান সেনিতেসনগী ফীভম ফগৎনবা অমদি প্রজাশিংনা চাউনা শরুক য়ানবা চাংদম্নবগী পোরম অমা ওইরিবা স্বছ সুর্বেক্সন (এস.এস.) অসি শেমগৎপা অমসুং ইমপ্লিমেন্ত তৌবগী ৱাখল লাকখ্রিবা অসি মসিদগীনি।”

এস.বি.এম.-য়ু.গী মখাদা হৌখিবা চহি তরুক অসিদা শীংথানীংঙাই ওইবা থবক কয়া লৌখৎপগা লোয়ননা মন্ত্রীনা মিসন অসিগী মথংগী তাঙ্কক্কী ৱাখল্লোন অদুসু থমখি, “ঐখোয়না লৌখৎকদোরিবা খোঙথাংশিং অসি অমাংশঙশিংদগী অমাং অশোই অমদি য়ুমশিং অমসুং কালকার খানশিংদগী থাদোরকপা গ্রে অমসুং ব্লেক ৱাতর মফম চানা থম্বা, পুবা অমসুং হুন্দোকপদা ওইগনি। মসিগা লোয়ননা ঈশিংগী ইপাকশিংদা থাদোক্তিঙৈদা ফত্তবা ঈশিং অসি ত্রীৎমেন্ত তৌবা, অমসুং মখোয় অসি অমুক হন্না শীজিন্নবা য়ানবা অঙম্বা চাংদা হোৎনবা হায়বা অসি ঐখোয়গী পান্দমনি। পুম্নমক অসিগা লোয়ননা ‘অওনবা পুরকপা’ অসিদা ঐহাক্না ঐখোয়গী সেনিতেসন ৱার্করশিং, মাংজিল থারিবা মীওইশিংগী চেকশিং থৌরাংগী মরমদা ৱাদবা ঙমদে। মরম অসিনা মিসন অসিগী মথংগী তাঙ্কক্তা সেনিতেসন ৱার্করশিংগী চেকশিন থৌরাংগী পোৎলম অমসুং মেকনাইজ তৌরবা খুশু খুলাই মরাং কায়না ফংহন্নবা মীৎয়েং হেন্না চংলগনি।”

শ্রী দুর্গা শঙ্কর মিশ্রা, সেক্রেতরী, এম.ও.ঐচ.য়ু.এ.না থৌরম অসিদা ৱা ঙাংলদুনা হায়, “এম.ও.ঐচ.য়ু.এ.না জনুৱারীদা সহর ৭৩ রেতিং তৌনবা স্বছ সুর্বেক্সন ২০১৬ সর্ভে পাঙথোকখি, মতুংদা সহর ৪৩৪গী রেঙ্কিং পীনবা জনুৱারী-ফেব্রুৱারী ২০১৭দা স্বছ সুর্বেক্সন ২০১৭ পাঙথোকখি। স্বছ সুর্বেক্সন ২০১৮ অসিনা মালেমগী খ্বাইদগী চাউবা লুনানবগী সর্ভে ওইদুনা সহর ৪২০৩ রেঙ্ক পীখি মতুংদা এস.এস.২০১৯ অসিনা সহর ৪২৩৭ কোনশিনবতা নত্তনা হীরম অসিদা নুমিৎ ২৮নিগী অতেনবা মতমগী মনুংদা দিজিতেল সর্ভে মপুং ফানা লোয়শিনবা ঙমখিবা অহানবসু ওইবা ঙমখ্রে। স্বছ সুর্বেক্সন ২০২০ অসিনা খোঙজেং অসিদা লেপ্তনা চত্থরক্লি অমসুং অপুনবা সহর ৪২৪২,  কেন্তোনমেন্ত বোর্দ ৬২ অমসুং গঙ্গা তাউন ৯৭ সর্ভে তৌখ্রে অমসুং প্রজা কোতি ১.৮৭না শরুক য়ারি। খোঙথাং অমা মাংলোমদা চংশিনবা ওইনা সহরশিং থবক ফজনা তৌবা ঙম্নবা মন্ত্রালয় অসিনা হৌখিবা চহিদা স্বছ সুর্বেক্সন লীগ হৌদোকখি, চহি অসিগী ওইনা মসি সহরশিং অমসুং তাউনশিংগী লুনানবগী এসেসমেন্ত থা অহুমগী ওইনা অহুমলক তৌগনি লোয়ননা মসিগী ফলগী ২৫% অসি স্বছ সুর্বেক্সনগী অরোইবগী ফমশিংদা তিনশিনগনি। লোয়ননা স্বছ সুর্বেক্সনগী পোরম অসিগী থৱায় য়াওবা মওং অসি লেপ্তনা হেনগৎলক্লি। ফলশিং য়েংশিন্নবা লৈবা ফ্রেমৱার্ক অমা খক নত্তনা, স্বছ সুর্বেক্সন্না এস.বি.এম-অর্বান ইমপ্লিমেন্ত তৌবা হেনগৎহন্নবা মচাক অমা ওইদুনা “স্বছতা” ওইহন্দুনা ফলশিংনা কান্নবা ফংহল্লি।

