মখাগী অসি মহাক্কী ৱারোলগী মরুওইবশিংনি

1. ঐগী নুংশিরবা ইরৈচাশিং, শেংলবা থৌরম অসিদা, নখোয় ময়াম থাগৎলি অমসুং য়াইফ-পাউজেল পীজরি।
2. কোরোনা মতম অসিদা, কোরোনা লান্মীশিংনা “সেবা পারমো ধর্ম” লাইৱা হিঙ্গৎহল্লে। ঐখোয়গী দোক্তরশিং, নর্সশিং, পেরামেদিকেল স্তাফশিং, এম্বুলেসকী মীওইশিং, লম-তু শেংলবশিং, পুলিসকী মীওইশিং, লান্মীশিং অমসুং মীওই কয়া নুমিৎ চুপ্পা লেপ্তনা থবক তৌরি।
3. মহৌশাগী খুদোংথিবশিংদগী লৈবাক্কী মফম কয়াদা মীওই কয়া লৈখিদবদা অৱাবা ফোঙদোকলদুনা তানফম অসিদা মপুংফানা শৌগৎকনি হায়না মহাক্না মীয়ামদা থাজবা পীখি।
4. ভারতকী নিংতম ইহৌনা মালেম শীনবা থুংনা ইথিল পীখি। অকনবা লাল মরক্তা ভারতনা মসিগী নিংতম ইহৌদা অকাইবা পীবা য়াখিদে।
5. কোবিদ লাইচৎ মনুংদা ভারতমচা করোর ১৩০না মশাগী ওক্নবা পুথোক্নবা ৱাশক লৌখি অমসুং ভারতকী পুক্নিংদা ‘অত্মানির্ভর ভারত’ খনখি। মসিগী মঙলান অসি ৱাশক অমা ওইরে। ঙসিদি ‘অত্মানির্ভর ভারত’ ভারতমচা করোর ১৩০গী লাইৱা অমা ওইরে। করিগুম্বা খর পাংথোক্নবা ঐখোয়না ৱারেপ লৌখিবদা, মদু ফংদ্রি ফাওবা ঐখোয় লেপ্লোই।
6. ঙসিদি মালেম অসি অমগা অমগা শম্নরে অমসুং অমনা অমগী মখা পোন্না হিংনরে। মালেমগী শেন-থুমদা ভারতনা মরুওইবা থৌদাং অমা লৌনবগী মতম অদু লাক্লে। লৌউ-শিংউ, স্পেসতগী হৌরগা হকশেলগী লমদা ভারতনা ‘অত্মানির্ভর ভারত’ শেমগৎনবা থবক কয়া পায়খৎলে। স্পেস সেক্তর মনিংতমহনবা অসিনা ঐখোয়গী নহারোলশিংদা অনৌবা থবক কয়া ফংহনগনি অমসুং মখোয়গী হৈশিংবা হেনগৎহনগনি হায়না ঐনা থাজবা থম্লি।
7. থা খরগী মমাংদা ঐখোয়না মপান্দগী এন-৯৫ মাক্সশিং, পি.পি.ই কিৎশিং অমসুং ভেন্তিলেতরশিং পুশিল্লকখি। লাইচৎ মনুংদা ঐখোয়না এন-৯৫ মাক্সশিং, পি.পি.ই কিৎশিং অমসুং ভেন্তিলেতরশিং শাবা খক নত্তনা মালেম শীনবা থুংনা পোৎলমশিং অসি থাদোক্লে।
8.  ‘মেক ইন ইন্দিয়া’গী মথক্তা, ঐখোয়না ‘মেদ ফোর ৱাল্দ’গী লাইৱা লৌগদবনি।
9. লুপা করোর ১১০গী নেসনেল ইনফ্রাস্ত্রকচর পাইপলাইন প্রোজেক্না ঐখোয়গী ইনফ্রাস্ত্রকচরশিং ফগৎহনগনি। হৌজিক ঐখোয়না লম্বী-থোঙ শেমগৎনবা পুক্নিং চঙগনি। তোঙান-তোঙানবা সেক্তরশিংগী প্রোজেক ৭,০০০ হেন্না মশক খঙদোক্লে। মসিনা ইনফ্রাস্ত্রকচর সেক্তরদা অনৌবা অওনবা অমা পুরক্লগনি।
