কেন্দ্রগী ত্রাইবেল এফিয়র্স্কী মন্ত্রী শ্রী আর্জুন মুন্দানা লৈবাক শীনবা থুংনা শহর ৩১দা ভিদিও কনফরেন্সকী খুত্থাংদা 'কাংখোংদা ত্রাইবস ইন্দিয়া' হায়বা মোবাইল ভেন লমথাখ্রে। শ্রীমতি রেনুকা সিংহ সরুতা, ত্রাইবেল এফিয়র্স্কী রাজ্যগী মন্ত্রীনা অথোইবা মীথুংলেন ওইখি, শ্রী রমেশ চান্দ মীনা, চীয়রমেন, ত্রাইফেদ, শ্রী দিপক খন্দেকর, সেক্রেতরী, ত্রাইবেল এফিয়র্স মন্ত্রালয়, অমসুং শ্রী প্রবির কৃষ্ণ, মেনেজিং দিরেক্তর ত্রাইফেদসু শরুক য়াখি। হৌদোকপগী ওইনা অহেমদবাদ, অলাহবাদ, বেঙ্গলোর, ভোপাল, চেন্নই, কোইম্বাতোর, দিল্লী, গুৱাহাতী, হাইদেরবাদ, জগদাল্পুর, খুন্তি, মুম্বাই অমসুং রাঞ্চিদা মোবাইল ভেন ৫৭ লমথাখি।

থৌরম অদুদা ৱা ঙাংলদুনা শ্রী অর্জুন মুন্দানা হায়খি মদুদি হৌজিক ওইরিবা ৱারবা মতম অসিদা, কোবিদ-১৯ লাইচৎনা মীওইবগী পুন্সিবু হীরম অমত্তদা নত্তনা কয়ামরুমদা অৱাবা পীরিবা মতম অসিদা, মীওই কয়ানা হকচাং ফনা হিংনবা হোৎনরি অমসুং ঙমজবী থাক্তা তেক্ত-কাইদনবা হোৎনরি। ত্রাইফেদনা লৌখৎলক্লিবা অনৌবা খোংথাং অসিনা মীয়াম্বু ওর্গানিক ওইবা, হকচাং নাদনা থম্বা য়াবা পোত্থোকশিং লৈনবগীদমক দুকান চৎপগী তঙাইফদবদু লৈররোই, অমসুং তুংকোইনা চৎপা য়াবা অমসুং অনৌবা পুন্সি মহিং অমা হিংহনবা য়ারগনি। 'গো ভোকেল ফোর লোকেল' হায়বা মন্ত্র অদুবু ৱারবা মতম অসিদা 'গো ভোকেল ফোর লোকেল গো ত্রাইবেল' হায়না লৌখৎলদুনা ত্রাইফেদনা অৱাবা তারবা ত্রাইবেল মীয়ামদা খরতা ওইরবসু কোক্নবা হায়দুনা হৌজিক লৈরিবা ফ্লেগশিপ প্রোগ্রাম কয়া অসিগী মথক্তা অনৌবা প্রোগ্রাম কয়া অমা হাপচিনখ্রে, মসিনা অৱাবা কয়াদি কোকহল্লগনি। মোবাইল ভেনগী অনৌবা খোংথাং অসিগা লোইননা, ত্রাইফেদনা লৈকাই লৈকাইদা পোৎচৈ কয়া হকথেংননা পুদুনা চৎলি, অমসুং চপ মান্নবা দিস্কাউনশিং পীরি। য়োনবদা কারকপা খুদিংমক ত্রাইবেলশিংনা মখোয়গী চাগা হেনগৎনবগীদমক অমসুং পুন্সিগী লম্বী অমা ওইনবা হোৎনহনগনি।

শ্রীমতি রেনুকা সিংহ সরুতানা পীখিবা মহাক্কী ৱারোলদা, লাইচৎ অসিনা মীওইবগী পুন্সিদা অৱাবা কয়া পীরবা মতম অসিদা, মীওই কয়ানা হকচাং ফনবা অমসুং অশোই অঙাম য়াওদবা পুন্সি মহিং অমা লৌখৎপা পাম্নরক্লি। ত্রাইফেদনা লৌখৎলক্লিবা অনৌবা খোংথাং অসিনা মীয়াম্বু ওর্গানিক ওইবা, হকচাং নাদনা থম্বা য়াবা পোত্থোকশিং লৈনবগীদমক দুকান চৎপগী তঙাইফদবদু লৈররোই, অমসুং তুংকোইনা চৎপা য়াবা অমসুং অনৌবা পুন্সি মহিং অমা হিংহনবা য়ারগনি। মসিগী খোংথাং অসিনা খুঙ্গংগী লমশিংদা লৈরিবা ত্রাইবেল মীয়ামদা কান্নবা পীরগনি।