দুর্গা শঙ্কর মিশ্রানা মখা তারদুনা হায়খি, “স্বছ সুর্বেক্সন ২০২০ অসিগী সর্ভে তিমনা শুবন্তগী নুমিৎ ২৮দা মী তাবা মফম ৫৯,০০০ হেনবদা অমসুং ললোন ইতিক তৌবা মফম ২০,০০০ হেনবদা চৎতুনা ৱার্দ ৬৪,০০০ চৎপা ঙমখিবগা লোয়ননা হেন্না চাউথোরক্লি”।

স্বছ সুর্বেক্সন ২০২০গী মরু ওইবা ৱাফম খরা মখাদা পীরি:

• প্রজা কোতি ১.৮৭দগী ফীদবেক ফংখ্রে
• স্বছতা এপ্তা প্রজা কোতি ১.৭না রেজিস্তর তৌরকখ্রে
• সোসিএল মিদিয়াদা মীওই কোতি ১১ রোমনা পাম্নবা
• সেনিতরী ৱার্কর লাখ ৫.৫কী মথক্তা য়াইফ থৌরাংগী স্কিমশিং য়াওহনবা অমসুং অমোৎ অকায় খোমগৎপা মীওই ৮৪,০০০ হেনবা অসি মেনস্ত্রীমদা হাপচিনবা
• অর্বান লোকেল বোদীশিংগী মখাদা মীওই লাখ ৪ হেনবদা কন্ত্রেক্তা থবক পীরি
• গার্বেজ ভলনরেবল পোইন্ত ২১,০০০ হেন্না খঙদোক্তুনা অমসুং অহোংবা পুরকখ্রে

২০১৪দা হৌদোকখিবা স্বছ ভারত মিসন-অর্বান (এস.বি.এম.-য়ু)না সেনিতেসন অমসুং সোলিদ ৱেস্ত মেনেজমেন্তগী লম অনিমক অসিদা শীংথানীংঙাই ওইনা খুমাং চাউশিল্লক্লি। এম.ও.ঐচ.য়ু.এ.গী সেনিতেসন প্রোতোকলশিংগী মতুং ইন্না অর্বান য়ু.এল.বি. ৪,৩২৪ অসি ও.দি.এফ. ওইনা লাউথোকখ্রে, সহর ১,৩১৯না ও.দি.এফ.+ ওইনা শকখঙখ্রে অমসুং সহর ৪৮৯না ও.দি.এফ.++ ওইনা শকখঙখ্রে। হায়রিবা অসি মিসন অসিগী থম্লিবা পান্দমশিংদগী হেন্দোক্তুনা য়ুমথোং লাখ ৬৬ হেনবদা অমাংশঙ শাবা অমসুং কম্ম্যুনিতী/পব্লিক্কী অমাংশঙ লাখ ৬রোম শাবা ঙমখিবা অসিনা ওইথোকহনবনি। মসিগী মথক্তা সহর ২৯০০+গী অমাংশঙ ৫৯,০০০ রোম গুগল মেপশিংদা হাপখ্রে। সোলিদ ৱেস্ত মেনেজমেন্তগী লমদা ৱার্দ ৯৬%দা য়ুম-য়ুমদা চৎতুনা খোমগৎলি অমরোমদা মসিগী অপুনবা ৱেস্তকী ৬৬% প্রোসেস তৌরি- ২০১৪দা প্রোসেসিং ১৮% তৌরম্বদগী শরুক ৪গী ময়াদা হেনগৎখ্রে। এম.ও.ঐচ.য়ু.এ.গী গারবেজ ফ্রী সিতীসকী স্তার রেতিং প্রোতোকলগী মতুং ইন্না অপুনবা সহর ৬ (ইন্দোর, অম্বিকাপুর, নবি মুম্বাই, সুরৎ, রাজকোৎ অমসুং মাইসুরু) অসি স্তার-৫ কাবা সহর ওইনা রেতিং পীখ্রে, সহর ৮৬না স্তার-৩ অমসুং সহর ৬৪না স্তার-১ পীখ্রে।