10. কয়া য়াম্না কুইনা ঐখোয়গী লৈবাক্তগী পুখিবা রো মেতরিএলশিং শাবা লোইরবা পোৎথোক ওইরগা ভারত্ত অমুক পুরক্কনি। মতম অমদা ঐখোয়গী লৌউ-শিংউগী থবকশিং শোৎথরমখি। ঙসিদি ঐখোয়না ভারত খক থাকপা নত্তনা মালেমগী লৈবাক কয়া থাক্লে। মশাগী ওক্নবা পুথোকপা ভারত অসি মপান্দগী লৈবা হন্থহনবা খক নত্তনা ঐখোয়গী লৌশিং অমসুং ঐখোয়গী অনৌবা পুথোকপা ঙম্বা হেনগৎহনগনি।
11. ভারত্তা পুরকলিবা অওনবশিং মালেম অসিনা খঙলে। মসিগী ফল ওইনা, রেকোর্দ ওইনা এফ.দি.আই চঙলক্লে। কোবিদ লাইচৎ মনুংদা ফাওবা ভারত্তা এফ.দি আই চাদা ১৮ হেনগৎখি।
12. লৈবাক্কী লায়রবশিংগী জন ধন একাউন্তশিংদা লুপা করোর কয়া হাপচিনগনি হায়বা কনানা থাজবা ঙম্বগে? লৌমীশিংগী য়াইফনবা এ.পি.এম.সি এক্ত চাউনা হোংগনি হায়বা কনানা খনবগে? ঙসি লৈবাক অসিদা লৈবাক অমা-রেসন কার্দ অমা, লৈবাক অমা-তেক্স অমা, ইন্সোলভেন্সি অমসুং বেঙ্করপসি কোদ অমসুং বেঙ্কশিং পুনশিনবা থবক ওইনা পাংথোক্লে।
13. ঐখোয়না নুপীশিং শক্তি পীনবা থবক পায়খৎলে- নেভি অমসুং এয়র ফোর্সনা লান্ফমদা নুপীশিং শীজিন্নরে, হৌজিক নুপীশিং লুচিংবীশিং ওইরে অমসুং ঐখোয়না ত্রিপল তালাগ মুৎথৎলে অমসুং লুপা অমা পীবা সেনিতরি পেদশিং ফংহল্লে।
14. ঐখোয়না খঙলে-সমারথ্যমুল শ্বাতন্ত্রয়াম, শ্রামমুলান বাইববম। খুন্নাই অমগী থৌনা, লৈবাক অমগী নিংতম্বা অসি লৈবাক অদুগী শক্তিনি অমসুং লৈবাক অদু নুংঙাই-য়াইফনবা হৌরকফমনি।
15. লায়রবা ইমুং করোর ৭ হেন্না লেম্না গ্যাস সিলিন্দরশিং পীরে , মীওই করোর ৮০ হেনবদা কার্দ য়াওদনা লেম্না চেঙ পীরে, একাউন্তশিংদা করোর লিশিং ৯০ হেন্না হাপখ্রে। খুঙ্গংশিংদা লায়রবশিংদা থবক পীনবা গরিব কলয়ান রোজগর অভিয়ান পায়খৎলে।
16. ভোকেল ফোর লোকেল, রি-স্কিল অমসুং অপ-স্কিলগী খোঙজংনা লায়রবগী পনখৈ মখাদা লৈবনা মীওইশিংগী শেন-থুমগী ফিবম ফগৎহনগনি।
