২০২০গী ওগস্ত ১৭দা মুম্বাই য়ুনিভর্সিতিগী ভাইস চান্সসেল্লর সুহাস পেদনেকারনা ওনলাইন্দা ৩৩সুবা নেভেল হয়র কমান্দ কোর্স হৌদোকখ্রে। ওনলাইন ফোরমেত পুথোকপা অমসুং একাদেমিক অমসুং মিলিতরি ইজুকেসনগী থাক ৱাংখৎহনবগীদমক মহাক্না নেভেল ৱার কোলেজ, গোৱা থাগৎখি। নেভেল ৱার কোলেজনা চহি খুদিংগী পাংথোকপা চয়োল ৩৭গী ভারত নেভিগী মিলিতরি ইজুকেসনগী কোর্স অসিনা ঈশিংগী লাল্লোং, নেভিগী অমসুং অপুনবা ওপরেসনশিং অমসুং অওনবা পুরক্নপগী মতাংদা মিৎয়েং থম্লি। সাউথর্ন নেভেল কমান্দগী ফ্লেগ ওফিসার কমান্দিং-ইন-চীফ, ভাইস এদমিরেল এ.কে চাউলা, পি.ভি.এস.এম, এ.ভি.এস.এম, এন.এম, ভি.এস.এম, এ.দি.সিনা মহাক্কী ৱারোলদা শীনফম অমদা ফজনা মাইপাক্নবা অনৌবা থবকশিং তম্নবা তকশিনখি। নেভেল ৱার কোলেজগী কমান্দেন্ত, রিয়র এদমিরেল সঞ্জয় জে সিংহ, এ.ভি.এস.এম, ভি.এস.এমনা কোর্স শরুক য়ারিবশিং তরাম্না ওকখি অমসুং একাদেমি অমসুং মিলিতরি ইজুকেসন অনি পুনশিন্দুনা কোলেজ অসিদা অৱাংবা থাক্কী তাকপী-তম্বীবগী থবকশিং পায়খৎলিবা অদু পনখি।

কোর্স অসিদা শরুক য়ারিবা  ওফিসার ৩৫গী মনুংদা ভারত নেভিগী কেপ্তেন ২১, ভারত লান্মীগী কর্নেল ৭, ইন্দিয়ান এয়র ফোর্সকী গ্রুপ কেপ্তেন ৫ অমসুং কোস্ত গার্দকী কমান্দেন্ত ২ য়াওরি। সমুদ্রগী শরুক্তা অমসুং লৈবাক্কী ঙাক-শেনগা মরী লৈনবা ৱাফমশিংগী মতাংদা লৌশিং হেনগৎহন্নবা, রিছর্স অমসুং অরুবা থবকশিং পাংথোক্নবা ৱাখল খন্নবগী মতাংদা অকনবা ত্রেনিং পীনবা কোর্স অসিনা পান্দম থম্লি। পুন্না থবক তৌমিন্নবগী হৈশিংবা হেনগৎহন্নবা, ওফিসারশিং আর্মি ৱার কোলেজ, মহৌদা চয়োল অমগী জোইন্ত ওপরেসন কেপসুল শরুক য়াগনি। মপুং ফানা কোর্স শরুক য়াবশিংদা মুম্বাই য়ুনিভর্সিতিনা ‘দিফেন্স এন্দ স্ত্রাতেজিক ইস্তদিজ’গী এম.ফিল দিগ্রী পীগনি।

*****