২০২০গী নেভেল কমান্দর্স কনফরেন্স ২০২০গী ওগস্ত ১৯দগী অগস্ত ২১ ফাওবা নই দিল্লীদা পাংথোক্লগনি। কনফরেন্স অসি নেভেল কমান্দরশিংগী মরক্তা ৱা খন্ননবা খ্বাইদগী ৱাংবা থৌরমনি। চহি অসিগী মনুংদা পায়খৎলিবা অচৌবা ওপরেসনশিং, মেতরিএল, লোজিস্তিক, হুমেন রিছোর্স, ত্রেনিং অমসুং লৈঙাক্কী থবকশিং কমান্দরস-ইন-চীফকা লোয়ন্না চীফ ওফ নেভেল স্তাফনা হন্না য়েংশিনগনি অমসুং তুংদা পায়খৎকদবা থবকশিং খন্নগনি।

হন্দক ঐখোয়গী অৱাংবা মাইকৈগী ঙমখৈদা থোকখিবা থৌদোকশিং, কোবিদ-১৯না থোকহল্লিবা খুদোংচাদবশিং অসি য়েংলগা কনফরেন্স অসি য়াম্না মরুওই অমসুং নেভিগী অৱাংবা থাক্কী লুচিংবশিংনা ওপেরেসনশিং, খুৎলায়শিং ফজনা থম্বা, খুৎলায় লৈবগী ৱাফমশিং, মচাক-মথুমশিং শেমগৎপা, অফবা মীওই কয়া শেমগৎপা অমসুং লাইচৎ অসিনা ওইহল্লিবা অনৌবা নিয়মশিংগী মতাংদা খন্ননবগী মফম অমা  ওইরগনি।

কনফরেন্স হৌদোকপা নুমিৎতা দিফেন্স মিনিস্তরনা ৱা ঙাংগনি অমসুং কমান্দরশিংগা ৱারি শানগনি। কনফরেন্স অসি নেভেল কমান্দরশিংগা সরকারগী অতৈ ওফিসিএলশিংগা ৱারি শানবগী মফম অমনি।

কনফরেন্স অসি দিপার্তমেন্ত ওফ মিলিতরি এফেয়ার্স(দি এম এ) অমসুং চীফ ওফ দিফেন্স স্তাফ(সি দি এস) লিংখৎলবা মতুংদা অহানবা পাংথোকপা নেভেল কমান্দরস কনফরেন্সনি। কনফরেন্স অসিদা অপুনবা থৌরাং পায়খৎনবা থৌরাং, ত্রাই-সর্বিসগী থবক, ওপরেসনগী থৌরাং তৌবা অমসুং থবক নিংথিনা পাংথোকপা হেনগৎহন্নবা সর্বিস মনুংদা হন্না শেমদোক-শেমজিন তৌনবগী মতাংদা খন্নগনি।

প্রধান মন্ত্রীগী সাগার(সেকুরিতি এন্দ গ্রোথ ফোর ওল ইন দি রিজন)গী পান্দমগা লোয়ন্না ইন্দো-পেসিফিক লমদমদা পাকচাউনা সেকুরিতিগী থবকশিং পায়খৎনবা কমান্দরশিংনা খন্নগনি।

******