17. ঐখোয়গী লৈবাক্কী তোঙান-তোঙানবা মফমশিং চাউখৎপগী তোঙান-তোঙানবা ফিবমশিংদা লৈরি। মফম খরনা চাউখৎলে, মফম খরনা অতৈদগী য়াম্না শোৎথরি। মসিগী থোঙ মান্নদবা অসি মশাগী ওক্নবা পুথোকচবা ভারত অমা শেমগৎপদা শিংনবা ওইরি। ঐনা মমাংদা হায়খ্রে, ঐখোয় জিলা ১১০দা পুক্নিং চঙলি। হায়রিবা জিলাশিং অসি চাউখৎলবা জিলাশিংগুম শেমগৎপা ঐখোয়না পাম্মি। ঐখোয়গী পান্দমদি চাউখৎনবা অমসুং লম্বী-থোঙ ফগৎহন্নবা থৌরাং অমা পায়খৎপনি।
18. মশাগী ওক্নবা পুথোকপা ভারত অমা শেমগৎনবা-মশাগী ওক্নবা পুথোকপা লৌউ-শিংউ অমসুং মশাগী ওক্নবা পুথোকপা লৌমীশিং য়াম্না মরুওই। লৈবাক্কী লৌমীশিংদা অনৌবা লৌউ-শিংউগী মচাক-মথুমশিং ফংহন্নবা, লুপা করোর লাখ ১গী ‘এগ্রিকলচর ইনফ্রাস্ত্রকচর ফন্দ’ শেম্লে।
19. মমাং চহিদা , মসিগী লাল কিলা অসিদগী ঐনা মিসন জল জিবন লাউথোকখি। ঙসিদি মিসন অসিনা নুমিৎ খুদিংগী য়ুম লাখ ১ হেনবদা তোতি ঈশিং ফংহল্লে।
20. মিদল ক্লাসতগী থোরকপা শীনফম কয়াগী মীওইশিংনা ভারত খক নত্তনা মালেমদা মশক থোকপা থবক কয়া পাংথোক্লে। মিদল ক্লাস খুদোংচাবা দরকার ওই অমসুং মিদল ক্লাস সরকারনা অপনবা পীবদগী মনিংতম্বা দরকার ওই।
21. অহানবা ওইনা নহাক্কী য়ুমগী হোম লোনগী ই.এম.আইদা লুপা লাখ ৬ ফাওবা রিবেত পীরে। হৌখিবা চহিদা, শাবা লোইশিন্দ্রবা য়ুমশিং লোইশিন্নবা লুপা করোর লিশিং ২৫গী ফন্দ কাইথোকখি।  
22. অনৌবা ভারত অমা শেমগৎপদা, মশাগী ওক্নবা পুথোকচবা ভারত অমা শেমগৎপদা , নুংঙাইবা ভারত অমা শেমগৎপদা লৈবাক অসিগী লাইরিক লাইসু তম্বা অসি মরুওই। মসিগী য়েংলগা লৈবাক অসিনা অনৌবা নেসনেল ইজুকেসন পোলিসি পায়খৎলে।
23. কোরোনা মতমদা, ঐখোয়না দিজিতেল ইন্দিয়াগী থৌদাং উবা ফংলে। মমাংগী থাদা বিম য়ু.পি.আই মথন্তদা লুপা করোর লাখ ৩ ত্রান্সসেক্সন তৌখি।
24. ২০১৪গী মমাংদা লৈবাক অসিদা পঞ্চয়দ ৬০ খক ওপ্তিকেল ফাইবর শমখি। হৌখিবা চহি ৫দা লৈবাক অসিগী গ্রাম পঞ্চয়দ লাখ ১.৫ ওপ্তিকেল ফাইবর শম্লে। লাক্লিবা নুমিৎ ১০০০গী মনুংদা লৈবাক অসিগী খুঙ্গং লাখ ৬ ওপ্তিকেল ফাইবর শম্লগনি।
25. ভারত্তা নুপীশিংদা থৌনা পীবা মতমদা, মখোয়না লৈবাক অসিগী মিংচৎ পুরকই অমসুং লৈবাক অসি মপাঙ্গল কনখৎহল্লি। ঙসিদি লৈবাক অসিনা থবক পীবা অমসুং মশানা মশাবু থবক পীজবদা নুপীশিংদা চপ মান্নবা খুদোংচাবা পীরে। ঙসিদি ভারতকী নুপীশিং কয়লাগী খনিশিংদা থবক শুরে। ঙসিদি, ঐগী লৈবাক্কী ইচানুপীশিংসু ফাইত্তর প্লেনশিং পাইরে অমসুং অতিয়া য়ৌবা ঙম্লে।
