হকশেল অমসুং য়াইফ-য়ুম্বাল মন্ত্রালয়গী 'ই-সঞ্জিবনি' হায়বা দিজিতেল প্লেৎফোর্ম অসিনা  তেলি কন্সলতেসন লাখ ২ হেন্না পীখ্রে।

হায়রিবা পনখৈ অসি ওগস্তকী তাং ৯দগী হৌদুনা নুমিৎ তরানি খক্তগী অতেনবা মতমদা য়ৌবা ঙমখিবনি হায়না হকশেল অমসুং য়াইফ-য়ুম্বাল মন্ত্রী দা. হর্শ ভর্ধন্না তেলি কন্সলতেসন লাখ ১.৫ য়ৌবগী হরাউবা ফোংদোকপগী থৌরম অমা পাঙথোকপদা ময়াই তাংবল লৌদুনা ফোংদোকখিবনি। প্রধান মন্ত্রীগী 'দিজিতেল ইন্দিয়া'গী চাউখৎপগী মমি ওইনা ই-সঞ্জিবানি প্লেৎফোর্ম অসিনা মসিগী কান্নবা অমসুং কেয়র গিবর অমসুং মেদিকেল কম্ম্যুনিতী অমসুং কোবিদকী মনুংদা হকশেলগী সর্বিস থিরিবা মীওইশিংনা কান্নবা পীদুনা উৎখ্রে।

ই-সঞ্জিবানি প্লেৎফোর্ম অসিনা তেলিমেদিসিন সর্বিস মখল অনী হায়বদি দোক্তরদগী দোক্তরদা (ই-সঞ্জিবানি) অমসুং অনাবদগীদগী দোক্তরদা (ইসঞ্জিবানি ও.পি.দি.) তেলি কন্সলতেসন পীরি। অহানবগীসিনা অয়ুশ্মন ভারত হেলথ অমসুং ৱেলনেস সেন্তর (এ.বি.-ঐচ.দব্ল্যু.সি.)গী মখাদা থবক ওইনা পায়খৎলি। মসিনা হেলথ অমসুং ৱেলনেস সেন্তর লাখ ১.৫তা শক খঙলবা মেদিকেল কোলেজ হোস্পিতালশিংদা 'হব অমসুং স্পোক'কী মোদেলগা পুন্দুনা চলাইরি। রাজ্যশিংনা মেদিকেল কোলেজশিং অমসুং দিস্ত্রিক হোস্পিতালশিংদা 'স্পোক'শিংদা হায়বদি এস.ঐচ.সি., পি.ঐচ.সি. অমসুং ঐচ.দব্ল্যু.সি.শিংদা তেলি-কন্সলতেসন পীনবগীদমক 'হব'শিং শাগৎলি। হকশেল মন্ত্রালয়না অনীশুবা তেলিকন্সলতেসন সর্বিস ইসঞ্জিবানি ও.পি.দি. হৌদোক্তুনা এপ্রিল ২০২০দগী কোবিদ-১৯ লাইচৎকী য়েংদুনা অনাবদগী দোক্তরদা তেলিমেদিসিনগী সর্বিস পীরি। মসিনা কোবিদ শন্দোকপদা থিংনবগী উপাই অমা পুথোকপদা নত্তনা কোবিদ নত্তবা অনাবশিংগীসু কান্নবা পীরে।

ইসঞ্জিবানি অসি রাজ্য ২৩দা হৌজিক্কী ওইনা হৌদোকখ্রে অমসুং অতোপ্পা রাজ্যশিংদসু হৌদোক্নবা শেম শারি।

প্লেৎফোর্ম অসিগী মখাদা ই-হেলথকী খুদোংচাবা পীরিবা সর্বিস অসিবু মপুং ফানা শীজিন্নবদা মকোক তারিবা রাজ্যশিংদি তমিল নাদু (কন্সলতেসন ৫৬,৩৪৬), উত্তর প্রদেশ (৩৩,৩২৫), অন্ধ্র প্রদেশ (২৯,৪০০), হিমাচল প্রদেশ (২৬,৫৩৫), অমসুং কেরলা (২১,৪৩৩)নি। অন্ধ্র প্রদেশনা ঐচ.দব্ল্যু.সি. মেদিকেল কোলেজনা কন্সেলতেসন ২৫,৪৭৮ পীদুনা খ্বাইদগী য়াম্বগী মকোক থংলি অমসুং তমিল নাদুনা ও.পি.দি. সর্বিস পীদুনা কন্সেলতেসন ৫৬,৩৪৬ পীদুনা মকোক থংলি।

*****