নোংমদা কোবিদ-১৯ তেস্ত পাংথোকপগী অনৌবা রেকোর্দ অমা ভারতনা থম্লে। নোংমদা খ্বাইদগী য়াম্না তেস্ত পাংথোকপা ওইনা,নোংমদা তেস্ত ৮,৯৯,৮৬৪ পাংথোকখি। মসিগা লোয়ন্না অপুনবা তেস্ত তৌখিবা মশিং ৩,০৯,৪১,২৬৪ য়ৌরে।

তেস্ত তৌবগী চাং য়াম্না ৱাংলবসু পোজিতিপ ওইবগী চাং য়াম্না নেমদুনা হৌজিক চাদা ৮.৮১দা লৈরি, চয়োলগী ওইনা নেসনেল এভেরেজনা চাদা ৮,৮৪ ওইরি।

হৌখিবা পুং ২৪দা মীওই ৫৭,৫৮৪ অনাবা ফরক্তুনা ভারতনা নোংমদগী মনুংদা খ্বাইদগী য়াম্না অনাবা ফরকপগী রেকোর্দ থম্লে। মসি পুং ২৪দা পোজিতিপ ওইখিবা কেস(৫৫,০৭৯)দগী হেল্লবনি। অনাবা মশিং হেন্না ফরকপা
অমসুং হোস্পিতালশিংদগী দিসচার্জ তৌখিবদগী অপুনবা অনাবা ফরবা মশিং লাখ ১৯ (১৯,৭৭,৭৭৯)হেল্লে। ঙসি অনাবা ফরবা মীওই অমসুং এক্তিব কেস মশিংগী মরক্তা লৈবা খেন্নবা অদু লাখ ১৩ হেল্লে।

নুমিৎ খুদিংগী ওইনা অনাবা ফগৎলকপগী চাং হেনগৎলকপদগী ভারতকী অনাবা ফগৎলকপগী চাং চাদা ৭৩.১৮ য়ৌরে অমসুং শিবগী চাংনা চাদা ১.৯২দা হন্থরে। কেন্দ্র সরকার অমসুং রাজ্য সরকারশিংনা অপুনবা ওইনা তেস্ত, ত্রেক, ত্রিৎগী লাল্লোং পায়খৎপদগী রাজ্য/য়ু.তি ৩০দা হন্থবা সি.এফ.আর লৈরে। অকনবা মওংদা তেস্ত তৌবগী থবকশিং চৎথবা অসিনা পোজিতিব কেসশিং ঙন্না মশক খঙদোকপা অমসুং নাইতোম লৈহনবা ঙম্মি। মসিনা মতম চানা ফজনা লায়েংদুনা শিবগী চাং হন্থহল্লি।

লৈবাক অসিগী অপুনবা কেস লোদ অসি অপুনবা পোজিতিপ কেসশিংগী চাদা ২৪.৯১ খক্তনি। মসিগী মশিং অসি য়াংনা হন্থরকপা উরে।

অকনবা থবকশিং পায়খৎপদগী লৈবাক অসিদা তেস্ত তৌনবা লেবশিং মশিং হেনগৎলক্লি। হৌজিক ফাওবদা লৈবাক অসিদা অপুনা লেব ১৪৭৬ লৈরে, মসিদা সরকারগী লেব ৯৭১ অমসুং লনাইগী লেব ৫০৫ য়াওরি।

হায়রিবা লেবশিং অদুদি:

রিএল-তাইম আর.তি পি.সি.আর তেস্তিং লেবস : ৭৫৫(সরকার :৪৫০+লনাই: ৩০৫)

ত্রুনেত তেস্তিং লেবস : ৬০৪(সরকার : ৪৮৭ + লনাই : ১১৭)

সি.বি.এন.এ.এ.তি তেস্তিং লেব : ১১৭ (সরকার :৩৪+লনাই:৮৩)

কোবিদ-১৯গা মরী লৈনবা তেক্নিকেল ওইবা ৱাফমশিং, চৎন-কাংলোনশিং অমসুং চেকশিনৱাশিংগী অচুম্বা অমসুং অনৌবা পাউগীদমক চাংনাইনা https://www.mohfw.gov.in দা চংবীয়ু ।

কোবিদ-১৯গা মরী লৈনবা তেক্নিকেল ওইবা ৱাহংশিংগীদমক technicalquery.covid19[at]gov[dot]in দা ইমেল থাবা য়াই অমসুং অতোপ্পা ৱাহংশিংগী ওইনা ncov2019[at]gov[dot]in অমসুং ত্বুইতশিংগী ওইনা @CovidIndiaSeva শীজিন্নবা য়াগনি ।

কোবিদ-১৯গী মতাংদা ৱাহং অমা হেক্ত হংনিংবা লৈরবদি হেল্থ অমসুং ফেমিলি ৱেলফিয়ার মিনিস্ত্রিগী হেল্পলাইন নম্বর : +৯১-১১-২৩৯৭৮০৪৬ নৎত্রগা ১০৭৫(তোল ফ্রি)দা কোল তৌবীয়ু । কোবিদ-১৯গী মতাংদা রাজ্যশিং/য়ুতিশিংগী হেল্পলাইন নম্বরশিং https://www.mohfw.gov.in/pdf/coronvavirushelplinenumber.pdf দা ফংগনি ।

*****