থৌরম অসিগী মরু ওইবা অতোপ্পা শরুকশিংদা স্বছ সুর্বেক্সন ইন্নোবেসনশিং অমসুং খ্বাইদগী ফবা খোঙথাংশিংগী রিপোর্তশিংগা লোয়ননা স্বছ সুর্বেক্সন ২০২০ সর্ভে রিপোর্ত, স্বছ সুর্বেক্সন সোসিএল মিদিয়া রিপোর্ত অমসুং গঙ্গা তাউনগী এসেসমেন্তগী রিপোর্ত ফোঙবা য়াওরি। মিসন অসি মায় পাকপা অমা ওইনবা হোৎনবদা মরু ওইবা থৌদাং লৌখিবশিং অদুগী মরক্তা য়ুনাইতেদ নেসন্স এজেন্সী ফোর ইন্তর্নেস্নেল দিবেলপমেন্ত (য়ু.এস.এ.আই.দি./ইন্দিয়া), বিল এন্দ মেলিন্দা গেৎ ফাউন্দেসন, মাইক্রোসোফ ইন্দিয়া, গুগল, জনাগ্রহাগুম্বা পার্তনর ওর্গনাইজেসনশিংবু মন্ত্রীনা থাগৎপা ফোঙদোকপা স্বছ সুর্বেক্সন অসিদা উবা ফংখি।

মমাং থাদা, এম.ও.ঐচ.য়ু.এ.না স্বাছ সুর্বেক্সন ২০২১ সর্ভেগী তরুক শুবা এদিসন লোঞ্চ তৌখ্রে। মন্ত্রালয়গী সেনিতেসন ভেল্যু চেন ফংহন্নবা খোঙথাংশিং ৱাখলদা থম্লগা স্বাছ সুর্বেক্সন ২০২১ ইন্দিকেতরশিংনা অমাং অশোয়গা লোয়ননা ৱেস্তৱাতর ত্রিৎমেন্ত অমসুং অমুক হন্না শিজিন্নবগা মরী লৈনবা পেরামীতরশিংদা মীৎয়েং চংলি। চপ মান্ননা সুর্বেক্সনগী তরুকশুবা ইদিসন্দা ৱেস্ত মেনেজমেন্ত অমসুং লেন্দফিলশিং লৌথোকপগী অরুবা ইসুশিং মাংদা পুথোরকখি।  মসিগী মথক্তা, স্বাছ সুর্বেক্সন ২০২১দা সব কেতগোরী মঙা – দিব্য (প্লাতিনম), অনুপম (গোল্দ), উজ্জৱাল (সিলভর) উদিৎ (ব্রোঞ্জ), আহোরী (এসপাইরিং) লৈবা অনৌবা পর্ফোর্মেন্স কেতগোরী, প্রেরক দোর সম্মান হৌদোকপা থেংনখ্রে। হৌজিক লৈরিবা ‘পোপুলেসন কেতগোরী’, সহরশিং য়েংশিন্নবগী ক্রাইতেরিয়া অসিগী মথক্তা মসিগী অনৌবা কেতগোরী অসিনা খনগৎলবা ইন্দিকের ৱাইস পর্ফোর্মেন্স ক্রাইতেরিয়া তরুক্কী বেসিস্তা সহরশিং খায়দোক্লগনি।

চহি কয়াদগী দিজিতেল ইনোবেসনশিংনা মতম পুম্বদা মিসন অসিগী মাংজিল থাদুনা প্রজাশিংদা এঙ্গেজ তৌবা হেনগৎহনবগা লোয়ননা মশিং হেনগৎহন্দুনা অমসুং আউৎকমশিং হেন্না ফজনা মোনিতর তৌরি। মসি মন্ত্রালয়না হন্দক্তা লোঞ্চ তৌখিবা ইন্তিগ্রেতেদ এম.আই.এস. পোর্তেল অদুনা মপাঙ্গল কনখৎহন্দুনা প্লেৎফোর্ম অমখক্তদা দিজিতেল ইনিসিএতিব ময়াম অমা পুরক্তুনা রাজ্যশিং অমসুং সহরশিংদা পুন্না অমসুং কোম্না কান্নবা ফংহল্লি অমসুং স্বাছ অমা শেম্বা খক্তা নত্তনা অশেংবা দিজিতেল ইন্দিয়া অমা শেম্নবা লম্বেলদা চংশিল্লি।   

রেঙ্কিংগী লিস্ত পুম্নমক্কী য়েংনবা লিঙ্ক অদুদি https://swachhsurvekshan2020.org/Rankingsনি।

******