মিনিস্ত্রী ওফ রোদ ত্রান্সপোর্ত অমসুং হাইৱেজনা অইবা মাইনোরিতি এফিয়র্সগী য়ুনিয়ন মিনিস্তর শ্রী মুখতার অব্বাজ নগবিনা ঙসি হায়খ্রে মদুদি খঙহৌদনা লাকখিবা লায়চৎ অসিনা ‘চেকশিনবা, থৱায় য়াওবা অমসুং ইশাবু থাজবা’ ইন্দিয়নগীদমক অফবা মতম অমা ওইরি, মসিনা মালেম পুম্বদা খুদম অমা ওইরগনি ফিরাল হায়গৎতুনা হকশেলগী চেকশিন থৌরাং য়াওরবা মোবাইল ক্লিনিক অমা মাইনোরিতি এফিয়র্স মিনিস্ত্রীগী নেস্নেল মাইনোরিতিস দিবলপমেন্ত এন্দ ফাইনান্স কোর্পোরেসন (এন.এম.দি.এফ.সি.)না নই দিল্লীগী হোলি ফেমিলি হোস্পিতালদা খুৎশিন্নখ্রে, শ্রী নগবিনা হায় মদুদি মীয়ামগী পুন্সি মহিং অসি ফজনা হোংলক্লে। মীয়াম্না হৌজিক্তি সমাজগী থবক থৌরম্দা থৱায় য়াওবা হেনগৎলক্লি।

শ্রী নগবিনা হায়খি মদুদি কোরোনাগী লায়চৎ মনুং অসিদা মীয়াম্না থৱায় য়াওনা হোৎনবা অমসুং সরকারগী অকনবা ফিরেপ্না ইন্দিয়ানা হকশেলগী লমদা মরোম্দোম লেপচবা ঙম্লগনি। ইন্দিয়ানা এন-৯৫ মাস্ক, পি.পি.ই.. ভেন্তিলেতরশিং অমসুং অতোপ্পা খুলায়শিং মরোম্দোম পুথোকচবতা নত্তনা অতোপ্পা লৈবাক কয়াদসু মতেং পাংলি।

শ্রী নগবিনা হায়খি মদুদি হান্নদি লৈবাক অসিদা কোরোনাগী তেস্তিং লেব অসি অমা খক্তং লৈরম্মী। “ঙসিদি লৈবাক অসিগী কাচিন কোয়া কয়াদা শন্দোক্তুনা  ১৪০০ হেনবা লেবসগী নেতৱার্ক লৈখ্রে। কোরোনাগী লায়চৎ অহানবা হৌবদা নোংমদা তেস্ত ৩০০ খক্তা তৌবা ঙমখি, অদুবু য়াম্না অথুবা মতম্দা ঙসিদি ঐখোয়না নোংমদা লাখ ৭ হেন্না তেস্ত তৌবা ঙম্লে”, হায়না মহাক্না হায়খি। মহাক্না মখা তানা হায়খি মদুদি নেস্নেল দিজিতেল হেলথ মিসন অসি হৌদোকখ্রে। ইন্দিয়াদা লৈরিবা মীপুম খুদিংদা আই.দি. পীরগনি। নেস্নেল দিজিতেল হেলথ মিসন অসিনা ইন্দিয়াগী হকশেলগী মফমশিংদা অওনবা অমা পুরক্লগনি। মীওই অমগী তৌখিবা তেস্ত, লায়না পুম্বা, দোক্তরনা পীখিবা হিদাকশিং, রিপোর্তশিং পুম্বা হেলথ আই.দি. অসিদা য়াওগনি।

শ্রী নগবিনা হায়খি মদুদি মালেমগী খ্বায়দগী চাওবা হকশেলগী চেকশিনবগী স্কীম অসি “মোদী কেয়র” অসিনা মীয়ামগী হকচাং ফনবা অমসুং মীয়ামগী ফনবা ওইরি। “মোদী কেয়র”না লৈবাক অসিগী মীশিংগী ৪০% কোলশিল্লি। সরকার অসিনা চহি ৬ অসিদা লৌখৎলক্লিবা হকশেলগীদমক অসি মীশিং য়ামজরগসু ইন্দিয়ানা মায় পাক্না কোরোনা লায়চৎ অসিবু থেংনরি।

