কেন্দ্রগী স্তীল অমসুং পেত্রোলিয়ম অমসুং নেচরেল গ্যাসকী মন্ত্রী শ্রী ধরমেন্দ্রা প্রধান্না ঙসি ৭৪শুবা নিংখা তম্বগী নুমিত্তা লৈবাক পুম্বদা য়াইফ পাউজেল পীখ্রে।  মহাক্কী “ভারত্তগীনা আত্মানির্ভর ভারত ফাওবআঃ অহোঙবগী কাঙখোং” হায়না মিংথোনবা ত্বীৎকী ৱারোল অমদা মহাক্না অসুম্না হায়খি, “ঐখোয়গী লৈবাক্কী অমসুং মালেমগী ওইনা য়েংবা মিৎয়েং অসি মোদী সরকারগী মখাদা অহোঙবা কয়া অমা লাক্লে। হন্দক্কী মতম খরদা মরোমদোম লেপচবা ঙম্বা ভারত নত্ত্রগা আত্মানির্ভর ভারত অসি মালেমগী চাউখৎলক্লিবা অসিগা চান্নবরা চান্নদবরা হায়বগী য়েৎনবা কয়া লৈখি। মালেমগী ওইবা হায়বা হীরম অসিগী কান্নবা কয়া লৈরবসু মসিগী অকক্নবা ওইবা থৌওং খরদি হৌজিক ওইরিবা কোবিদকী লায়চৎ মনুংশিদা উবা ফংলি। লৈবাক খুদিংনা মখোয়গী মরমগী খুদোংচাদবশিংগী ৱারোইশিন পুরক্নবা হোৎনবদা মালেমগী খোঙজেলদগী হন্দোক্নখ্রে অমসুং মসিগী অচুম্বা মরম কয়াসু লৈ। মরম অদুনা ঐখোয়না ইরোমদোম লেপচবা ঙম্নবা হোৎনবা অসিনা ঐখোয়না মালেমগী ওইবা থৌওংশিং, খুৎশম্নবশিং অমসুং থৌদাংশিংদগী লৈথোকপা নত্তে তৌবতবু ঐখোয়গী লৈবাক্কী ওইবা নুংগী তেক্ত কায়দনবা শিঞ্জবনি”।

মহাক্না মখা তানা হায়খিবদা, “ভারত অসি মশাগী থৌদাং খঙবা মালেমগী খোঙলোয় অমনি। ঐখোয়গী চাউখৎলকপগী ৱারোল অসিনা “বাসুদৈবা কুতুম্বাকম” নত্ত্রগা মালেমগী ওইবা ইমুং মনুংদা থাজবা থমহন্দুনা লাক্লি। ঐখোয়না মহৌশাবু ইমানি অমসুং মসিদা লৈরিবশিংবু ইমুং মনুংগী মীওইনি খন্দুনা মতম পুম্বদা লাক্লি। হন্দক লাউথোকখিবা শেমদোকপা কয়া অসি চাংদম্নবগী মতিক উৎথোকপা ঙম্নবা লন-থুম পৈশিনবা অমসুং ওন্তোপ্রিনর ওইবা অমসুং মালেমগী ওইবা তেক্নোলোজীশিংবু শিজিন্ননবা পুথোকপগী ইকোসীস্তেম অমা শেম্বদা পান্দম থম্বা ঙাক্তনি। অদুবু মসিগী শাহৌ লৌবগী খোঙচৎ অসিনা অতৈদগী হেন্না লমদমসিগী কান্নবদা মিৎয়েং থম্বা তোপ তোপ্পা ভারতকী ওইবা মওং অমা ইন্দুনা চৎকনি। প্রধান মন্ত্রী শ্রী মোদীগী লুচিং মখাদা ভারতনা মালেমগী লৈবাকশিংগী মরক্তা ইকায় খুম্না ফঙবা হেনগৎলকখিগনি”।

*******