26. জন ধন একাউন্ত করোর ৪০গী মনুংদা একাউন্ত করোর ২২ ঐখোয়গী ইচলশিংগীনি। কোরোনা মনুংদা, হায়রিবা ইচলশিং অসিনা একাউন্তশিংদা লুপা করোর লিশিং ৩০ থমজিনখি।
27. কোরোনা হৌরকপা মতমদা ঐখোয়গী লৈবাক্তা লেবোরেতোরি অমা খক লৈরমখি। ঙসিদি লৈবাক শীনবা থুংনা লেব ১৪০০ লৈরে।
28. ঙসিদগী হকশেলগী লমদা অচৌবা ইহৌ অমা হৌরে অমসুং মসিদা তেক্নোলোজিনা মরুওইবা থৌদাং অমা লৌগনি। ঙসিদগী নেসনেল দিজিতেল হেল্থ মিসন হৌদোক্লে। ভারতমচা খুদিংমক হেল্থ আই.দি অমা পীগনি। হেল্থ আই.দি অসিনা ভারতমচা খুদিংমক্কী হেল্থ একাউন্ত ওইনা থবক তৌগনি। নহাক্কী তেস্তশিং, লায়নাশিং, নহাক্না উনখিবা দোক্তরশিং, নহাক্না চাখিবা হিদাকশিং অমসুং দাইগনোস তৌখিবশিংগী অকুপ্পা মরোলশিং মসিগী একাউন্ত অসিদা য়াওগনি। করম্বা মতমদা করি রিপোর্ত লৈখি হায়বা অসিগুম্বা ই-পাউশিং হেল্থ আই.দি অসিদা য়াওগনি।
29. ঙসিদি অমা খক নত্তনা, অনি নত্তনা, তিকা অহুম ভারত্তা চাংয়েং তৌবগী তাঙ্কক্তা লৈরে। ঐখোয়গী সাইন্তিস্তশিংদগী অয়াবা হেক ফংবগা ঐখোয়না তিকা পাক-শন্না পুথোক্কনি। ঐখোয়না থৌরাং তৌবা লোইরে।
30. চহি অসি জম্মু অমসুং কাস্মিরগী চাউখৎপগী অনৌবা খোঙচৎকী চহি অমনি। চহি অসি জম্মু অমসুং কাস্মিরদা নুপীশিং অমসুং দলিতশিংদা হক ফংহনবগী চহিনি। চহি অসি জম্মু অমসুং কাস্মিরদা রিফুজিশিং চিংলেম্না হিংনবগী চহি অমনি।
31. মমাং চহিদা লাদাখ য়ুনিয়ন তেরিতোরি অমা ওইহন্দুনা, লমদম অদুগী মীয়াম্না চহি কয়াগী মমাংদগী তাল্লকপা অদু ফংখ্রে। হৌজিক লাদাখ চাউখৎপগী অনৌবা লম্বীদা চঙশিল্লে। সিক্কিম অসি ওর্গনিক রাজ্য অমা ওইনা খঙনবগুম, নুমিৎ খরনি অসিদা, লাদাখ অসি কার্বোন নিউত্রেল ওইবা লমদম অমা ওইনা মশক তাকপা উরগনি, মসিগীদমক থবক পায়খৎপা হৌরে।
32. লৈবাক অসিগী খনগৎলবা সহর ১০০দা পোল্লুসন হন্থহন্নবা অখন্নবা খোঙজং অমা হৌনবা থবক পায়খৎলে।