শ্রী নগবিনা হায়খি মদুদি সরকার অসিনা লেপ্পা লৈতনা হকশেলগী মচাকশিং হৌজিকানগী ওইবা মওংদা শেম্লি। লৈবাক অসিদা অনৌবা এ.আই.আই.এম.এস, ২২ অমসুং অনৌবা মেদিকেল কোলেজ ১৫৭ শাগৎখ্রে। চহি মঙাদা, এম.বি.বি.এস. অমসুং এম.দি. সিত অসি ছাত্র লিশিং ৪৫দা হেনগৎখি। লাখ ১.৫ হেনবা ‘ৱেলনেস সেন্তর’ অমসু খুঙ্গংশিংদা হৌদোকখ্রে।

শ্রী নগবিনা হায়খি মদুদি কোরোনা মনুংদা সরকারনা রাসন লেম্না করোর ৮০ হেনবা মীয়াম্দা য়েন্থোকখি; করোর লিশিং ৯০ হেনবা পৈশানা মশা মশাগী একাউন্দা চংহনখি। মসিনা লায়চৎ অসিবু য়ামনা শাথিবা অমদি ওইহন্দে।

শ্রী নগবিনা হায়খি মদুদি মাইনোরিতি এফিয়র্স মিনিস্ত্রীগী স্কিল দিবলপমেন্ত প্রোগ্রামগী মখাদি ত্রেনিং ফংলবা, হেলথ কেয়র এসিস্তেম্স ১৫০০ কোরোনানা নারবা মীওইশিং লায়েংবদা মতেং পাংনবা লৈখ্রে। হেলথ কেয়র এসিস্তেন্তশিং অসি ৫০% অমদি নুপীমচানি অমসুং মখোয়না কোরোনাগী অনাবশিংবু মখল কয়াগী হোস্পিতালশিংদা মথৌ তৌরি।

মিনিস্ত্রী অসিনা মমিং লৈরবা হোস্পিতালশিংদা হেলথ কেয়র এসিস্তেন্তশিংদা চহি অমগী ত্রেনিং পীরি। লৈবাক অসিগী হজ য়ুম ১৬ কোরোনানা শোকহল্লবা মীওইশিংগীদমক ক্বারেনতাইন অমসুং নাইতোম লৈননবগীদমক স্তেত সরকারদা শিন্নখ্রে। স্তেত সরকার কয়ানা মসিগী হজ য়ুম অসি দরকার লৈবগী মতুং ইন্না শিজিন্নরি।

শ্রী নগবিনা হায়খি মদুদি মোবাইল ক্লিনিক অসি মাইনোরিতি এফিয়র্স মিনিস্ত্রীগী এন.এম.দি.এফ.সি.না সি.এস.আর. প্রোগ্রাম মখাদা নই দিল্লীগী হোলি ফেমিলি হোস্পিতালদা লৈত লায়রবা অমসুং শোৎথরবশিংগীদমক শিজিন্নগনি। মসিদা অথু-অকাইগী ওইবা মল্তি পেরা মোনিতর, ওক্সিজেন ফেসিলিতি অমসুং মথন্তা  লোদিং তৌজবা স্ত্রেচর মসিনা য়াম্না লুনা শোকচিল্লবা অনাশিংগীদমক পুন্সি কনবা য়াবা মচাকশিং য়াওরি।

শ্রী নগবিনা হায়খি মদুদি এন.এম.দি.এফ.সি.নসু  মিনিস্ত্রী ওফ দিফেন্সগী পেরাপ্লেজিক রিহেবিলেসন সেন্তর (পি.আর.সি.) মোহালিদা স্কুতর, ফিজিওথেরাপিগী খুলায় অমসুং অতোপ্পা খুলায়শিং লান মনুংদা শোক্লবশিং শিজিন্নরি। খুলায়শিং অসিনা লান্মীশিংবু মহৌশাগী পুন্সিদা হনদজিনহল্লী। 

রিভরেন আনিল কৌতো, আর্কবিশোপ ওফ দিল্লী; শ্রী পি.কে. দাস, সেক্রেতরী, মাইনোরিতি এফিয়র্স মিনিস্ত্রীগী;ফাদর জিওর্জ, দাইরেক্তর, হোলি ফেমিলি হোস্পিতাল; শ্রী শাভাজ অলি, সি.এম.দি. এন.এম.দি.এফ.সি. অমসুং অতৈ মশক নাইবশিং থৌরম অসিদা য়াওখি। 

*****