কেমিকেল অমসুং ফর্তিলাইজরগী য়ুনিয়ন মিনিস্তর শ্রী দি.ভি. সদানন্দা গৌদানা হায়খি মদুদি চৎলিবা খারিফ লৌরোক পান্থাদা হার মরাং কাইনা ফংহন্নবগী থাজবা লৈরে অমসুং মহাক্কী মিনিস্ত্রী অসিনা হার য়েল্লিবা অসিদা য়াম্না কুপ্না য়েংশিল্লি।

তেলঙ্গনাগী এগ্রিকলচর মিনিস্তর শ্রী সিঙ্গিরেদি নিরঞ্জন রেদিনা তেলঙ্গনাগী য়ুরিয়া ফংহন্নবগী মতাংদা ঙসি নই দিল্লীদা শ্রী গৌদাগা উনখ্রে। শ্রী রেদিনা হায়খি মদুদি হন্দক্কী খারিফ লৌরোক পান্থাদা হার মরাং কাইনা য়োন্দুনা স্তেত অসিদা লৌউবদা শিজিন্নবা হার মমাং চহিদগী হেল্লী। মহাক্না চৎলিবা থা অসিদা তেলঙ্গনাগী হার য়েন্থোকপা থুজনবিনবা হায়জখি।   

শ্রী গৌদানা হায়খি মদুদি ফর্তিলাইজরগী দিপার্তমেন্তনা য়ুরিয়া য়েনবা অসিদা য়াম্না কুপ্না য়েংশিল্লি অমসুং লোয়ননা চয়োল খুদিংগী ভিদিও খুত্থাং লৌরি। ওফিসিএলশিং মনুংদা পাউ ফাওনবগী নুমিৎ খায়দোক্লি অমসুং মসিদা লাকপা চয়েৎনবশিং অসি অহানবা ওইনা লৌখৎতুনা য়েংশিনগনি।

মহাক্না হায় মদুদি হারশিং অসি য়েনবদা তঙাইফদনা চংগদৌবশিং য়ানখিবা ৱারেপ অমদা থম্লি হায়রিবা অসি য়াম্না কুপ্না য়েংশিন্দুনা লৈরি।

শ্রী গৌদানা তেলঙ্গনা সরকারদা হার য়োলখিবা, ফংলিবা অমসুং স্তোক্তা লৈরিবশিং মতম মতমগী ওইনা দেতা শেম্দুনা আই.এফ.এম.এস. দাশবোর্দ থাগৎকদবনি হায়না হায়খি মসিনা মতম চানা হার ফংহনবদা মতেং পাংগনি। মহাক্না থাজবা পীখি মদুদি হার য়েনবগী মথৌ অসি কনখৎহনগনি অমসুং দিপার্তমেন্তনা তেলঙ্গনাগী লৌমীশিংনা চংগদবা হার ঙমজবা থাক্তা ফংহনগনি।

তেলঙ্গনা স্তেতকী ওইনা ২০২০গী খারিফ লৌরোক পান্থাদা চংগদবা হার অসি মেত্রিক তোন লাখ ১০.০০নি। মসিগা মরী লৈননা এপ্রিল ১দগী ওগস্তকী ১৬ ফাওবদা চংগদবা অসি মেত্রিক তোন লাখ ৬.৭৯নি মসিগী মথক্তা ফর্তিলাইজরগী দিপার্তমেন্তনা ফংহনলিবা য়ুরিয়া অসি মেত্রিক তোন লাখ ৯.০৪নি, মসি ওপনিং স্তোক মেত্রিক তোন লাখ ৪.০১য়াওরগনি।

চৎলিবা ওগস্ত থা অসিদা মেত্রিক তোন লাখ ২.৫০ চংগনি হায়না পারি। অদুবু ফর্তিলাইজরগী দিপার্তমেন্তনা মেত্রিক তোন লাখ ৩.৩৮ (ওপনিং স্তোক মেত্রিক তোন লাখ ২.৬৭ য়াওরগা) ফংহল্লি. ২০২০গী ওগস্তকী ১৬ ফাওবদা তেলঙ্গনাদা লৈরিবা য়ুরিয়াগী স্তোক অসি মেত্রিক তোন লাখ ১.৭৬নি হায়রিবা অসি চৎলিবা থা অসিদা পারিবা মেত্রিক তোন লাখ ১.২০দগী হেন্দুনা কোন্নরি।

                                                            **************