কেমিকেলস অমসুং ফর্তলাইজরগী রাজ্য মন্ত্রী শ্রী মনসুখ মন্দাবিয়ানা ঙসি নেসনেল ফর্তিলাইজরস লিমিতেদ(এন এফ এল)গী পানিপত য়ুনিৎ য়েংখ্রে।

শ্রী মন্দাবিয়ানা হৌজিক পায়খৎলিবা থবকশিং হন্না য়েংশিনখি অমসুং লাইচৎ মনুংদা মখোয়না শিংথানিঙাই ওইবা থবকশিং পাংথোকপগীদমক এন.এফ.এল কিষান তিম থাগৎখি। কোবিদ-১৯না মরম ওইদুনা অকনবা অথিংবশিং থম্লিঙৈদা এন.এফ.এলগী পোৎশিৎ চাদা ৭১ হেনগৎখি।

থৌরম অদুদা মিনিস্তরনা হায়খি, পোৎথোক মতিক চানা পুথোক্নবা লৈবাক-লৈহাও চাংয়েং তৌবা অমসুং লৈবাক-লৈহাও ফনা থম্বা অসি তঙাইফদে।মহাক্না মোবাইল সোইল তেস্তিং লেবোরেতোরিসু য়েংখি অমসুং হার চাং চানা হাপ্নবগী মতাংদা মিৎয়েং চঙনবা মহাক্না ওফিসারশিংদা খঙহনখি। তুংদা মন্দাবিয়ানা চাউখৎলকপা অমসুং পাঙ্গলগী শক্তম অমা ওইনা উ অমা থাখি।

পানিপত য়ুনিৎতা থুংলবদা, কম্পেনি অসিগী চেয়রমেন অমসুং মেনেজিং দিরেক্তর, বিরেন্দ্র নাথ দত্ত অমসুং দিরেক্তর(তেক্নিকেল) নিরলেপ সিংহ রাইনা মিনিস্তর তরাম্না ওকখি। থৌরম অদুদা পানিপত য়ুনিৎকী চীফ জেনেরেল মেনেজর(মার্কেতিং)অনিল মোতসারা অমসুং জেনেরেল মেনেজর(ইন-চার্জ) রাতনাকর মিশ্রা অমসুং অতৈ সেনিয়র ওফিসারশিং শরুক য়াখি।

পানিপত প্লান্তগী অকুপ্পশিং মিনিস্তরদা উৎখি। উৎখিবা অদুগী মনুংদা, হার য়োনবগা মরী লৈনবা ৱাফমশিং অমসুং কম্পেনি অসি ফগৎহন্নবগী মতাংদা মিনিস্তরগা খন্নখি।

*****