33. লৈবাক অসিগী বাইওদাইভর্সিতি কন্নবা অমসুং য়োকখৎনবা ভারতনা কন্না হোৎনরি। লৈবাক অসিদা কৈ মশিং য়াংনা হেনগৎলে। হৌজিক লৈবাক অসিদা ঐখোয়গী এসিয়াতিক নোংশাশিংগী প্রোজেক অমা থবক হৌরে। প্রোজেক দোলফিনসু থবক হৌরে।
34. এল.ও.সিদগী হৌরগা এল.এ.সি ফাওবদা লৈবাক্কী মনিংতম্বদা শিংনরকপশিং, লৈবাক অসিদা শিংনরকপশিং, ঐখোয়গী লান্মীনা চপ মান্নবা লোনদা পাউখুম পীখ্রে। ভারতকী মনিং-মখা তম্বদা ইকায়খুম্নবা অসি ঐখোয়না মরুওইনা লৌরি। লৈবাক অসিনা করি তৌবা ঙম্বগে হায়বদু ঐখোয়গী লান্মীশিংনা উৎখ্রে, মসি লাদাখতা মালেম্না উখ্রে।
35. মালেমগী অপুনবা মীশিংগী শরুক মরি থোকপগী শরুক অমা খা-নোংপোক এসিয়াদা লৈরি। মতেং পাংনদুনা অসিগুম্বা য়াম্লবা মীশিং অসি চাউখৎনবা অমসুং নুংঙাইনবা ঐখোয়না থবক কয়া পাংথোকপা ঙমগনি।
36. লৈবাক্কী ঙাক-শেনদা ঐখোয়গী ঙমখৈ অমসুং সমুদ্র মপানগী মচাক-মথুমশিংনা মরুওইবা থৌদাং অমা লৌরি। হিমালয়াগী চীংদোলশিং ওইগেরা নৎত্রগা ভারত মহাসাগরগী ইথৎশিং ওইগেরা, ঙসিদা মমাংদা অমুক্তা ওইখিদ্রবা মওংদা লম্বী অমসুং ইন্তরনেত কন্নেক্সন লৈরে।
37. ঐখোয়গী লৈবাক্তা ইথৎ ১৩০০ হেন্না লৈরি। লৈবাক অসি চাউখৎপদা মখোয়গী মরুওইবা অদু য়েংলগা, খনগৎলবা ইথৎ খরদা অনৌবা চাউখৎ-থৌরাংগী স্কিমশিং পায়খৎপা হৌরে। অন্দমান অমসুং নিকোবর ইথৎশিংগী মতুংদা, নুমিৎ ১০০০গী মতুংদা, লক্সদ্বিবসু সমুদ্র মনুংগী ওপ্তিকেল ফাইবর কেবলগা শম্নরগনি।
38. লৈবাক অসিগী ঙমখৈ অমসুং সমুদ্র মপানগী জিলা ১৭৩দা এন.সি.সি পাকথোক-চাউথোকহল্লগনি। খোঙজং অসিগী মখাদা, অনৌবা এন.সি.সি কেদেৎ লাখ ১ রোমদা অখন্নবা ত্রেনিং পীগনি। নুপীমচাশিংসু মসিগী অখন্নবা ত্রেনিং অসি পীগনি।
39. ঐখোয়গী থৌশিলশিং, ঐখোয়গী থবকশিং অমসুং ঐখোয়গী পোৎথোকশিং , খুদিংমক খ্বাইদগী ফবা ওইগদবনি। মদু খক্তদা এক ভারত-শ্রেস্থ ভারতকী মঙলান অদু ঐখোয়না মঙফাওনবা ঙমগনি।
40.  ‘হিংবদা লাইবা, মমল হোংবা ইন্তরনেত, মমল হোংবা এয়র তিকেতশিং, হাইৱেজশিংগী হৌরগা ই-হাইৱেজশিং অমসুং মমল হোংবা য়ুম অমসুং তেক্স হন্থবগী খুদোংচাবশিং মিদল ক্লাসশিংনা য়াম্না ফংগনি। হায়রিবা থবকশিং অসিনা লৈবাক অসিগী মিদল ক্লাসশিং শক্তি পীগনি।

*****