শ্রী আর.সি. মীনানা মহাক্কী ৱারোলদা হায়খি মদুদি, অৱাবা তারবা ত্রাইবেল মীয়াম্বু মহৌশাগী পুন্সি মহিংদা হঞ্জিনবা ঙম্নবগীদমক, ত্রাইফেদ, ত্রাইবেল এফিয়র্স মন্ত্রালয়না কাংখোংদা ত্রাইব ইন্দিয়া হায়বা অতোপ্পা ত্রাইফেদকী লান্মীশিংনা ত্রাইবেল মীয়ামগীদমক হোৎনরিবশিংগী শরুক অমা ওইনা হৌদোক্লি।

শ্রী প্রবির কৃষ্ণনা হায়খি মদুদি, কাংখোংদা ত্রাইবস ইন্দিয়া হায়বসি মহৌশাগী খুদোলশিংবু য়ুমগী থোঙ্গাল থোঙ্গালদা য়োহনবা হায়বনি। মসিগী মোবাইল ভেনশিং অসিনা মহৌশাগী অমসুং হকচাং কনখৎহনবা ত্রাইবেলশিংনা পুথোকপয়া ওর্গানিক ওইবা মচু, অকংবা হৈক্রু, লম্লক্কী খোইহী, গুন মরু, রাগি, ত্রাইফালা, অমসুং হৱাই মুক, উরাদ দাল, অমসুং অঙৌবা মরুশিংবু হকথেংননা লৈগদৌরিবা মীয়ামগী থোঙ্গালদা থা খরগী মনুং অসিদা ফংহনগনি। পোত্থোকশিং অসি য়োনবদা হেন্না খুমাং চাউশিন্নবগীদমক ত্রাইফেদনা করবার ৱালাশিংগসু পুন্দুনা হোৎনরি।

কাংখোংদা ত্রাইবস ইন্দিয়া হায়বসি ত্রাইফেদনা ত্রাইবেল মীয়ামগী থাক ৱাংহননবগীদমক লৌখৎলকপা অতোপ্পা খোংথাং অমনি।

হৌজিক্তি লাইচৎ অসিনা লৈবাক শীনবা থুংনা মীয়াম ৱাহল্লকপা থা মরি শুজিল্লক্লে। মীওই কয়ানা মখোয় মখোয়গী হিংনবগী লম্বী থিনরকপা মতমদা, ত্রাইফেদকী কাংবুনা ত্রাইবেল মীয়ামগী চাগা তানবা য়ানবগীদমক কন্না হোৎনরি।

লাইচৎ অসিনা ঐখোয়গী পুন্সিদা খঙহৌদনা থোমজিল্লকপা অমসুং খঙহৌদনা লোকদাউন তৌশিনখিবনা, ত্রাইবেলশিংনা পুথোকচবা পোত্থোক কোতি কয়া য়োনবা ঙমদনা তাদুনা লৈরি। মসিবু য়োন্থোকখিবা য়ানবগীদমক অমসুং য়োল্লিবা খুদিংমক ত্রাইবেলশিংগী অৱাবদা হকথেংননা মতেং পাংবা ঙম্নবগীদমক, ত্রাইফেদনা হায়রিবা পোৎলমশিং অসিবু ওনলাইন্দা মমল তানা ত্রাইবস ইন্দিয়া ৱেবসাইত্তা য়োন্নবা অমসুং অতোপ্পা এমাজোন, ফ্লিপকার্ত অমসুং জি.ই.এম.গুম্বা রিতেল প্লেৎফোর্মশিংদা য়োন্নবা খোংথাংশিং লৌখৎখিবনি।

আত্মনির্ভর ভারতকী খোঞ্জেলগা খম্ব্রাংননা চৎমিন্নদুনা ত্রাইফেদনা ত্রাইবেলশিংগী পোত্থোকশিং হকথেংননা য়োনবা য়ানবগীদমক অখন্নবা উমংগী পোত্থোক পুথোকপা অমসুং আর্তিসানশিংনা এম.এফ.পি.শিং হেন্দিক্রাফ অমসুং হেন্দলুমগী পোত্থোকশিং ওনলাইন্দা য়োনবা য়ানবা ই-মার্কেত অমা হৌদোক্নবা শেম শারে। ত্রাইবস ইন্দিয়া ই-মার্ত প্লেৎফোর্ম অসি ত্রাইবেলশিংনা মখোয়গী পোৎ অমহেক্তা লৈবাক অসিদা অমসুং মালেমগী অতোপ্পা লৈবাকশিংদা মখোয় মশাগী ই-দুকানগী মতেংনা য়োনবা য়ানবা হোৎনগনি। ত্রাইফেদনা পোত্থোক পুথোকপা ত্রাইবেল লাখ ৫গী মহৌশাগী পোত্থোক অমসুং খুৎনা শাজবা পোত্থোকশিং লৈবাক শীনবা থুংনা য়োন্নবা হোৎনরি।

*******