প্রধান মন্ত্রী, শ্রী নরেন্দ্র মোদীনা ঙসি হায়খি মদুদি মহাক্কী সরকার অসিনা লৈবাক অসিদা লৈরিবা নুপীশিংগী হেল্থ অমসুং হাইজিন, মরু ওইনা ময়ামদগী শোত্থরবা কনা লৈজদ্রবা নুপীশিংগী মতাংদা য়াম্না খল্লি।

রেদ ফোর্তকী লানবনদগী ৭৪শুবা ইন্দিপেন্দেন্স দেগী থৌরমদা লৈবাক মীয়ামদা ৱা ঙাংলদুনা প্রধান মন্ত্রীনা হায়খি মদুদি সরকার অসিনা লাইরবা ইচানুপীশিং অমসুং ইচে-ইচলশিংগি হেল্থ অমসুং হাইজিনগী মতাংদা য়েংশিল্লি অমসুং মখোয়না অহোংবা মমলদা হেল্থকা মরী লৈনবা প্রোদক্তশিং ফংহল্লি। অসিগী মাইকৈদা থবক তৌবা ওইনা সেনিতরী নেপকিন কোতি ৫গী মথক্তা ময়ামদগী শোত্থরবা কনা লৈজদ্রবা নুপীশিংদা জন ঔশধি কেন্দ্র ৬০০০তগী অমদা লুপা ১ পীদুনা খ্বাইদগী য়ামদবা মমলদা য়েন্থোকখ্রে হায়না মহাক্না হায়খি।

প্রধান মন্ত্রীনা লাউথোকখিবা অদুগী মতাংদা ৱা ঙাংলদুনা, কেন্দ্রগী কেমিকেলস অমসুং ফর্তিলাইজরগী মন্ত্রী, শ্রী দি.ভি. সদানন্দা গৌদানা হায়খি মদুদি প্রধান মন্ত্রীগী লমজিং-লমতাক অমসুং মতেংনা মরম ওইরগা হায়রিবশিং অসি মাইপাকপা ঙমখিবনি। জন ঔশধি কেন্দ্র ৬০০০কী নেতৱার্ক্না সেনিতরী নেপকিন কোতি ৫গী মথক্তা খ্বাইদগী য়ামদবা মমল লুপা ১দা য়েন্থোকখিবা অদুগুম্না, মরু ওইনা ময়ামদগী শোত্থরবা কনা লৈজদ্রবা মীশিংগী মতেং পাংনবা শেম-শাদুনা লৈরে হায়না হায়খি।

সরকার অসিনা প্রধান মন্ত্রীগী মঙলান অদু মাইপাকহন্নবা পি.এম.জন ঔশধিগী খুত্থাংদা য়ামদবা মমলদা তঙাইফদনা চংবা অমসুং ক্বালিতী লৈবা হিদাক–লাংথকশিং মখাতানা অদুমক ফংহনখিগনি হায়না শ্রী গৌদানা পনখি।

শিপ্পিংগী এম.ও.এস. (আই./সি.) অমসুং কেমিকেল অমসুং ফর্তিলাইজরগী এম.ও.এস., শ্রী মন্সুখ মান্দভিয়ানসু হায়খি মদুদি সেক্তর কয়া অমদা, মরু ওইনা ৱীমেন এমপাৱরমেন্ত অমসুং লাইরবশিংগী থাক্তা লৈবশিং অদুগী য়াইফনবা মাইকৈদা খৌংজেল য়াংনা থবক পাইখৎলক্লি, হায়রিবশিং অসি প্রধান মন্ত্রীনা থবক অদুদা খোংফম চেৎনা মাই ওন্সিনবনা মরম ওইরগা ওইথোকপা ঙম্লিবনি। ঐখোয়গী দিপার্তমেন্ত ওফ ফার্মসিতিকেলসনা মসিগী সেনিতরী পেদশিং অমসুং অতোপ্পা হিদাক-লাংথকশিং অসি পি.এম. জন ঔশধি কেন্দ্রশিংগী খুত্থাংদা অহোংবা মমলদা শোইদনা ফংহন্নবগীদমক্তা অৱাবা খঙদনা থবক তৌরকখি হায়নসু হায়খি।

কুনাইগী ওইবা দ্রাইব অমা ওইনা জন ঔশধি সিৱিধা সেনিতরী নেপকিন অসি লৈবাক শিনবা থুংনা লৈরিবা প্রধান মন্ত্রী ভার্তিয়া জনৌশধি পরিয়োজনা – পি.এম.বি.জে.পি. কেন্দ্র ৬০০০কী মথক্তা লৈরিবশিং অসিদা পেদ অমদা লুপা ১গী খ্বাইদগী য়ামদবা মমলদা ফংহনখ্রে। অসিগা মান্নবা সেনিতরী নেপকিন গী মার্কেত প্রাইস অসি পেদ অমদা চাউরাক্না লুপা ৩/-দগী লুপা ৮/- ফাওবা ওই।

খোংথাং অসিনা ভারতকী ময়ামদগী শোত্থরবা কনা লৈজদ্রবা নুপীশিংগীদমক্তা ‘স্বছতা, স্বাস্থ্যা অমসুং সুৱিধা’ ফংহল্লি। মসিগী খোংথাং অসি মীপুমখুদিংমক্তা অহোংবা  অমসুং ক্বালিতী লৈবা হেল্থকেয়র ফংহন্নবগী প্রধান মন্ত্রী, শ্রী নরেন্দ্র মোদীগী মঙলান অদুবু মঙফাওনহন্নবা কন্দ্রগী দিপার্তমেন্ত ওফ ফার্মসিতিকেলসনা লৌখৎখিবা খোংথাংনি। মসিগী সেনিতরি নেপকিনশিং অসি এনভাইরনমেন্ত ফ্রেন্দলী ওই, মরমদি মসিগী পেদশিং অসি এ.এস.তি.এম. দি.-২৯৫৪ (বায়োদিগ্রেদেবল তেস্ত) স্তেন্দার্দশিং অদু ঙাক্না চৎপা ওক্সো-বায়োদিগ্রেদেবল মেতরিয়েলনা শাখিবনি।

লৈবাক অসিগী মফম কয়া অমদা মরু ওইনা রুরেল এরিয়াশিংদা লৈবা নুপীমচাশিং অমসুং নুপীশিংদা সেনিতরী প্রোদক্তশিং ফংদে নত্রগা মখোয়না মসি শিজিন্নদে মরমদি মার্কেত্তা ফংবা পোৎলমশিং অসি মমল য়াম্না তাংঙি। মরম অদুনা পেদশিং অসি জন ঔশধি কেন্দ্রশিংদগী লৌবনা মখোয়দা য়াম্না চাউবা তেংবাং অমা ওইনা থোকই।

জনা ঔশধি কেন্দ্রশিংনা জে. অমসুং কে. অমসুং লদাখ রিজনদা পেদ কোতি ১.৫৬ সপ্লাই তৌখ্রে। এন.ঐচ.এম.না হায়রিবা পেদশিং অসি “রাস্ত্রিয়া কিশোর স্বাস্থিয়া কার‍্যক্রম ”গী শরুক অমা ওইনা নহা ওইরিবা নু্পীমচাশিং অমসুং নুপীশিংদা লেম্না য়েন্থোক্তুনা লাক্লি।

******